Luk 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Yɛ́ ŋaá bá anyía, ekúlú ayɛ́ nyɛkɔca nyɛ́ baacɔ ŋaá bá nyíé bíótókíne, Yésus ŋe ke bíótíne tɔ́na. Ekúlú ayɛ́ ú ŋaá bá waá bɛ́cɔ́kɔ́lɔ́kɛ́na Bandɔ́mɛsɛ́, Ɔmuaná ŋé bíhúúné. *Efúúménénú yí Elilé ŋá sɔ́ɔ́na nááyá i ihúényínyí cɛ cɛɛ́tɔ ci hibúbé. Okelú ŋá lɔ́kɔ́mána, ú húlúkúne ɔ Ɔmuaná, ú kɔ́ɔnaka ɔ́sɛ : « Ɔ ɔ́ŋa uumi ɔɔ́nɔ́ u ɔtɛ́má. Ya mɛ́ŋa ne obíléne weéŋí nɔ́ɔ́wɔ. »

Mbá ɔsɛ náábɔ́ : « Yaŋɔ́ ɛ ŋa mɛ́ banɔ́ óótine ne menyífé ; mbá ɔɔcɔ awɔ́ á mɛ hɔla a makɛ́nda kokóokó eémi e elime : Ɛ tɛ ŋa mɛ́ nyɛmána ooci a wáŋa wu ohembuleke tukolí tɔ́ bíáyɛ́ bɛkandɛ́na. Wuúci oócí u káá banɔ́ óotokine ne *Efúúménénú yí Elilé ne oocó.

Mbá ánɔ caŋá kɛ́laka bɛsana e bí ŋo tóŋínyi anyía nú ma nɔ́ bɛ́kákálákɛ́na máánɔ́ maabɛ́, nuɔ́ sɔ́mba tɔ́na ɔkɔlɔ́ eé meéme. Nuti bíkétíki e cíínú ɛtɛ́má anyía nua nɔ́ŋa nú ɔkɔɔna hú anyía : “Abɛ́laham áŋa ciasɔ́ sɔ́kɔ́nɔ́.” Aá taaká ɛ ŋa mɛ́ banɔ́ láana ɛsɛ́ Bandɔ́mɛsɛ́ áŋa wu oceŋisi andányɛ́ eece baáná bá *Abɛ́laham.

Aámbáya eeci bá yáaŋa hoóhi ne okuusiki maatɛ́ hɛ́ a bɛkaŋá na hɛkɔtɔkɔ : Atɔ́kɔ́ ekime a yɛ́ tɛ ŋáá háá bɛmbányɛ bɛ́ bɛtámá, bé kéé yiíyi kuusi, bé o yiíyi lulíki. »

Hí a asana yɛ́ Sáaŋ *muhémúnyi bɛsana mɔ Bandɔ́mɛsɛ́, *Ɛsayí ŋɔ yɔ́ɔ́ŋɔ́kɔ eeyé e nufule ɔsɛ : « Ɔɔcɔ ŋo sóbi okelú ɔ ɔmuaná i iisí cɛ ɔsɛ́bɛ́á ɔsɛ : “Ánɔ tábɔ́náka ohónyí ú Otéŋí a Waáŋá, énu nyimíkínyi cííyí ihényí. Ánɔ cúákɛ́na bifokó, ánɔ salɔ́náka na tɔkɔndɔ na tɔŋɔndɔ́ ; haála a hɔkɔtɛ́mánɔ́ énu heéhe télímínyi, ihényí a cɛɛbɛ́, núó ciíci salɔnaka.” Aáná baacɔ bekime ká bɔ́ lɛ́ca háyɛ Bandɔ́mɛsɛ́ kéé beébe nohiki. »