2 Korid 6မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Ñɨŋ nöbö mö Krais nugw pölöi akuyöbö pɨsaŋ nɨgiö nɨgön mɨdmɨjeñ. Nöbö mö mag wä rɨ ri abmɨdöi piaku, pödpöd rön nöbö mö mag wä rɨ ri abmɨdölöi piaku pɨsaŋ nɨgiö nɨgön rɨŋ duaŋ wä cön? Nöbö mö mila mɨdöi piaku, pödpöd rön nöbö mö pɨxmag yuö bö mɨdöi piaku pɨsaŋ nɨgiö nɨgön rɨŋ duaŋ wä cön?

God kömö mɨd Nöbö aku, an höjöpalɨb ram nuŋwa mɨdöla. God nuŋ yadöŋa, “Nɨ yuö ñɨŋa mɨdön, God ñɨŋa mɨdmön, ñɨŋ nöbö mö na mɨjöñɨŋö,” röŋa. Makwam God höjöpalɨb rama nɨgön, inakmönö goda nɨgön, mönö i paŋör nɨg ödör nɨgön rɨŋ dub maga nɨgöl.

Makwam, Nöbö Diba nuŋ yadöŋa, “Ñɨgö röböxön, ñɨŋ keir mɨjöña. Ap nɨ mödɨb nɨgöŋ piaku römerömö reñ aku, ñɨgö wahax pɨna. Nuö ñɨŋa mɨdmön, ñɨŋ halöu ha na mɨjöña. Nɨ Nöbö Dib keiryöbö, nöbö rɨb ödöriö aku aliö yadmɨdlö,” röŋa.

Krais kɨjaki pɨsaŋ rɨb mag paŋyöbö i yöx nugwölöi. Nöbö mö Krais nugw pɨmɨdöi bla, nöbö mö Krais nugw pɨmɨdölöi bla pɨsaŋ algör ör rɨb mag paŋyöbö i yöx nugweñ.