II Kôrantô 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Snăn Khua Yang jing Mngăt Myang, leh anăn ti anôk Mngăt Myang Khua Yang dôk, tinăn mâo klei êngiê.

Leh anăn jih jang drei hŏng ƀô̆ mta amâo guôm ôh dôk dlăng kơ klei guh kơang Khua Yang msĕ si hlăm ală kĭng, mâo klei bi mlih jing tui rup Ñu, mơ̆ng sa mta klei guh kơang kơ sa mta klei guh kơang mkăn. Kyuadah klei anei kbiă hriê mơ̆ng Khua Yang, Pô jing Mngăt Myang.

Ƀiădah tơdah sa čô wir nao kơ Khua Yang, Aê Diê mă hĕ čhiăm anăn.

Amâo djŏ ôh hmei pô jing năng dưi lač sa klei dưi ngă kbiă hriê mơ̆ng hmei pô; ƀiădah klei hmei dưi ngă kbiă hriê mơ̆ng Aê Diê. Ñu brei hmei năng dưi ngă bruă jing dĭng ktang kơ klei bi mguôp mrâo, amâo djŏ ôh hŏng hră, ƀiădah hŏng Mngăt Myang. Kyuadah hră bi mdjiê, ƀiădah Mngăt Myang brei klei hdĭp.