Proverbs 1မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Qiksiksrautiqaġniq Ataniġmun aullaqisaaguruq iḷisimmanmun, aglaan naluvyaaqtuat iñuich qiksiksrautaitchut isumattutiqaġniġmun suli iḷisaġnigmun. Miqłiqtuuŋ, naalaġnikkich qanuq uqautikpatin aapaviḷḷu aakaviḷḷu.

Sunigliqaa uuktuŋaitchuat iñuich tuqusuurut qanukkii ayaktuġaat isumattun. Isumalluaġiitchuat maqutauniaqtut iliŋisa isumalaaġutaiññimiktigun. Aglaan kiñaliqaa uvamnik naalaġniruaq payaŋaiññiaqtuq. Annaksimaaġniaqtuq, sumik patchisaiḷḷuni sivuuġanaġniaqtuamik.”

Ukua alġaqsruutit iḷaniaġaat iḷisimmataat isumaturuat suli iḷisautilugu iḷisaqpaŋaruaq

Miqłiqtuuŋ, piḷuusiqirit pitqusaaqpatin, qaiññak ilaiññun.

Alġaqsruutiŋi Solomon-gum, iġñiŋata David suli umialiŋata Israel. Uvva alġaqsruutit ikayuutiksratin iḷitchuġisaġlugich isumattutiksrat suli iluaqtuakun uqaluich, kaŋiqsiḷḷayumagitin uqaluich sivuniqturuat. Iḷisautiniaġaatin iñuuniaġniġmik isumatunakun sivuniqaqtuq sagluuġutaiññikun, nalaunŋanikun suli atilugich aŋalatchiñikun. Iḷitchiŋaitchuaq iñuk isumatusiñiaqtuq suli nutaqqat isumalaallasiḷugich.

Tavraasii apiqsriñiaqtutin isumattunmik, aglaan kiusiñiaŋitchuŋa. Ivaġniaġaluaġiŋma sumiḷiqaa, aglaan paqinniaŋitkigma. Iḷisimmatiqaġuŋiñŋarutin aasii qiksiksrautaiḷḷutin Ataniġmun.