Openboarunk 8 मधील लोकप्रिय बायबल वचने

सामायिक करा

Aus daut Laum daut säwende Säajel opmuak, wort daut em Himmel ojjefäa eene haulwe Stund gaunz stell.

De ieeschta Enjel blosd siene Trompeet, un dan kjeem Hoagel met Fia un Bloot jemenjt, un daut wort rauf opp de Ieed jeschmäten. Un een Dreddel von de Ieed un een Dreddel von aulet jreene Graus vebrend.

Un ekj kjikjt, un hieed een Odla medden derch däm Himmel flieejen, dee schrieech met lude Stemm: Wee, wee, wee fa dee, dee opp de Ieed wonen, wan see dee Trompeeten hieren woaren, dee de latste dree Enjel noch blosen motten!

De tweeda Enjel blosd siene Trompeet, un dan wort soowaut aus een groota brennenda Boajch em Mäa jeschmäten. Un een Dreddel vom Mäa wort Bloot

De dredda Enjel blosd siene Trompeet. Dan foll een groota Stiern, brennent aus een Fiastock vom Himmel, un dee foll opp een Dreddel von de Wotastreem un opp de Wotakjwalen. Un dee Stiern heet Bettanis. Un een Dreddel vom Wota wort soo betta, daut väl Menschen doavon storwen.

Dan blosd de vieeda Enjel, un daut schluach een Dreddel von de Sonn, een Dreddel von de Mon un een Dreddel von de Stierns, soo daut dee aula een Dreddel diesta worden. Un soo wia een Dreddel vom Dach uk een Dreddel von de Nacht onen Licht.