ܡܬܠ̈ܐ 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

ܣܵܒܵܒ ܡܵܪܝܵܐ ܟܹܐ ܝܲܗ݇ܒܸܠ ܚܸܟ݂ܡܬܵܐ، ܡ̣ܢ ܦܘܼܡܹܗ ܝ݇ܕܲܥܬܵܐ ܘܦܲܪܡܵܝܬܵܐ،

ܒܪܘܿܢܝܼ، ܐܸܢ ܩܲܒܠܸܬ ܗܹܡܸܙܡܵܢܝܼ̈، ܘܦܘܼܩܕܵܢܝܼ̈ ܛܲܫܹܝܬ ܠܟܸܣ ܠܘܼܟ݂، ܠܨܲܠܘܼܝܹܐ ܠܚܸܟ݂ܡܬܵܐ ܢܵܬܘܼܟ݂، ܡܲܦܬܸܠܸܬ ܠܸܒܘܼܟ݂ ܠܦܲܪܡܵܝܬܵܐ، ܘܐܸܢ ܠܝ݇ܕܲܥܬܵܐ ܩܵܪܹܝܬ، ܠܦܲܪܡܵܝܬܵܐ ܝܵܗ݇ܒܹܬ ܩܵܠܘܼܟ݂، ܐܸܢ ܛܵܥܹܝܬ ܐܸܠܘܼܗ̇ ܐܲܝܟ݂ ܣܹܐܡܵܐ، ܘܐܲܝܟ݂ ܣܝܼܡܵܬܹ̈ܐ ܛܸܫܝܹ̈ܐ ܨܲܚܨܹܝܬ ܐܸܠܘܼܗ̇، ܗ̇ܝܓܵܗ ܒܸܬ ܦܲܪܡܹܝܬ ܙܕܘܼܥܬܵܐ ܕܡܵܪܝܵܐ، ܘܝ݇ܕܲܥܬܵܐ ܕܐܲܠܵܗܵܐ ܒܸܬ ܡܲܫ݇ܟ̰ܚܸܬ.

ܘܟܹܐ ܛܲܫܹܐ ܩܵܐ ܬܪ̈ܘܼܨܹܐ ܗܵܘܢܵܐ، ܡܵܛܵܠܵܐ ܝܠܹܗ ܩܵܐ ܚܵܕܪ̈ܵܢܹܐ ܒܬܲܡܝܼܡܘܼܬܵܐ، ܠܚܲܡܘܼܝܹܐ ܐܘܼܪ̈ܚܵܬܹܐ ܕܕܝܼܘܵܢ، ܘܐܘܼܪܚܵܐ ܕܙܲܕܝܼܩܘܼ̈ܗܝ ܟܹܐ ܢܵܛܹܪ.

ܣܵܒܵܒ ܬܪ̈ܘܼܨܹܐ ܒܸܬ ܫܵܪܝܼ ܒܐܲܪܥܵܐ، ܘܬܲܡܝܼܡܹ̈ܐ ܒܸܬ ܦܵܝܫܝܼ ܓܵܘܘܼܗ̇، ܐܝܼܢܵܐ ܒܝܼܫܹ̈ܐ ܡ̣ܢ ܐܲܪܥܵܐ ܒܸܬ ܦܵܝܫܝܼ ܩܛܝܼܥܹܐ، ܘܚܵܝܝܼܢܹ̈ܐ ܒܸܬ ܦܵܝܫܝܼ ܢܟ̰ܝܼܠܹܐ ܡܸܢܘܼܗ̇.

ܠܦܲܨܘܼܝܘܼܟ݂ ܡ̣ܢ ܒܲܟ݂ܬܵܐ ܓܲܝܵܪܬܵܐ، ܡ̣ܢ ܢܘܼܟ݂ܪܵܝܬܵܐ ܕܟܹܐ ܡܲܟ̰ܸܥܝܵܐ ܗܹܡܸܙܡܵܢܘܼ̈ܗ̇، ܕܟܹܐ ܫܵܒ݂ܩܵܐ ܒܲܪ ܙܵܘܓܵܐ ܕܥܠܲܝܡܘܼܬܘܼܗ̇، ܘܘܲܥܕܵܐ ܕܐܲܠܵܗܘܼܗ̇ ܟܹܐ ܢܵܫܝܵܐ،