ဢွၵ်ႇၵႂႃႇ 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ၵူၺ်းၵႃႈ၊ၼင်ႇ​ႁိုဝ်​ၵဝ်​တၵ်း​ၼႄပျႃး​တၼ်းၶူဝ်း​ၵဝ်​ၸိုင်၊ၵဝ်​ႁႂ်ႈ​မႂ်း​ဢသၢၵ်ႈလိပ်း​ယူႇ၊ပုၼ်ႈ​လွင်ႈ​ၼင်ႇ​ႁိုဝ်​ၼႃႇမႃႉ​ၸိုဝ်ႈသဵင်​ၵဝ်​တၵ်း​ၸွတ်ႇ​သႃႇ​ႁူင်ႁၢင်း​ၵႂႃႇ​ၵႃႈၼႂ်း​လေႃးၵႃႉ​ၼႆႉ​ၵူႈတီႈၵူႈလႅၼ်​ဢေႃႈ။

ထႃႇဝရႃႉ​ၽြႃး၊ လၢတ်ႈ​တီႈ​ မူဝ်းသေႇ၊ လႄႈ​ဝႃႈ၊ “မႂ်း​ၶဝ်ႈ​ၸူး​ၵႃႈတီႈ​ၶုၼ်ႁေႃၶမ်း​သေယဝ်ႉ၊မွၵ်ႇလၢတ်ႈ​တီႈ​မၼ်း​လႄႈ​ဝႃႈ၊ ‘ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​မီး​ဢမိင်ႉ​တီႈ​ၵူၼ်း​မဵဝ်း​ ႁေႇပြႄး၊ ၶဝ်​တင်းလၢႆ​လႄႈ​ဝႃႈ၊ပွႆႇ​ၵူၼ်း​ၵဝ်​တင်းလၢႆ​ၵႂႃႇ​ႁႂ်ႈလႆႈ​ဝႆႈသႃ​ၵူဝ်းၵႂၢႆႇ​ၵဝ်​တႃႉ။

ယၢမ်း​မိူဝ်ႈလဵဝ်​ၼႆႉ သင်​ၵဝ်​လႆႈ​ယိုၼ်း​မိုဝ်း​ၵဝ်​ဢဝ်​တင်း​ၽေး​ၵႃႇလႃႉႁႃႈလႅင်မိူင်း​ပၼ်တၢမ်ႇ​တီႈ​မႂ်း​ဢိၵ်ႇတင်း​ၶႃႈဝၢၼ်ႈၵူၼ်းမိူင်း​မႂ်း​ၸိုင်၊မႂ်း​တၵ်း​လႆႈ​ၶၢမ်ႇ​တၢင်း​ဢၼ်​ယႃႉၽဵဝ်ႈ​ပႅတ်ႈ​သေ​ၵႃႈတီႈ​လိၼ်မိူင်း​ၼႆႉ​ဢေႃႈ။

ၵဝ်​တၵ်း​ႁႂ်ႈ​ၽေး​ၵႃႇလႃႉႁႃႈလႅင်မိူင်း​ၸပ်း​ၵႃႈတီႈ​တူဝ်သတ်း​တရိၵ်ႈသၢၼ်ႇ​မႂ်း၊ၸႃႉၸဵမ်​မႃႉ​လႂ်၊မႃႉလီႈ​လႂ်၊ၵလႃႇဢုၵ်ႈ​လႂ်၊ၽုင်​ဝူဝ်း​ၽုင်​သူဝ်း​လႂ်၊ၵႃႈမီး​တင်းသဵင်ႈတင်းလူင်​ဢေႃႈ။- ၵဝ်​တၵ်း​ႁႂ်ႈ​တူဝ်သတ်း​တရိၵ်ႈသၢၼ်ႇ​ၵူၼ်း​မဵဝ်း​ ဢိသရေး၊ တင်းလၢႆ၊ဢိၵ်ႇတင်း​တူဝ်သတ်း​တရိၵ်ႈသၢၼ်ႇ​ၵူၼ်း​မဵဝ်း​ ဢေးၵျိပ်ႉ၊ တင်းလၢႆ​ပႅၵ်ႇပိူင်ႈ​ၵၼ်​လႄႈ​တူဝ်သတ်း​တရိၵ်ႈသၢၼ်ႇ​ၵႃႈ​ဢၼ်​ၵူၼ်း​မဵဝ်း​ ဢိသရေး၊ ၶဝ်​ပိူင်ႇ​ၼၼ်ႉ​တၵ်း​ဢမ်ႇ​လႆႈ​တၢႆ​သေ​တူဝ်​ဢေႃႈ။

ၵဝ်​တၵ်း​ႁႂ်ႈ​ၽေး​ၽူၼ်​မၢၵ်ႇႁဵပ်း​ဢၼ်​ယႂ်ႇ​ၼႃႇ​လူင်လၢင်​မဵဝ်း​ဢၼ်​ယင်း​ဢမ်ႇ​ပႆႇ​တွၼ်ႉ​ပဵၼ်​ၵႃႈၼႂ်း​ပိုၼ်း​မိူင်း​ ဢေးၵျိပ်ႉ၊ သေပွၵ်ႈ​ၼၼ်ႉ​ပဵၼ်​မႃး​ၼႂ်း​ဝၼ်း​မိူဝ်ႈၽုၵ်ႈ​မွၵ်ႈ​ၶိင်ႇ​ၼႆႉ​ၼၼ်ႉ​ဢေႃႈ။- ပိူဝ်ႈ​ၼႆ​လႄႈ​ပူင်ဢမိင်ႉ​ႁႂ်ႈ​သိမ်းဢဝ်​ၽုင်​သတ်း​တရိၵ်ႈသၢၼ်ႇ​ဢိၵ်ႇတင်း​ၶူဝ်းၶွင်​မႂ်း​ဢၼ်​မီး​ဝႆႉ​ၵႃႈတီႈ​ပၢင်ႇ​တီႈ​ပိဝ်​ၸိူဝ်း​ၼၼ်ႉ​မႃး​ဝႆႉ​ၵႃႈတီႈ​တႂ်ႈ​ဢၼ်​မုင်း​ဢၼ်​ၵင်ႈ​ဝႆႉ​တႃႉ။ ၸႃႉၸဵမ်​ၵူၼ်း​လႄႈ​တူဝ်သတ်း​တရိၵ်ႈသၢၼ်ႇ​ၸိူဝ်း​ဢၼ်​ၵိုတ်းၵျၢၼ်ႇ​ဝႆႉ၊ၵႃႈတီႈ​ပၢင်ႇ​တီႈ​ပိဝ်​လႄႈ​ဢမ်ႇ​ဢဝ်​မႃး​ၵႃႈတီႈ​ႁိူၼ်း​ၼၼ်ႉ​ၽူၼ်​မၢၵ်ႇႁဵပ်း​တၵ်း​တူၵ်း​သႂ်ႇ​ၵႃႈၼိူဝ်​ၶဝ်​လႄႈ​တၵ်း​တၢႆ​ပႅတ်ႈ​မူတ်း​ဢေႃႈ၊” ’ ဝႃႈ​ၼင်ႇ​ၼႆ​တႃႉ၊” ဝႃႈ​ၼင်ႇ​ၼႆ​ဢေႃႈ။

တဝ်ႈ​ၼၼ်ႉ​တၵ်း​ပဵၼ်​ၽွင်​မုၼ်ႈ​ဢၼ်​ၽႄႈ​ၸွတ်ႇတူဝ်ႈ​ၵႂႃႇ​ၵႃႈၼႂ်း​မိူင်း​ ဢေးၵျိပ်ႉ၊ ၵူႈတီႈၵူႈလႅၼ်​လႄႈ​ပဵၼ်​တုမ်ႇၽီ​ဢၼ်​ယဵၼ်း​ပဵၼ်​ၸဵပ်း​လူင်​ၵႃႈတီႈ​ၵူၼ်း​ဢိၵ်ႇတင်း​တူဝ်သတ်း​တင်းလၢႆ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။- ၶဝ်​ဢဝ်​မိုဝ်း​ဝၵ်ႉ​ဢဝ်​တဝ်ႈ​ၵႃႈၼႂ်း​ၽီးၽႆး​သေလႄႈ​ၵႂႃႇ​ၸုၵ်း​ၵႃႈတီႈ​ၽၢႆႇၼႃႈ​ၶုၼ်ႁေႃၶမ်း​ဢေႃႈ။ မူဝ်းသေႇ၊ ၵေႃႈ​ၵမ်​ဢဝ်​တဝ်ႈ​ပိုၼ်​ၶိုၼ်ႈ​ၽႃႉ​ၵႂႃႇ​လႄႈ​တဝ်ႈ​ၼၼ်ႉ​ပဵၼ်​တုမ်ႇၽီ​ဢၼ်​ယဵၼ်း​ပဵၼ်​ၸဵပ်း​လူင်၊ၵႃႈတီႈ​ၵူၼ်း​ဢိၵ်ႇတင်း​တူဝ်သတ်း​တင်းလၢႆ​ဢေႃႈ။