Ayat Alkitab yang Popular daripada OŌYƐBƐ̄CƐ 34

Kongsi

Óndú ā gaá le yɛ iyɔ̄bū nū, anɔ́ɔ ó ka tɛ́ɛcɛ kahíníī, “Ami Óndú ā, wɛ Ɔwɔicō nɛ̄ gbonɛnɛ nɛ̄hi, n kē ī méyīnyi, ń kē ī cɔ̄nū fíya ŋ́. N klla gē ma ihɔtū nɛ̄hi fú lɛ ācɛ ɔlɛ́ um, cɛ́ɛ́ kéē lɛɔtūce um. N gē lɛ okónu nɛ̄ n ce lɛ ayááyí úlúúlā ā tū. N kē ī je ɔdōbɔ̄bí mɛ́mla ínoōbīya yɛ́ɛhi, amáŋ n gē yá ayí mɛ́mla ayááyí ga ipɔ́ɔma ɔ́mɛtá mɛ́mla ɔ́mɛɛnɛ italā ohígbū íne kú um nɛ̄ aádā uwā bīya ā.”

Aá híī gbā ɔwɔ ɔhá dúúmā ɛ̄gbā gwū um tá ŋ́, ohígbū ka ami nōo wɛ Óndú ā gē yɔ́bɔ̄nyā bɛ̄ɛka ɔ̄cɛ ɔlamu ā, abɔ̄ iyē kú um kē lé ka Oyɔ́bɔ́nyā ā.

Óndú ā da Umósīsi kahíníī, “N géē cokónu lɛ ācɛ kú Ísrɛ̄lu o ŋmá abālɔbányā. N géē yá ɔdā nɛ̄hi ɛdɛ̄ nɛ̄ ɛ́dɔ kú nū í yá jééjéē ɛga dúúmā kú ipú ɛcɛ ipéyī éwo dúúmā ɛ́ɛ́ ŋ́. Aá mɛ́mla odúúdú aéwo nēe lɛ aá yɛjīlatá géē yúufi, cɛ́ɛ́ é géē jé ka ami ɔ́ɔ yá aɔ́dā ōhídáagó nyā á.