ᑎᐱᑦ ᐅᓂᑭᒧᐅᓇ 102
102
1ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐊᑯᔅ ᒪᒃ ᓂ ᒪᐅᓐ ᒋᑭ ᐅᑎᑎᑯᓐ᙮
2ᐊᑲᐎᔾ ᑲᓱᔅᑕᐎ ᐊᔨᒥᓯᔭᓇ ᐊ ᒋᓯᑲᒡ;
ᓂᑐᑐᐎ ᐊ ᒋᓯᑲᒡ ᑕᑈᔭᓇ, ᒋᐱᔾ ᓂᔎᐅᓯᐃ᙮
3ᐛᔅ ᓂᒋᓯᑲᒪ ᒪᒋᐱᔪᐛ ᒧᔭᒻ ᐊ ᐱᐳᑕᒡ,
ᓂᔅᑭᓇ ᑭᔭ ᐃᔎᑕᐛ ᒧᔭᒻ ᐃᔅᑯᑕᑲᓇᐱᔅᒄ᙮
4ᓂᑕᐃ ᐅᑕᒪᔨᑭᓄᐤ, ᑭᔭ ᐸᔅᑕᐤ ᒧᔭᒻ ᒥᔅᑯᓯᔭ;
ᑲ ᐅᒋ ᐅᓂᒋᔅᒋᔭᓐ ᒐᒋ ᒧᐅᒃ ᓂᐸᒂᓯᑭᓂᒻ᙮
5ᐊ ᐸᑕᑯᓯᔭᓐ ᐊ ᒪᒪᑥᔭᓐ,
ᓂᔅᑭᓇ ᓂ ᐎᔭᓯᒡ ᐱᓯᑯᒧᐛ᙮
6ᓂ ᓇᔅᐱᑐᐛᐤ ᐅᐦᐅᐤ ᐸᐧᑯᑎᔅᑭᒥᑲᒡ:
ᓂ ᓇᔅᐱᑐᐛᐤ ᐅᐦᐅᒥᓯᐤ ᒪᒂᔅᑲᒥᒡ᙮
7ᓂᑦ ᐊᓱᐛᐱᓐ, ᑭᔭ ᒧᔭᒻ ᒪᒥᔅᑕᔭᒋᔅ ᐊ ᐸᐃᑯᓯᑦ ᑕᐧᑯᒡ ᒥᒋᐛᐱᒡ ᓂᑦ ᐃᓯᓇᑯᓯᓐ᙮
8ᑲ ᐛᐧᑲᓯᒡ ᓂ ᔅᑐᑎᑯᒡ ᐃᔅᑭᓐ ᒋᓯᑲᐛ;
ᐊᓐᒋ ᑲ ᒋᓯᔅᑐᐅᒡ ᒋ ᓂᔅᑯᒥᑐᐅᒡ ᒐᒋ ᒥᒋᑐᑐᐅᒡ᙮
9ᐛᔅ ᓂᒋ ᒥᒋᓐ ᐱᐧᑯᑕᐤ ᒧᔭᒻ ᐸᒂᓯᑭᓐ,
ᑭᔭ ᐅᒋᑯᐛᐳᐅᓐ ᓂ ᒋᔨᑯᐅᓇᓐ ᓂᒥᓂᒂᐅᓂᒡ᙮
10ᒋᒋᓯᔅᑕᒐᐅᓐ ᐅᒋ ᑭᔭ ᒋᑦ ᐊᐧᑯᔪᐛᓱᐅᓐ;
ᐛᔅ ᔅᒋ ᐅᐱᓐ, ᑭᔭ ᔅᒋ ᓂᒋᐛᐱᓐ᙮
11ᓂᒋᓯᑲᒪ ᒧᔭᒻ ᐊ ᑎᑲᔅᑕᒋᒡ ᐊ ᐃᒐᐱᔨᒡ ᐃᓯᓇᑯᓇ;
ᓂ ᐸᓱᓐ ᒧᔭᒻ ᒥᔅᑯᓯᔭ᙮
12ᒪᒃ ᒋᔾ, ᐅ ᑎᐸᔨᒋᒐᓱᐤ, ᑲᒋᒡ ᒋᑭ ᑕᓐ;
ᑭᔭ ᒋᑭ ᒋᔅᒋᑕᑯᐅᓐ ᒥᓯᐛ ᒐ ᐊᑎ ᐱᒪᑎᓯᓇᓄᐅᒡ᙮
13ᒋᑭ ᐱᓯᑯᓐ, ᑭᔭ ᒋᑭ ᒋᔅᑎᒪᒐᔨᒪᐤ ᓴᐃᔭᓐ:
ᐛᔅ ᓴᔅ ᐅᑎᒋᐱᔪᐤ ᒐᒋ ᒋᓴᐛᑐᑐᐅᑦ,
ᓂᐦᐃ, ᓴᔅ ᒥᑐᓐ ᐅᑎᒋᐱᔪᐤ᙮
14ᐛᔅ ᒋᑦ ᐊᑐᔅᒐᔭᑭᓐᒡ ᒥᔽᔨᒥᒪᐅᒡ ᐅᑦ ᐊᓯᓂᒥᐛᐤ,
ᑭᔭ ᓴᒋᑕᐛᐅᒡ ᐅᑦ ᐊᓯᔅᒋᔪᐤ᙮
15ᐊᑲ ᐊᔭᒥᐊᒡ ᒪᒃ ᒋᑭ ᓇᓂᒋᔅᑎᒺᐅᒡ ᑎᐸᔨᒋᒐᓱᐛ ᐅᑦ ᐃᓯᓂᐧᑲᓱᐅᓂᔪᐤ,
ᑭᔭ ᒥᓯᐛ ᒋᓴᐅᒋᒪᐅᒡ ᐊᔅᒋᒡ ᒋ ᒋᔅᑕᔨᑕᑯᓱᐅᓂᔪᐤ᙮
16ᐃᔅᐱ ᑎᐸᔨᒋᒐᓱᐤ ᐅᓯᑕᒐ ᓴᐃᔭᓂᔪᐤ,
ᒋᑭ ᓄᑯᓯᐤ ᐅᒋᔅᑕᔨᑕᑯᓱᐅᓂᒡ᙮
17ᒋᑭ ᓂᑐᑎᒺᐤ ᐅᑦ ᐊᔭᒥᐊᐅᓂᔪᐤ ᐅᒋᔅᑎᒪᑎᓯᐛ,
ᓇᒪ ᑭᔭ ᒋᑭ ᐊᑐᐛᔨᑎᒺᐤ ᐅᑦ ᐊᔭᒥᐊᐅᓂᔪᐤ᙮
18ᐅᔭᔪᐤ ᒋᑭ ᐃᓯ ᒥᓯᓇᐊᒧᐛᑭᓄᐅᒡ ᐊᓐᒡ ᒐ ᐊᑎ ᐊᓂᔅᒐ ᐱᒪᑎᓯᒡ;
ᐃᔪᒡ ᒪᒃ ᐊᔅᒄ ᒐ ᐅᓯᐊᑭᓄᐅᒡ ᒋᑭ ᒪᒥᒋᒪᐅᒡ ᑎᐸᔨᒋᒐᓱᐛ᙮
19ᐛᔅ ᓂᑕᒡ ᒋ ᐃᑕᐳᐤ ᐊᔅᐱᔅ ᐃᔅᐸᔨᒡ ᐅᐸᔭᒋ-ᒥᒋᐛᐱᒡ ᐅᒡ;
ᑎᐸᔨᒋᒐᓱᐤ ᒋᒋᒋᓯᑯᒡ ᒋ ᐅᒋ ᑭᓄᐛᐸᑎᒻ ᐊᔅᒋᔪᐤ;
20ᒐᒋ ᐸᑐᐛᑦ ᐊ ᒪᒪᑥᔨᒋ ᒋᐸᐛᑭᓇ;
ᒐᒋ ᐊᐸᐛᑦ ᐊᓂᔭ ᑲᒋ ᐃᑕᑭᓄᐎᒋ ᒐᒋ ᓂᐱᔨᒋ;
21ᒐᒋ ᐛᐎᑎᒥᔨᒋ ᐅᑦ ᐃᓯᓂᐧᑲᓱᐅᓐ ᑎᐸᔨᒋᒐᓱᐤ ᓴᐃᔭᓂᒡ,
ᑭᔭ ᐅᒪᒥᒋᒥᑯᓯᐅᓐ ᒋᕈᓯᓕᒥᒡ;
22ᐃᔅᐱ ᐃᔪᒡ ᒪᒧᐤ ᒪᐅᒋᑐᑥᐛ, ᑭᔭ ᐅᒋᒪᐅᓇ,
ᒐᒋ ᐊᑐᔅᒐᔅᑐᐛᒡ ᑎᐸᔨᒋᒐᓱᐛ᙮
23ᒋ ᐃᔨᔨᒥᑕᐤ ᓂᒥᔅᑯᐅᓯᐅᓂᔪᐤ ᒪᔅᑭᓇᒡ:
ᓇᒪ ᐅᒋ ᒥᒐᑐᑕᐤ ᓂᒋᓯᑲᒪ᙮
24ᓂᒋ ᐃᔅᒋᔄᓐ, “ᐅ ᓂᒋᓴᒪᓂᑐᒻ, ᐊᑲᐎᔾ ᐅᑎᓂ ᒪᒂᒡ ᐊ ᐅᒋᓯᑲᒥᔭᓐ:
ᒋᐱᐳᓂᒪ ᐃᔅᐱᔪᐛ ᒥᓯᐛ ᒐ ᐊᑎ ᐱᒪᑎᓯᓇᓄᐅᒡ᙮
25ᐎᐱᒡ ᔅᒋ ᐊᔨᑎᔅᑕᓐ ᐊᔅᒋᔾ;
ᑭᔭ ᒋᓯᒂ ᒋᑎᒋᒡ ᔅᒋ ᐅᒋ ᐅᓯᑕᓐ᙮
26ᐅᔭ ᒋᑭ ᓂᓱᐅᓇᑎᓇ, ᒪᒃ ᒋᔾ ᒋᑭ ᑕᓐ;
ᓂᐦᐃ, ᒥᓯᐛ ᐊ ᑕᑎᒋ ᒋᑭ ᐊᑎ ᓴᐅᓇ ᒧᔭᒻ ᐊᑯᑉ;
ᒧᔭᒻ ᐊᐱᒋᑕᐅᓐ ᒋᑭ ᐃᓯ ᒂᔅᒋᓇᑯᐊᐅᒡ, ᐊᑯ ᒪᒃ ᒐ ᒂᔅᒋᑯᓇᑯᓯᒡ᙮
27ᒪᒃ ᒋᔾ ᐸᐃᑯᓐ ᐊᓯᓇᑯᐃᔨᓐ, ᑭᔭ ᒋᐱᐳᓂᒪ ᓂᒪᐎᔾ ᒋᑭ ᐳᓂᐱᔪᐛ᙮
28ᐅᑦ ᐊᐛᓯᒥᓱᐛᐛ ᒋᑦ ᐊᑐᔅᒐᔭᑭᓐᒡ ᑕᒡ ᒋᑭ ᐊᔭᔪᐛ,
ᑭᔭ ᐅᑦ ᐊᐛᓯᒥᓱᐛᐛ ᐊᓂᔅᒐ ᒋᑭ ᐊᔨᑎᓯᔪᐛ ᐊ ᐅᑎᔅᑲᔅᒋᔨᔅᒋ᙮”
Terpilih Sekarang Ini:
ᑎᐱᑦ ᐅᓂᑭᒧᐅᓇ 102: ᓇᔅᑲᐱ
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada