Chivkeeb 32မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Tug txivneej ntawd has tas, “Koj lub npe yuav tsi hu ua Yakhauj ntxiv lawm, ruaqhov koj tau nrug Vaajtswv hab nrug tuabneeg sis tawmtsaam, hab koj yog tug yeej lawm. Yogle ntawd, koj lub npe yuav muab hu ua Yixalayees.”

Tug txivneej ntawd has tas, “Nub tub yuav tawm, yogle ntawd, koj cale tso kuv moog.” Yakhauj teb tas, “Kuv yuav tsi tso koj moog txug thaus koj foom koobmoov rua kuv tsaiv.”

tabsis nwg tuableeg tseem nyob tomqaab. Tes txawm muaj ib tug txivneej lug nrug Yakhauj sisqhau moog txug thaus kaajntug txoog.

Yakhauj has tas, “Kuv tub pum Vaajtswv timntsej timmuag lawm, tabsis kuv tseem muaj sa nyob”; yogle ntawd, nwg txhaj tis npe rua thaaj chaw ntawd hu ua Peniyees.

Thaus tug txivneej ntawd pum tas nwg yuav mos tsi yeej Yakhauj, nwg txhaj ntaus Yakhauj lub ntsaag kuas saav ua rua nwg lub pob qejtxhaa pluam plhuav.

Tug txivneej ntawd nug has tas, “Koj lub npe hu lecaag?” Nwg teb tas, “Kuv lub npe hu ua Yakhauj.”

Yakhauj has tas, “Thov koj qha koj lub npe rua kuv.” Tabsis nwg teb Yakhauj has tas, “Vim lecaag koj xaav paub kuv lub npe?” Tes nwg txawm foom koobmoov rua Yakhauj.

Kuv kws yog Koj tug tubkhai, tub tsi tsimnyog tau txais Koj txuj kev hlub hab txuj kev ncaajnceeg hlo le. Thaus kuv hlaa tug dlej Yauladees tuaj, kuv tsi muaj ib yaam dlaabtsi le, tsuas yog muaj tuabtug nyuas paas nreg xwb, nwgnuav kuv muaj ob paab tuabneeg hab ob paab tsaj nrug kuv rovqaab lug.

Vimle ntawd najnub nwgnuav cov Yixalayees txhaj tsi noj thooj nqaj leeg ntawm lub ntsaag, ruaqhov yog thooj kws tau raug ntaus lawm.

Yakhauj txhaj thov Vaajtswv has tas, “Kuv yawmkoob Anplahaas tug Vaajtswv hab kuv txiv Ixaj tug Vaajtswv, thov Koj noog kuv tej lug thov lau! Tug TSWV, Koj has kuas kuv rovqaab moog rua kuv lub tebchaws hab kuv cov kwvtij, hab Koj yuav pub txhua yaam zoo rua kuv.

Kuv thov Koj paab cawm kuas kuv dlim ntawm kuv tug tijlaug Exaus lau. Kuv ntshai heev, ntshai nyobtsaam yog nwg tuaj tua peb hab ua rua peb raug kev puamtsuaj, tsi has tej quaspuj hab mivnyuas huv tuabsi.