Maki 14မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

To ma luto nunumu huto lu'ehina: Oho. Apaobe. Afo'nigase. Kai amuyaka hiti bo nohane. Kai asaga'na hilatana mone keta mehu keto'ehina ni'ibe. To ya'ma hu netalube'mu nohataya he'milapiye? Kai keheli'ahane. Ya'ma nani foya'ni meni'ibe. Kaika so ki'ahatanamofihi hu netobo. Afo'nigabe.

Yalo enalitoga ma luto lu epi'ehina: Lenali kaba hite minalo. Ya'ma Satau fi taga hu lepololenogo lenali foipana hilafi mehilabe. Lenali foipana hi lalagi luto kaba hite minete nunumu hilo. Lenemehuba ule'ale huto minalube'mu nohinagi aku'i lenugufa lapa mebi'ehina ni'ibe. Ya'mu kaba hi bati hite minete nunumu hite minalo.

To lusiga nolube. Alihi nani kumu ka lamana'a asaga melugu hepatoga bite kaga beto hite lu epilana nehite ya'ma a'uba hu neto'ehinamofihi ka'mu ana hite lu epilabe. Ai hu neto'ehinamofihi beto hite kaga lilabe.

Ke. Nemehuba sipi keta higo, nipagu gabu'i gofa gigo fililube'mu nohube. Lenali maga minete, kaba hite minalo.

To nose'na nenago, Yesu beleti nose'na lito bebe sana ka luto yalo i gofa huto epito ma lu epi'ehina: Lite nalo. Ya'mana nani nugufa'ni yabe.

To yalo bai nagami kohi lito, Hu'mamofitoga foke ka luto'a yalo li epilago, enali asaga'i ne'ahana yabe. To nenago, Yesu ma luto lu epi'ehina: Ya'ma nagami'i golaha'ni yabe. Hu'mau bona'magi kumu luto kaga lu molo'ehinalo'i golaha'ni limi su halibe. Ya'ma Hu'mamofitoga lu mu tifise'na'amu yabe luto golaha'ni li huto hu molo'ohube. Yege yege bona kumu luto limi su halina'mu yabe.

To anaga Yesu ma luto lu epi'ehina: Lenali asaga'i he'mi netete koli felefa hilabe. Mono kagu Hu'mau koyapa kaga ma ligo keye'ahana: Nani kaba bomofihi holenogo, enali sipisipi yaga'a tili tele hite bilabe. Ya'ma ka lu'ehina'a nanitoga ahuto hilibe. Lenali he'mi netete ya hite tili tele hilana'mu yabe.

Nani kumu naga'i fatehatimagihi enelepilata bouba a'noabe. Ho tilo. Lali aitoga bilune.

Ya ligo, Yesu ka'alo ma luto lu emi'ehina: Nani lusiga lu nokumube. Kai yatai folugu'i kokole loe yupahi nogo memolo'ehinogo kai nani kumu: Ana bo mekeheli'ohube, luto bahane hoto loeyagi moneyagi yupahi bahane hoto lu epilane. Yesu Pitahi ya lu emi'ehibe.