Openboarunk 6 मधील लोकप्रिय बायबल वचने

सामायिक करा

Un ekj kjikjt, un sach een Pieet blaus aus een Dooden. Un dee doabowen saut, heet Doot, un daut Doodenrikj kjeem am hinjaraun. Un am wort Krauft jejäft daut vieede Poat opp de Ieed doottomoaken, derch Schwieet, Hunga, Doot un wille Tieren.

Ekj kjikjt, un sach ver mie een wittet Pieet. Un dee doabowen saut, haud een Boagen, un am wort eene Kroon jejäft, un hee reet jewennent loos mea entonämen.

Aus hee daut fefte Säajel opmuak, sach ekj unja däm Aultoa dee äare Seelen, dee wäajen daut Gotteswuat un wäajen äa Zeichnis, daut see jehaut hauden, wieren dootjemoakt worden.

Un dee schrieejen met lude Stemm un säden: Har, du Heilja, Woarhauftja, woo lang woat daut noch dieren, bat du rechten un Rach eewen woascht aun dee, dee opp de Ieed wonen, dee ons Bloot vegoten haben. Un an wort jieda een wittet Kjleet jejäft un jesajcht, see sullen noch een bät lenja ruich bliewen, bat äare Metoabeida un Breeda, dee soo aus see uk wudden dootjemoakt woaren, uk wudden doabie sennen.

Un dan kjeem een fiaroodet Pieet rut. Un däm, dee doabowen saut, wort daut jejäft, dän Fräd von de Ieed to nämen, un daut Menschen sikj unjarenaunda doot moaken wudden. Un am wort een grootet Schwieet jejäft.

Wiels de groota Dach, Rach to eewen, es jekomen, un wäa kaun bestonen?

Aus hee daut saste Säajel opmuak, kjikjt ekj, un sach, doa wia een grootet Ieedbäben. De Sonn wort schwoat aus Sakzeich von Kosenhoa, un de Volmon wort blootroot, un de Himmelstierns follen opp de Ieed, soo aus de jreene Fiejen vom Fiejenboom faulen, wan dee von een stoakjen Wint jescheddat woat.

Aus hee daut dredde Säajel opmuak, hieed ekj daut dredde Tia sajen: Komm! Ekj kjikjt, un sach ver mie een schwoatet Pieet. Un dee doabowen saut, haud eene Wichtschol en de Haunt. Un ekj hieed unja de vea Tieren eene Stemm sajen: Weit fa een Dach fa een Doages Loon, ooda Joascht fa dree Doag fa een Doages Loon. Oba Wien un Eelj doo kjeen Schoden!

Dan veschwunk de Himmel, aus wan eene Papiaroll oppjerolt woat, un aule Boaj un Insel scheddaden von eene Städ no de aundre. Dan vestuaken aule Kjennichs opp de Ieed, un de groote un rikje un leidende un jewaultje un Sklowen un Friee sikj en de Hollinjen un Retzen en de Boaj.