Ayat Alkitab yang Popular daripada Romaq 3

Kongsi

Hkâsu mù gâ le, lhúnglhâng bang gi, yubàk mara kut shut bê bang chyat nghut mù, Garai Gasâng é hpungwup shingkang lé a hkyit hkap byùq lo kó nghut ri. Ahkuî kúm gi, Hkrisidùq Yesuq mai lo é hkyi yù hkyô dông, Garai Gasâng é jejû èq, mara hkyut san byî é laí laí wó hui bê nghut ri.

Garai Gasâng chyáng mâ é díngmán hkyô haû gi, Yesuq Hkrisidùq lé lùmjíng é dông mai nghut mù, lùmjíng bang bànshoq htoq má jé é nghut lhê. Gamhkuî é hkyô a jòq.

Garai Gasang gi, Yesuq é sui lé lùmjíng bâng matú, shîhtaí gùnglik hkungga ralhum dông, Yesuq lé byî pyám bê nghut ri. Haû gi, laî lò bê yubàk mara lé lhut pyám byi shoq, Garai Gasang myìt hîng byi bê nghut é yánmai, Yhâng é tengmán hkyô lé tûn shit é nghut ri. Garai Gasang haû su kut é gi, Yhânggùng yhang díngmán Sû nghut é eq, Yesuq lé lùmjíng é sû lé mara hkyut san byî é Sû nghut râ matú, ahkui lhê i-pyàt má, Yhâng é tengmán hkyô lé shit byî é nghut lhê.

Haû mù luî, jep é târâ lé châng é dông mai, ó yùq le, Yhâng é hí má díngmán sû gâ é wó hui râ a nghut; jep é târâ dông gi, yubàk mara bo é hkyô lé wó sê yu é za nghut lhê.

Chyúmdang má kâ tô é le, “Díngmán é byù a nyì, rayùq lháng a nyì nghut ri; Sê gyô é byù rayùq le a nyì, Garai Gasang lé ho é byù le a nyì nghut ri; Lhúnglháng bang gi, lhing ló byùq bekô; yhángmòq gi, hpau a dàp bang chyat dùt byùq bekô nghut ri. Ge é kut sû ó a nyì, rayùq lháng a nyì nghut ri.” gâ ri.

Hkâsu mù gâ le, byù gi, haû jep é târâ châng é dông a nghut é za, lùmjíng luî, mara hkyut san byi huî é hkyô lé, ngá-mòq lum nyi lhê.

Hká dông le a wó dùt! “Haû mù, nàng dang taî é hkûn, díngmán é hkyô wó lhoqhtoq râ eq, nàng jéyáng huî é hkûn, ûng râ nghut lhê.” ga kâ tô é eq rajung za, byù yùq hkangmó gi, byù mhaú dùt kôlhang, Garai Gasang gi, tengmán nyî sháng gàq.