Ayat Alkitab yang Popular daripada MARKU 6

Kongsi

Dai rai nna shi gaw, “Nam mali kata na machyi shim ai shara de, nanhte hkrai nan sa nna, loi mi ban sa la mu,” ngu nna shanhte hpe tsun mu ai. Kaning rai nme law, sa sa wa wa rai nga ai ni gaw law la ma ai rai nna, shanhte gaw shat sha na aten pyi n mu da mu ai.

Yesu mahtang, “Myihtoi gaw, tinang a buga hta tinang a mayu dama ni hte, tinang a nta hta n rai jang she, arawng lu nga ai, ngu nna shanhte hpe tsun mu ai.

Shing rai shi pru nna masha wunawng kaba mu mada ai hte shanhte gaw rem ai wa n nang ai sagu hpung hte bung nga ma ai majaw, shi shanhte hpe matsan dum nna, law law wa sharin shaga ya mu ai.

N ji n mu hkrum ai nkau mi a ntsa e lata mara nna shamai ya na hta kaga, dai yang e hpa magam amu hpe mung, shi n galaw lu ai. Shanhte a n kam n sham ai myit majaw, shi amau nga ai. Dai hpang, grup yin hkan na kahtawng ni hta e, shi kawan hkawm nna, sharin shaga nga ai.

Shaloi dai muk manga hte nga lahkawng hpe shi la nna, lamu de mada yu let shaman ya nhtawm, dai muk hpe ahkyep alep nna, masha ni a man e hkan tawn mu ga, sape ni hpe jaw da mu ai; dai nga lahkawng hpe mung, masha gu hkra hpe karan jaw mu ai. Shanhte nlang sha nna hkru kat ma ai. Dai hta kaga, ngam ai ahkyep ahkap hpe shanhte lahkawn la yang, mung shi lahkawng hpring dem rai nga ai: nga mung naw ngam nga ai.