Hesekiel 37 मधील लोकप्रिय बायबल वचने

सामायिक करा

Un hee säd to mie: Profezei emol to dise Knoakes un saj to an: Jie vedrieejde Knoakes, horcht no waut de HAR junt sajcht. Dit es waut Gott de HAR to dise Knoakes sajcht: Horcht emol, ekj woa wada dän Odem en junt nenbrinjen, daut jie wada woaren läwendich sennen.

Ekj woa Sänen aun junt naun moaken, un Fleesch loten opp junt waussen. Ekj woa junt met Hut betrakjen un junt dän Odem jäwen, soo daut jie läwen woaren. Un jie woaren weeten, daut ekj de HAR sie.

Un hee säd to mie: Horch emol, Menschensän. Kjennen dise Knoakes noch wada läwen? Un ekj säd: HAR Gott, daut weetst bloos du.

Ekj feeld de Krauft vom HARN opp mie komen, un hee brocht mie derch däm HARN sien Jeist rut, un stald mie medden en een flaket Tol. Un aulawäajen en daut Tol lagen Knoakes. Un hee wees mie doa aulawäajen rom, un doa wieren sea väl Knoakes en daut Tol, un dee wieren gaunz drieech.

Un ekj räd, soo aus mie daut oppjejäft wia. Un weetst, dan hieed ekj waut, un daut klaupad rajcht soo aus de Knoakes, eena aum aundren, toopkjeemen. Un aus ekj doa soo kjikjt, sach ekj daut doa Sänen un Fleesch aun dee naun kjeemen, un daut dee met Hut betrocken worden. Doa wia oba noch kjeen Odem en an.