Ayat Alkitab yang Popular daripada Jo Roma 1

Kongsi

An lewic mom maka i amut aber, ame kono en teko Obaŋa me laro jo a tye kede iyee, me agege Ojudaya, eka jo Grik daŋ.

Pien amut aber nyuto kite ame Obaŋa kwano kede dano ni kite atir, kun cakere i iyee; tum daŋ i iyee; acalo yam ocoo ni, “Dano ame kite atir pi iyee bino bedo kwo.”

Cakere ame oketo lobo, kite mere a mom nen doŋ onen, kun ŋeye i kom jami a en otio, en teko mere a mom gik, kede epone mere en Obaŋa. Mio gin a gin pid loogi oko

pien kadi rik gin oŋeo Obaŋa, nwaŋ mom gin oketo kwogo i kome acalo Obaŋa, kadi pwoye, ento tam megi olunyo dwokogi ka i gin a yore mom, kede tam i cunygi me miŋomiŋo doŋ odoko acol oko.

Gin oloko kop ateni i kom Obaŋa, owilo kede goba, kun oworo dok otio baŋ ginaketa, aka woro kede tic baŋ ŋat oketogi, ame opwoo nakanaka. Amen.

Pien akemo Obaŋa doŋ onyuto iya i polo i kom tim a jo areco luŋ a mom woro Obaŋa, ame tye a geŋo kop ateni i tic, pi timgi areco.

Pi kop man, Obaŋa ojwaŋogi i agoma yie me lewic. Anaka mongi oweko bedo i co i kite me anywalli, ote dwoko kan a mom oyiko. Co daŋ amannono oweko bedo i mon i kite me anywalli, mitgi te waŋogi bala mac, ŋat man kede awottere, kun co timo gin me lewic i kom co wadgi, a kun adwoggi a myero pi balgi lunyo mako komgi kengi. Doŋ acalo gin mom oneno konnyoro i ŋeyo Obaŋa, Obaŋa daŋ ojwaŋogi i tamgi a konnyere mom, me gin doŋ tim gin a mom myero.

Gin olwoŋere kengi ni gin oryeko, kara bo gin olokere odoko omiŋo. Gin oloko kwogo Obaŋa a mom to, kun oporo kede cal a dano ame to, onyo kede mea winyi, onyo mea leyi, onyo mea twole-gu.