च्या शोधाचे निकाल: Job 4
ईयोब 4:1 (MARVBSI)
मग अलीफज तेमानी म्हणाला,
ईयोब 4:2 (MARVBSI)
“तुझ्याशी मी काही बोललो तर तुला वाईट नाही ना वाटणार? तरी बोलल्यावाचून कोणाच्याने राहवेल?
ईयोब 4:3 (MARVBSI)
पाहा, तू बहुत जनांस शिक्षण दिले आहेस, आणि दुर्बळ हात सबळ केले आहेत.
ईयोब 4:4 (MARVBSI)
तुझ्या शब्दांनी ठेचाळत असलेल्यास धीर दिला आहेस, लटपटणारे गुडघे तू स्थिर केले आहेत;
ईयोब 4:5 (MARVBSI)
पण तुझ्यावर प्रसंग आला असता तू कष्टी होतोस; तुला दुःखस्पर्श झाला म्हणजे तू घाबरतोस,
ईयोब 4:6 (MARVBSI)
तुझ्या देवभक्तीचा तुला आश्रय आहे ना? तुझ्या सात्त्विक आचरणावर तुझी आशा आहे ना?
ईयोब 4:7 (MARVBSI)
कोणी निरपराध असून कधी नाश पावला आहे काय? नीतिमान कधी विलयास गेले आहेत काय? ह्याचा विचार कर.
ईयोब 4:8 (MARVBSI)
माझ्या पाहण्यात तर असे आहे की, जे अधर्माची नांगरणी करतात व दुःखाची पेरणी करतात, ते तशीच कापणी करतात.
ईयोब 4:9 (MARVBSI)
देवाच्या श्वासाने ते विलय पावतात, त्याच्या क्रोधाच्या फुंकराने ते नाहीतसे होतात.
ईयोब 4:10 (MARVBSI)
सिंहाची गर्जना खुंटते, विक्राळ सिंहाचा नाद खुंटतो, तरुण सिंहाचे दात उपटले जातात.
ईयोब 4:11 (MARVBSI)
वृद्ध सिंह भक्ष्य न मिळाल्यामुळे मरतो, सिंहिणीचे छावे चोहोकडे पांगतात.
ईयोब 4:12 (MARVBSI)
एक गुप्त गोष्ट मला कळली, माझ्या कानी तिची गुणगुण आली;
ईयोब 4:13 (MARVBSI)
रात्री माणसे निद्रावश होतात अशा समयी मला दृष्टान्त होऊन मी विचारलहरींत मग्न झालो असता,
ईयोब 4:14 (MARVBSI)
मला भीती प्राप्त होऊन मी थरथरा कापू लागलो, माझी हाडे लटलटू लागली;
ईयोब 4:15 (MARVBSI)
माझ्या तोंडाजवळून वायुस्वरूपी1 असा कोणी गेला; तेव्हा माझ्या अंगावर रोमांच उभे राहिले.
ईयोब 4:16 (MARVBSI)
तो तेथे उभा राहिला, पण त्याचा आकार मला नीट दिसला नाही; तरी माझ्यासमोर काही आकृती होती; मी मंद वाणी ऐकली की,
ईयोब 4:17 (MARVBSI)
‘मर्त्य मानव ईश्वरापुढे नीतिमान ठरेल काय? मनुष्य आपल्या उत्पन्नकर्त्यापुढे शुद्ध ठरेल काय?
ईयोब 4:18 (MARVBSI)
पाहा, तो तर आपल्या सेवकांचाही भरवसा धरत नाही; तो आपल्या दिव्यदूतांना प्रमाद केल्याचा दोष लावतो;
ईयोब 4:19 (MARVBSI)
तर मृत्तिकागृहात जे राहतात, ज्यांचा पाय मातीत घातला आहे, त्यांचा त्याच्यापुढे काय पाड! ते पतंगासारखे चिरडले जातात.
ईयोब 4:20 (MARVBSI)
सकाळपासून संध्याकाळपर्यंतच्या अवकाशात ते छिन्नभिन्न होतात; त्यांचा कायमचा नाश होतो व कोणी त्यांची पर्वा करीत नाही.
ईयोब 4:21 (MARVBSI)
त्यांच्या राहुटीचा तणावा कापला जात नाही काय? ज्ञानप्राप्तीविना ते मरून जातात.”’
ईयोब 1:4 (MARVBSI)
त्याचे पुत्र पाळीपाळीने एकमेकांच्या घरी भोजनसमारंभ करीत, व त्या वेळी आपल्या तिन्ही बहिणींना पंक्तीला बोलावीत.
ईयोब 2:4 (MARVBSI)
सैतानाने परमेश्वराला उत्तर दिले, “त्वचेसाठी त्वचा! मनुष्य आपल्या प्राणासाठी आपले सर्वस्व देईल.
ईयोब 3:4 (MARVBSI)
तो दिवस अंधार होवो; ईश्वर त्या दिवसाची निगा न करो; त्यावर प्रकाश न पडो.
ईयोब 5:4 (MARVBSI)
त्याची मुलेबाळे उद्धाराला अंतरली आहेत; वेशीत त्यांचा चुराडा होतो; त्यांचा कोणी बचाव करणारा नाही.