ဢွၵ်ႇၵႂႃႇ 7မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ထႃႇဝရႃႉ​ၽြႃး၊ ၵေႃႈ​လၢတ်ႈ​တီႈ​ မူဝ်းသေႇ၊ လႄႈ​ဝႃႈ၊ “ၵဝ်​တၵ်း​ယုၵ်ႉ​တၢင်ႇ​မႂ်း​ႁႂ်ႈ​ပဵၼ်​ၸိူဝ်ႉ​ၼင်ႇ​ၽြႃးပဵၼ်ၸဝ်ႈ​တီႈ​ၶုၼ်ႁေႃၶမ်း​မိူင်း​ ဢေးၵျိပ်ႉ၊ ဢေႃႈ။ ပီႈဢၢႆႈ​မႂ်း​ ဢႃႇရုၼ်ႇ၊ သမ်ႉ​တၵ်း​လၢတ်ႈ​ၵႂၢမ်း​တၢင်တူဝ်​မႂ်း​ၸိူဝ်ႉ​ၼင်ႇ​ပရေႃးၽႅတ်ႈ​ဢေႃႈ။

ၵူၺ်းၵႃႈ၊ၵဝ်​တၵ်း​ႁႂ်ႈ​ႁူဝ်ၸႂ်​ၶုၼ်ႁေႃၶမ်း​ၵႅၼ်ႇၶႅင်​လႄႈ​ၵဝ်​တၵ်း​ႁဵတ်း​ၼႄ​ၼိမိၵ်ႈ​သၢၵ်ႈသေႇ​တင်းလၢႆ​ဢိၵ်ႇတင်း​တၢင်း​ဢၼ်​လီဢၢမ်း​ၼမ်​ၵိုၼ်း​ၼႃႇ​ၵႃႈၼႂ်း​မိူင်း​ ဢေးၵျိပ်ႉ၊ ဢေႃႈ။- ၼႂ်းဝႃႈၼၼ်​သေၵေႃႈ ၶုၼ်ႁေႃၶမ်း​ယင်း​တၵ်း​ဢမ်ႇ​ထွမ်ႇ​ဢမ်ႇ​ဢဝ်​ၵႂၢမ်း​သူ​ၼၼ်ႉ​ဢေႃႈ။ ၵမ်း​ၼၼ်ႉ ၵဝ်​တၵ်း​ပၼ်တၢမ်ႇ​ဢၼ်​ယႂ်ႇ​ၼႃႇ​ၵႃႈၼိူဝ်​ၵူၼ်းမိူင်း​ ဢေးၵျိပ်ႉ၊ သေလႄႈ​တၵ်း​ဢွၼ်​ဢဝ်​ၵူၼ်း​ၵဝ်​မဵဝ်း​ ဢိသရေး၊ ဢွၵ်ႇ​မိူင်း​ၼၼ်ႉ​ၵႂႃႇ​ဢေႃႈ။

ၵွပ်ႈပိူဝ်ႈ​ႁဵတ်း​ၸိူဝ်ႉ​ၼင်ႇ​ၼၼ်​လႄႈ​ၵူၼ်း​မဵဝ်း​ ဢေးၵျိပ်ႉ၊ ၶဝ်​တၵ်း​ႁု​လွင်ႈ​ဢၼ်​ၵဝ်​ပဵၼ်​ ထႃႇဝရႃႉ​ၽြႃး၊ ၼႂ်း​မိူဝ်ႈ​ဢၼ်​ၵဝ်​ယိုၼ်း​မိုဝ်း​ၵႃႈၼိူဝ်​ၶဝ်​သေလႄႈ​ဢဝ်​ၵူၼ်း​မဵဝ်း​ ဢိသရေး၊ ဢွၵ်ႇ​မိူင်း​ၶဝ်​ၵႂႃႇ​ၼၼ်ႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၶုၼ်ႁေႃၶမ်း​ၵေႃႈ​ႁွင်ႉ​ဢဝ်​ၵူၼ်း​ဢၼ်​မီး​ပိင်ႇၺႃႇ​မၼ်း​တင်းလၢႆ​ဢိၵ်ႇတင်း​ၵူၼ်း​မေႃ​လဵၼ်ႈ​ဢတၢတ်ႈ​တင်းလၢႆ​မႃး​လႄႈ​ႁႂ်ႈ​ဢဝ်​တင်း​ဢတၢတ်ႈ​ပိင်ႇၺႃႇ​ၶဝ်​ၼၼ်ႉ​ႁဵတ်း​မိူၼ်​ၸိူဝ်ႉ​ၼင်ႇ​ၼၼ်​ဢေႃႈ။- ၶဝ်​ၵေႃႈ​ဢွၼ်ၵၼ်​ဢဝ်​ၶွၼ်ႉတဝ်ႉ​ၶဝ်​ပႅတ်ႈ​တူၵ်း​လႄႈ​ၶွၼ်ႉတဝ်ႉ​ၶဝ်​ၸိူဝ်း​ၼၼ်ႉ​ၵေႃႈ​ပဵၼ်​ငူး​ၵႂႃႇ​ၵူႈ​လႅမ်ႈ​ဢေႃႈ။ ၵူၺ်းၵႃႈ၊ၶွၼ်ႉတဝ်ႉ​ ဢႃႇရုၼ်ႇ၊ ၼၼ်ႉ​ဢိုၼ်​ၵိၼ်​ၶွၼ်ႉတဝ်ႉ​ၶဝ်​ၸိူဝ်း​ၼၼ်ႉ​ပႅတ်ႈ​သေ​ဢေႃႈ။

တေႃႈလဵဝ်​ၼႆႉ​ ထႃႇဝရႃႉ​ၽြႃး၊ မီး​ဢမိင်ႉ​လႄႈ​ဝႃႈ​ၸမ်ႉ၊ “မႂ်း​တၵ်း​ႁု​လွင်ႈ​ဢၼ်​ၵဝ်​ပဵၼ်​ ထႃႇဝရႃႉ​ၽြႃး၊ ၼၼ်ႉ​ၸိူဝ်ႉ​ၼင်ႇ​ႁိုဝ်၊” ဝႃႈၼႆ​ၸမ်ႉ၊ၵဝ်​တၵ်း​ဢဝ်​ၶွၼ်ႉတဝ်ႉ​ၼႆႉ​ပေႃႉ​ၼႃႈ​ၼမ်ႉ​လႄႈ​ၼမ်ႉ​တၵ်း​ပဵၼ်​လိူတ်ႈ​ၵႂႃႇ​ဢေႃႈ။

“ပေႃး​ၶုၼ်ႁေႃၶမ်း​ယွၼ်း​ႁႂ်ႈ​သူ​ႁဵတ်း​ၼႄ​ၼိမိၵ်ႈ​သေ​ၸိူဝ်ႉ​သေ​ပိူင်​ပုၼ်ႈ​သၢၵ်ႈသေႇ​သူ​ၸိုင်၊မွၵ်ႇလၢတ်ႈ​ႁႂ်ႈ​ ဢႃႇရုၼ်ႇ၊ ဢဝ်​ၶွၼ်ႉတဝ်ႉ​မၼ်း​ပႅတ်ႈ​တူၵ်း​ၵႃႈတီႈ​ၽၢႆႇၼႃႈ​ၶုၼ်ႁေႃၶမ်း​တႃႉ။ ၶွၼ်ႉတဝ်ႉ​ၼၼ်ႉ​တၵ်း​ပဵၼ်​ငူး​ၵႂႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။- ပိူဝ်ႈ​ၼႆ​လႄႈ​ မူဝ်းသေႇ၊ ဢိၵ်ႇတင်း​ ဢႃႇရုၼ်ႇ၊ ၶဝ်ႈ​ၸူး​ၵႃႈတီႈ​ၶုၼ်ႁေႃၶမ်း​သေလႄႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ ထႃႇဝရႃႉ​ၽြႃး၊ သင်ႇ​လၢတ်ႈ​ဝႆႉ​ၼၼ်ႉ​ဢေႃႈ။ ဢႃႇရုၼ်ႇ၊ ဢဝ်​ၶွၼ်ႉတဝ်ႉ​မၼ်း​ပႅတ်ႈ​တူၵ်း​ၵႃႈတီႈ​ၽၢႆႇၼႃႈ​ၶုၼ်ႁေႃၶမ်း​ဢိၵ်ႇတင်း​မူးမၢတ်ႈ​ၽွင်းမိူင်း​မၼ်း​တင်းလၢႆ​လႄႈ၊ၶွၼ်ႉတဝ်ႉ​ၼၼ်ႉ​ပဵၼ်​ငူး​ၵႂႃႇ​ဢေႃႈ။