Galata 5 मधील लोकप्रिय बायबल वचने

सामायिक करा

Dän Jeist siene Frucht es Leew, Freid, Fräd, Jedult, Frintlichkjeit, gootjesonnen sennen, Gloowen, Jelindichkjeit un Selfstbeharschunk. Jäajen soone es daut Jesaz nich.

Ekj saj junt soo: Waundelt em Jeist, dan woa jie daut nich doonen, wuano daut Fleesch jelesten deit.

Wan wie em Jeist läwen, dan well wie uk em Jeist waundlen.

Dee, dee Christus Jesus aunjehieren, haben daut Fleesch met Lost un Liedenschoften toop jekjriezicht.

Waut daut Fleesch fa Woakjen haft es kloa: doa es Ehebruch, Huararie, Onreinheit, onbandjet Läwen, Aufjettarie, Zaubarie, Fientschoft, Striet, Habsucht, Wutt, nosikj sennen, Zank, Spoolarie, Aufgonst, Mort, supen, un fräten un soowaut mea. Ekj hab junt daut aul eemol jesajcht, oba ekj saj daut noch eemol: Dee, dee soowaut doonen woaren en Gott sien Rikj nich nenkomen.

Breeda, junt haft Christus to Frieheit veholpen. Bloos brukt dee Frieheit nich, daut Fleesch dän Wellen to loten. Deent eena dän aundren en Leew.

Wiels daut Fleesch velangt jrod daut, waut de Jeist nich well, un de Jeist well daut, waut daut Fleesch nich well. Dee beid sent sikj emma jäajenäwa, daut jie nich doonen, waut jie doonen muchten.

Wiels daut gaunze Jesaz es met een Wuat toopjefot: “Du saust dienen Noba jrod soo goot sennen aus die selfst.”

Dan bruck wie nich no Iea un aunseenen sieekjen, wuaderch Aufgonst un Oaja kjemt.

Dan blieft nu en dee Frieheit, wuatoo Christus ons veholpen haft, un lot junt nich wada een Sklowenjoch opplajen!