© Wycliffe Bible Translators, Inc.
℗ 2018 Hosanna & SU Media

Mato - WBT Version (NT) Non Drama

Mato - WBT Version (NT) Drama

<div class="version vid2360 iso6393met" data-vid="2360" data-iso6393="met">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Yesu Xugia Langa Masok Wain</div><div class="p"> 1Xaidap luwa disup, baing yaunga taungam tela sok longga Kena mana titia Galili. Yesu bauna wa la ba, 2saing duxusunga Yesu gabu lipuxindi dinaxu mana ba dima taungia xauna. 3Wain disup baing Yesu bauna harua na ba, &#8220;Wainiding disup lo.&#8221;</div><div class="p"> 4Yesu haxuya na ba, &#8220;Baugu, axamang ngayua te. Bunging ngayua teguyu.&#8221;</div><div class="p"> 5Baing bauna harua na lipu oxatamdi ba, &#8220;Alibu baraxinta balang mana ba.&#8221;</div><div class="p"> 6Baing nanggola sianggam sabanga 6 duwa haxek, oxatadinga bing Yudadi didamia ding bu disu mana hanaunaungadinga, tubungadinga sanga mana bila 80 ila 120 litadi mana taining tainina.</div><div class="p"> 7Yesu harua nadi ba, &#8220;Axu nanggoladi langia.&#8221; Binabu duxudi laing masok xuadingia.</div><div class="p"> 8Baing baladi ba, &#8220;Tauna, asolia teladi saing axap mala rangua taunga lipuxing wasanganama.&#8221; </div><div class="p">Dilibu laing sup, 9baing taunga lipuxing wasanganama tuba langga xugia masup mala sok wain ba. Ina xabia te daxap bi, ning lipu oxatamdi disolia ba daxabiau. Baing wagi lipu yaunga haunama ila singia 10saing harua ba, &#8220;Bungingbunginalo lipudi daxap wain xai sibunama masok muga. Baing bungina lipudi dinung haringing sibuna, daxap wain siang kaxukanama ma. Ning usaxangia wain xai sibuna laing hatata oxop ma.&#8221;</div><div class="p"> 11Alali axamang haringing mugamugangama Yesu libu, libu mana longga Kena mana titia Galili. Binabu hatanga ralanoa sabasabia, saing lipuxindi dinaxu mana dahatum haringina mana.</div><div class="s1">Yesu Suka Lipu Siang Oxatanamdi Sangua Urana Numanoa</div><div class="r">(Matyu 21:12-13; Mak 11:15-17; Luk 19:45-46)</div><div class="p"> 12Kimuya baing Yesu ri mala long sabangga Kaperneam gabu bauna, kixingindi xaung lipuxindi dinaxu mana. Baing duwa la ba xaidap teladi.</div><div class="p"> 13Baing Taunga Dalingama#2:13 Taunga Dalingam&#8212;Yudadi dahatumia muli bungina mugangadingdi daxauxau ba diyunga Isip, saing Urana uleging matiam dali mugangadingdi numadingdi saing garading matuauadi dimati te. mana Yudadi ma haxekkuba, baing Yesu haing mala long sabangga Yerusalem. 14Maluxu mana Urana Numang yabanoa bagu lipuadi disina bulmakaudi, sipsipdi xaung baxalikudi, xaung lipu teladi dirung mana kabukabudi dahakhaxuya siangdi. 15Binabu xap waxu kaxukandi hip waxu gusingam tela, saing suka lipuadi ba sangua Urana Numang yabanoa, ding digabu sipsibidingdi xaung bulmakaudingdi. Tibaxaya lipu siang hakhaxuyanganamdi siangidingdi saing matuxuya kabukabudingdi. 16Bala lipudi disina baxalikudi ba, &#8220;Axapdi mala! Labu axugia Tibugu numanoa mala sok nawau tai!&#8221;</div><div class="p"> 17Lipuxindi dinaxu mana dahatum muli haruanga Aisaya bung Urana Xuania ba, &#8220;Murungagua mana numama haring buk bila yaba tau lugua.&#8221;#Olaidi (Buk Song) 69:9</div><div class="p"> 18Baing Yudadi yanamidingdi dahaxi mana, duxusunga ba, &#8220;Bagula ulibu axamang haringina baru bu uhatanga nam ba ung yaya sabanga bu ulibu bila li?&#8221;</div><div class="p"> 19Baing Yesu haxuya nadi ba, &#8220;Axui Urana Numana baguli, baing bagula ngaiti muli mana xaidap tuwa.&#8221;</div><div class="p"> 20Yudadi yanamidingdi dahaxuya ba, &#8220;Baruta? Urana Numana baguli, lipudi duwaxata niani 46 ba ditongtongia, ning ung ba bagula uiti muli mana xaidap tuwa?&#8221; 21Ning Urana Numana Yesu harua mana ba, bing sangganoa baing. 22Kimuya mana mesanganoa muli, lipuxindi dinaxu mana dahatum muli mana haruanganoa. Baing ina naga, dahatum haringina mana Urana Xuanoa xaung haruanga Yesu harua mana ba.</div><div class="p"> 23Yesu wa Yerusalem mana Taunga Dalingama, baing lipu xumana dibagu axamang haringindi libudi saing dahatum haringina mana yanoa. 24Ning Yesu hatum haringina manadi te, namua na xabia lipu longgalo hatumingadingdi. 25Raxap mana lipu tela baxanga lipudi kuboludingdi na te, namua na xabia axamandi duwa maluxu lipudi hatumingadingia.</div>
 </div>
 </div>
</div>

Xaidap luwa disup, baing yaunga taungam tela sok longga Kena mana titia Galili. Yesu bauna wa la ba, saing duxusunga Yesu gabu lipuxindi dinaxu mana ba dima taungia xauna. Wain disup baing Yesu bauna harua na ba, “Wainiding disup lo.”
Yesu haxuya na ba, “Baugu, axamang ngayua te. Bunging ngayua teguyu.”
Baing bauna harua na lipu oxatamdi ba, “Alibu baraxinta balang mana ba.”
Baing nanggola sianggam sabanga 6 duwa haxek, oxatadinga bing Yudadi didamia ding bu disu mana hanaunaungadinga, tubungadinga sanga mana bila 80 ila 120 litadi mana taining tainina.
Yesu harua nadi ba, “Axu nanggoladi langia.” Binabu duxudi laing masok xuadingia.
Baing baladi ba, “Tauna, asolia teladi saing axap mala rangua taunga lipuxing wasanganama.”
Dilibu laing sup, baing taunga lipuxing wasanganama tuba langga xugia masup mala sok wain ba. Ina xabia te daxap bi, ning lipu oxatamdi disolia ba daxabiau. Baing wagi lipu yaunga haunama ila singia saing harua ba, “Bungingbunginalo lipudi daxap wain xai sibunama masok muga. Baing bungina lipudi dinung haringing sibuna, daxap wain siang kaxukanama ma. Ning usaxangia wain xai sibuna laing hatata oxop ma.”
Alali axamang haringing mugamugangama Yesu libu, libu mana longga Kena mana titia Galili. Binabu hatanga ralanoa sabasabia, saing lipuxindi dinaxu mana dahatum haringina mana.


Kimuya baing Yesu ri mala long sabangga Kaperneam gabu bauna, kixingindi xaung lipuxindi dinaxu mana. Baing duwa la ba xaidap teladi.
Baing Taunga Dalingama mana Yudadi ma haxekkuba, baing Yesu haing mala long sabangga Yerusalem. Maluxu mana Urana Numang yabanoa bagu lipuadi disina bulmakaudi, sipsipdi xaung baxalikudi, xaung lipu teladi dirung mana kabukabudi dahakhaxuya siangdi. Binabu xap waxu kaxukandi hip waxu gusingam tela, saing suka lipuadi ba sangua Urana Numang yabanoa, ding digabu sipsibidingdi xaung bulmakaudingdi. Tibaxaya lipu siang hakhaxuyanganamdi siangidingdi saing matuxuya kabukabudingdi. Bala lipudi disina baxalikudi ba, “Axapdi mala! Labu axugia Tibugu numanoa mala sok nawau tai!”
Lipuxindi dinaxu mana dahatum muli haruanga Aisaya bung Urana Xuania ba, “Murungagua mana numama haring buk bila yaba tau lugua.”
Baing Yudadi yanamidingdi dahaxi mana, duxusunga ba, “Bagula ulibu axamang haringina baru bu uhatanga nam ba ung yaya sabanga bu ulibu bila li?”
Baing Yesu haxuya nadi ba, “Axui Urana Numana baguli, baing bagula ngaiti muli mana xaidap tuwa.”
Yudadi yanamidingdi dahaxuya ba, “Baruta? Urana Numana baguli, lipudi duwaxata niani 46 ba ditongtongia, ning ung ba bagula uiti muli mana xaidap tuwa?” Ning Urana Numana Yesu harua mana ba, bing sangganoa baing. Kimuya mana mesanganoa muli, lipuxindi dinaxu mana dahatum muli mana haruanganoa. Baing ina naga, dahatum haringina mana Urana Xuanoa xaung haruanga Yesu harua mana ba.
Yesu wa Yerusalem mana Taunga Dalingama, baing lipu xumana dibagu axamang haringindi libudi saing dahatum haringina mana yanoa. Ning Yesu hatum haringina manadi te, namua na xabia lipu longgalo hatumingadingdi. Raxap mana lipu tela baxanga lipudi kuboludingdi na te, namua na xabia axamandi duwa maluxu lipudi hatumingadingia.

နားေထာင္ရန္ Yon 2