Mak 16မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ɔsɛ náábɔ́ : « Énu ke húlíkínyi baacɔ bekime ɔ ɔmɛsɛ́ okime Ambányɛ yɛ́ Ɛsɔ́ma.

Bikéki bí tubílícínyínyí eebi káá lɛ́cakana a baacɔ e bé ké bú lúmitekinine : Bé ké bú hémúkúnyi *bɛɛbɛ́ bí bililé eémí e nyiínyi, bá táŋáka bɛɔ́sɔɔ́sɔ bɛ́ ɛtáŋa. Bá hátɛakɛna mɔɔ́hɔ a mɔɔ́sɔ na aabá. Ta bábɔ́ muána bɔkɔ a bulɔkɔ́nɔ́, bú ti kéé beébe kɛla ta bɔkɔ ; bá ká bɔ́ tálákɛ́na bɔkɔnɔ́kɔ́nɔ aabá, bɔkɔnɔ́kɔ́nɔ eébé bɔ́ waáŋɔ́núaka. »

Ɔɔcɔ ewú u kéé lumitinine Ambányɛ yɛ́ Ɛsɔ́ma eéyé, yó bíótíne, káá bá ne olíhe. Mbá ɔɔcɔ ewú u ti kéé yiíyi lumitinine káá bá na nyɛkua.

Aáná baákɔ́nɛ́na ŋa bɔ́ cɔ́bá o o húle húlinyi baacɔ Ambányɛ yɛ́ Ɛsɔ́ma haála hekime. Otéŋí a Waáŋá ŋaá bá ne beébe e buólí eébú, we oónyísíkínyi Ambányɛ yɛ́ Ɛsɔ́ma ne bikéki bí tubílícínyínyí abɛ́ bá ŋa bɔ́ bá bábɔ́ kɛ́laka.]

Mbá ɔnɔ́kɔ́ yɛ́ ɔɔcɔ eéyé ŋeé beébe laána yɛ́sɛ : « Nuti líkíméke. Nu ŋa nɔ́ áamba Yésus, ɔɔcɔ u *Násalɛt, awɔ́ bá ŋa yaátákɛ́na ɔ ɔmbásá. Ú ma háanyua o owé, u tɛ á bá aaha ! Ánɔ lɛca, aaha bé ŋeé wuúci fiényínyi.

Mbá, ahɛ́ bá ŋa bɔ́ tálá eése, bá ŋá lɛcá anyía bé me fúŋulisi yaandándá yɛ́ nyɛndányɛ́ a nyɛ́ ŋaá bá e nyiofíníne nyí eenyie. Bé ŋe bú óófíne noómi, bɔ́ lɛ́ca ɔnɔ́kɔ́ yɛ́ ɔɔcɔ eliménénú a yáábɔ́ aháŋá yɛ́ ɔɔbɔ́ ú manɔ́mɛ, ú ma láŋaba kaba e cifúlúndúndúé. Bulíkílíki ŋé beébe tímbíé.