Māreko 9မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Kua karanga atura a Iēsū ki aia, “Mē kua tika i a koe! 'E tika te au mea kātoatoa i te tangata 'irinaki ra.”

Kua kāpiki 'ua maira te metua tāne o taua tamaiti ra, nā kō maira ma te roimata katoa ra, “E te 'Atu, kua 'irinaki au; e tauturu mai i āku i tōku 'irinaki'anga meangiti nei.”

E tae maira a Iēsū ki roto i te 'are, kua ui pōiri maira tāna au pipi ki aia, “'E a'a i kore ei i rauka i a mātou nei kia tuaru atu i taua dēmoni ra ki va'o?” Kua pa'u atura aia, “Kāre tēianei tū e tae 'ua ki va'o, māri rā i te pure.”

“'E mea meitaki te miti. Kia māngaro rā te miti, 'e a'a atura te mea e kavakava ai? Kia vai rāi te miti i roto i a kōtou, ē e tāmou 'oki i te 'au, kōtou kōtou 'ua'orāi.”

“Ko tei 'āriki mai i tēta'i tamaiti iti mei tēianei nō tōku nei ingoa, kua 'āriki mai ia i āku, ē ko tei 'āriki mai i āku ra, kāre ia ko au tāna i 'āriki maira, ko ia rā ko tei tono mai i āku nei.”

Ko tei 'ōronga 'ua mai i tēta'i kapu vai nā kōtou e inu, nō te mea nō te Mesia kōtou, koia mou tāku e karanga atu ki a kōtou na, kāre aia e ngere i tāna tūtaki.”

“Ko tēta'i 'ua atu tei 'akatārevakē i tēta'i o tēianei au tangata rikiriki e 'irinaki mai nei i āku, 'e ngari ake aia kia rī'ia tēta'i toka tāviri'anga ki runga i tōna kakī ē kia titiri'ia ki raro i te tai.

Ē tē 'apa ra koe i tō mata, kō'iti kē atu; e meitaki ake koe kia tae ma te mata 'okota'i ki roto i te bāsileia o te Atua, i te mata rua kia titiri'ia ki te a'i i te pō ra