Ayat Alkitab yang Popular daripada Matéo 24

Kongsi

Jé u uje pisijnaringuéone a chichagu raja erámone jne enga erámi unirisórone a ca ore chisápo uñane unétique jne rĩ ome cucha dacate gajnaréngone unojo. Jé u uje a ca docosõrangápo ore ome ñane jne rĩ. Mu ujetiga uñeque jé chidota re aja dáringai ducañerájma eruei enga a piquetaque jne.

Enga a ore jno Dupade ujnomei údi aja erámone jnese jne uje ore potapísa gu ujetiga erámone unirisórone ore chiraja uje Dupade pota cho darása iji ore. Enga eruei a u jne.

Ujetiga adúcho pujnoméringo ome pocaningane iji erámone údode jne, mu ca chajuque uacagutedie gotique. Enga a arajáyo jne uje bajácho cuchade udore jnese ujetiga tocade. Mu erámone eruei cáma upúsu gotique.

Mu a arajayópo erámi eruei yúode jne rĩ ujetiga erámi unirísoningo ore socárome ñane iji erámi údode ome dajocaningádatérigo ome ñane. A chaguhéode socarapome uaque to jne rĩ. Jé aja dequejnaréquedatérigo ujetiga tṍraji dajñarenie ome uaque. Jé cho jnupe tãrarachutígo ujetiga chise quedéjnane. Mu taningami qué su ome cuchadatéode uje a pésu erámi unirisórone ore ujuredie jne.

Guéode, jnumi a ore íjnoque jnese jne. Mu a gusu yuruode jne ujeta ca íjnoque to.

Uje a jiépisi jnaníringo jne ujetiga ore chósi tome uaque: "Cachi uacangarádejnai Crísto u yu a." Udore a ore chãra ayoré uásejnane jne.

Mu a jé irába jne ujetiga qué ore chisa uacuñéngo. Enga a ore cho dajuñame uacuñéngo jne rĩ. Enga a ore chujé uacuñéngo to jne rĩ. Enga a ore chetaguipise uáguiji erámi údode jne. Uacabade a jé u yadode jne. Enga a Dupade anguresõre uásejnane ore cha danguretigai iji Dupade jne. Enga a ore chetaguipise dojode Dupade anguresóño jne. Enga a ore tẽra ore jne ujetiga ore chujé ore. Jé u uje urupatáquechoquírigo a ore di jne enga a ore cho Dupade uruode atatasõre iji re jne. Enga a uásejna ore jne ujetiga ore jos eti jé ũré ore.

Mu Jesús chojningame ore: –Yingoma quigode ome uaque jne. Añuchopúsu uaqueo enga ca pãraque uaque jne.

Yacajnaquéode unojo quigode u ujetiga arajáyo enga dimane uágome yiríringárique yui. Uje a ca urénga uacáyipierigui doi ujetiga tocade jne, mu a aninañome eti Dupade utocaidi uyu yiríringai tu.

Beyoi enga ajuso uaqueo enga dimane uágome yiríringai yui. Uacamóño uje que arajáyo uacangarádejnai uyu yiríringárique yui.

Mu que pirajaque yiríringárique dire, guedé gatócororaque ore. Gaté unirisórone, Dupade irógode u marínga, que ore chiraja. Jé chopome Dupade ujnacari uyu rĩ uje que yiraja to. Gusu yai Dupade uje chiraja yiríringai dire.

Uje a aringáca dírigo jiei jne uje chiese ore acajnaquéode garani tu Dupade. Enga a uñane ore cho Dupade utocaidi Crísto iji raque to jne. A ore pésu cucha pitijátigo ome daringaquéode ome uaque jne. Enga a idógosi jne ujetiga Dupade anguresõripísode ore timíningarása ore to, uje Dupade ajegaite ore múñi.

Dirode iji Dupade utocaidi uyu yiríringai yui a chopise dirode yui jne uje gue dequejnangóri chejna Noé urasade nanique. Ore áyipiedie gaidode upúsu daquetangóningo cucha ome raque nanique. Uñane ore áyipiedie gaidode u dabosode. Jé uñane áyipiedie gaidode u dajódode yote piocho. Jé basa uñane ore áyipiedie gaidode u dajmatodie gapui, dajmasórone jnacare ore ujetiga jé ore chisa ñane. Mu chise diri uje Noé e ore chacája dabi cuco cuchape ajei. Enga ore chuninga mu gue dequejnangóri yore ore gai enga chejna ore jnese. Adi a jé u jne ujetiga Dupade utocaidi uyu yĩriápo rĩ iji uaque.