ဢွၵ်ႇၵႂႃႇ 3မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ၽြႃးပဵၼ်ၸဝ်ႈ​ၶိုၼ်း​လၢတ်ႈ​တီႈ​ မူဝ်းသေႇ၊ လႄႈ​ဝႃႈ၊ “ ၵဝ်​ပဵၼ်​ၸဝ်ႈ​ဢၼ်​ၵဝ်ပဵၼ်ယူႇ၊ ၼႆႉ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ မၼ်းၸဝ်ႈ​သမ်ႉ​လၢတ်ႈ​ထႅင်ႈ​လႄႈ​ဝႃႈ၊ “ၶိုၼ်း​လၢတ်ႈ​တီႈ​ၵူၼ်း​မဵဝ်း​ ဢိသရေး၊ တင်းလၢႆ​လႄႈ​ဝႃႈ၊ ‘ၸဝ်ႈ​ဢၼ်​မီး​ၸိုဝ်ႈ​ႁွင်ႉ​ႁဵၵ်ႈ​ဝႃႈ​ ၵဝ်ပဵၼ်ယူႇ၊ ၼၼ်ႉ​ပွႆႇၸႂ်ႉ​ၵဝ်​မႃး​ၸူး​သူ​ဢေႃႈ၊’ ဝႃႈ​ၼင်ႇ​ၼႆ​တႃႉ၊” ဝႃႈ​ၼင်ႇ​ၼႆ​ဢေႃႈ။

ၽြႃးပဵၼ်ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ “ၵဝ်​တၵ်း​မီး​ယူႇ​လူၺ်ႈ​ၵၼ်​တင်း​မႂ်း​ဢမၢၼ်ႇၶၼ်ပဵၼ်​ဢေႃႈ။ ၼႂ်း​မိူဝ်ႈ​ဢၼ်​မႂ်း​ဢွၼ်​ဢဝ်​ၵူၼ်း​တင်းလၢႆ​ဢွၵ်ႇ​မိူင်း​ ဢေးၵျိပ်ႉ၊ မႃး​ၼၼ်ႉ၊မႂ်း​တၵ်း​လႆႈ​မႃး​ဝႆႈသႃ​ၵူဝ်းၵႂၢႆႇ​ၵဝ်​ၵႃႈၼိူဝ်​လွႆ​ၼႆႉ​ဢေႃႈ။ ဢၼ်​ၼႆႉ​တၵ်း​ပဵၼ်​လၢၵ်ႈၶၼႃႇ​သၢၵ်ႈသေႇ​လွင်ႈ​ဢၼ်​ၵဝ်​ပွႆႇၸႂ်ႉ​မႂ်း​ၵႂႃႇ​ၼၼ်ႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

ၽြႃးပဵၼ်ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ “ယႃႇပေ​သုတ်ႉ​မႃး​ၸမ်။ ထွတ်ႇ​ၶႅပ်းတိၼ်​မႂ်း​တႃႉ။ လွင်ႈ​မၼ်း​ၸမ်ႉ၊တီႈ​ဢၼ်​မႂ်း​ယဵပ်ႇ​ယူႇ​ၼၼ်ႉ​ပဵၼ်​လိၼ်​ဢၼ်​မူတ်းၸၢင်ႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ၊ ထႃႇဝရႃႉ​ၽြႃး၊ လၢတ်ႈ​လႄႈ​ဝႃႈ၊ “ၵဝ်​လႆႈ​ႁၼ်​တၢင်း​ဢၼ်​ၼိၵ်ႈၸၢၵ်ႈ​ငႅၼ်းသႄး​ၵႃႈၼိူဝ်​ၵူၼ်း​ၵဝ်​တင်းလၢႆ​ဢၼ်​မီး​ၵႃႈၼႂ်း​မိူင်း​ ဢေးၵျိပ်ႉ၊ ပုၼ်ႉ​ၼၼ်ႉ​ယဝ်ႉ။ ၵဝ်​လႆႈ​ငိၼ်း​သဵင်​ၶဝ်​ဢၼ်​ႁွင်ႉႁႆႈ​ႁွင်ႉသႅၼ်ႇ​ၵွပ်ႈပိူဝ်ႈ​ၽေး​ဢၼ်​ၵူၼ်း​ဢၼ်​ထိင်း​ၶႃႈ​တင်းလၢႆ​ႁဵတ်း​တီႈ​ၶဝ်​ၼၼ်ႉ​ယဝ်ႉ။ ၵဝ်​လႆႈ​ႁုႁၼ်​တုၵ်ႉၶႃႉ​တၢင်း​ၶၢၼ်ၸႂ်​ၶဝ်​တင်းသဵင်ႈတင်းမူတ်း​ယဝ်ႉ။- ပိူဝ်ႈ​ၼႆ​ၵဝ်​လူင်း​မႃး​ႁႂ်ႈလႆႈ​ၵႄႇၶျွတ်ႈ​ဢဝ်​ၶဝ်​ဢွၵ်ႇ​သေ​ၵႃႈၼႂ်း​မိုဝ်း​ၵူၼ်း​မဵဝ်း​ ဢေးၵျိပ်ႉ၊ သေယဝ်ႉ၊ႁႂ်ႈလႆႈ​ဢဝ်​ၶဝ်​ဢွၵ်ႇ​မိူင်း​ ဢေးၵျိပ်ႉ၊ လႄႈ​ဢဝ်​သူင်ႇ​ၵႂႃႇ​ၵႃႈတီႈ​မိူင်း​ဢၼ်​လီ​ဢၼ်​ငၢမ်း၊ဢၼ်​ယႂ်ႇ​ဢၼ်​ၵႂၢင်ႈ၊မိူင်း​ဢၼ်​မၢၵ်ႈမီး​လီ​ပဵၼ်​လႄႈ​ၽုၼ်ႇ​လီ​လိၼ်​လီ​လႄႈ​ပဵၼ်​မိူင်း​ၵူၼ်း​မဵဝ်း​ ၶႃႇၼၼိ၊ ၵူၼ်း​မဵဝ်း​ ႁိတ်ႉတိ၊ ၵူၼ်း​မဵဝ်း​ ဢႃႇမေႃးရိ၊ ၵူၼ်း​မဵဝ်း​ ၽေႇရၸိ၊ ၵူၼ်း​မဵဝ်း​ ႁိဝိ၊ ၵူၼ်း​မဵဝ်း​ ယေႇပုသိ၊ ၸိူဝ်း​ၼၼ်ႉ​ယဝ်ႉ။

ၵႃႈတီႈ​ၼၼ်ႈ​တမၢၼ်ႇၵၢင်ႁၢဝ်​ ထႃႇဝရႃႉ​ၽြႃး၊ ပေႃႇမႃး​ၵႃႈတီႈ​မၼ်း​ၸိူဝ်ႉ​ၼင်ႇ​ပိဝ်​ၽႆး​ဢၼ်​မႆႈ​ႁိုင်း​ယူႇ​ၵႃႈၼႂ်း​ယုမ်း​မႆႉဢေႃႈ။ မူဝ်းသေႇ၊ ၵေႃႈ​တူၺ်း​ႁၼ်​ၽႆးမႆႈ​ယုမ်း​မႆႉ​ယူႇ​လႄႈ​ယုမ်း​မႆႉ​ၼၼ်ႉ​သမ်ႉ​ဢမ်ႇ​ၶႅမ်ႈ​ဢမ်ႇ​မႆႈ​ၵႂႃႇ။

တေႃႈလဵဝ်​ၼႆႉ၊ၵဝ်​တၵ်း​ပွႆႇၸႂ်ႉ​မႂ်း​ၵႂႃႇၸူး​ၶုၼ်ႁေႃၶမ်း​မိူင်း​ ဢေးၵျိပ်ႉ၊ ပုၼ်ႉ၊ႁႂ်ႈ​မႂ်း​လႆႈ​ဢွၼ်​ဢဝ်​ၵူၼ်း​ၵဝ်​မဵဝ်း​ ဢိသရေး၊ ဢွၵ်ႇ​မိူင်း​ ဢေးၵျိပ်ႉ၊ မႃး​ဢေႃႈ၊” ဝႃႈ​ၼင်ႇ​ၼႆ​ဢေႃႈ။