Ayat Alkitab yang Popular daripada Matéo 25

Kongsi

Mu ore eduguéjnai uyu a yichajnai ore enga yojninga jne: "Uacátegoningáne udore ome yijorane, ore gajnui urásu ujetiga jé yajnecho to. Ca uñeque ibijoque marínga, jé u."

Jé u uje irósõri chicotápise daroi uté enga chojningame: "Ueradípise badode ome yu. Enga yiroque yimeserãi tu ua. Uje garósi yeranenie ome ua ica, mu suépise uquécasidicá gai. Jecute a yãrai ua iji gaté jne. Acája yari enga a yipéco yoquininaquérigo jne ome ua."

Chamáñaje ujetiga gosi gajnéone cucha déji, jé tiógara ujetiga pisi ome uté gosi gaté. Jé basa ga gosi ujetiga gajnetígo cucha que déji enga jé tiógara ujetiga gosi gajnetígo cucha garósi poidíji gari.

Jecute Jesús chojningame ore: –Ãrijínaño uaquejode jeta dimane uágome yiríringai yui. Uacamóño uje que arajáyo Dupade utocaidi uyu yiríringárique deréjna jeoga guedé batigárique.

Jé tiógara uacáringane yurása. Chamáñaje uacosṍcho yu nanique gu iji yiyaguhéode. Uacosṍchopó yu nanique rĩ iji yuyádode. Uacajnáño yu aja uacaguíjnane nanique to rĩ ujetiga yupúsi uaque iji yiriguítigade.

Jé u uje irósõri chicotápise daroi uté to. Enga chojningame: "Ueradípise badode ome yu to. Enga yiroque yimeserãque ua to. Uje garósi yeranenie ome ua ica, mu suépise uqué casidica gai. Jecute yãrai ua iji gaté to jne. Acája yocari to iji yoquininaquédatéi."

Yijmátapome boraidie nanique rĩ mu uacasíñome yu. Yejnarengápo yu nanique rĩ mu uacajmitáyo yu nanique. Yugúsapoji soldádode iguíjnai nanique rĩ uje ore suru yibai enga uacabáchoi yu iji ujetiga osṍcho yu iji."