Uchokholha 28မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Muupuwelheke, mii kiri vamoka ni inyu, kinoushungani uriwoothe unokelha inyu, ni uhokolhoshani ilha ilhapo ilha. Akinoohiyani mpaka vanohalha aka utimiriha malhehano kinouhimeriakani alha.”

Nkayoona Apwiiya Nlhuku, aneemenlhe vakhiviru waya, ni ayo, yeerelhaka, “Mii phi mii, Apwiiya Nlhuku, Nlhuku a Aburahimu athumwaninyu, ni Nlhuku a Naisaka. Ilhapo inorupelha inyu ilha, kinouvahani inyuva vamoka ni iyari inyu yonkhaye.

Yamalhekeru, Nayakhobo nkayonkwa, nkayeera, “Wo ikekhiaye Apwiiya Nlhuku ari vava vakittu va, ni mii kaari kihichuwelhaka!”

Amalhiheke, nkayeesha ishaani yeeraka, “Yakhalhaka uweva Nlhuku unookhalha vamoka ni mii ni ukishunga munkwahani mwaka, wakivahaka yolhia ni ikuwo wiira kiwe kaahokolhia uwani wa athumwanaka salama, paahi, inyuva Apwiiya Nlhuku nnookhalha phi Nlhuku aka. Ni va vaneemesha aka nlhuku thoko nipoto no wupuwelha va nna, vanookhalha vakittu wo ulhapelha uwe Nlhuku, ni mii kinouvaha mpatta wo khumi wo chittu chonkhaye chinohalha awo ukivaha.”

Iyari inyu inookhalha yinchi thoko ntukurukhu no velhaponi. Ni ayo anowa uwanelha kila vakittu, uneelha nchuwa, unosha nchuwa, uchulhu ni uchawa. Wo iphiro inyu, milhoko cha attu chonkhaye cho velhaponi chinoovahiya ibarakha.

Nkayeehana vavawo vakittu vawo, Betheli, maana aya “Inupa ya Nlhuku,” nansho nchina naya no khalhayi naari Luzu.