1 Timote 2 मधील लोकप्रिय बायबल वचने

सामायिक करा

Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé, Jeju Kristi, yeḛ gə́ ya̰ rəa ar yoo gə́ nékoga dɔ dəwje lai lé. Yee ɓa to ta gə́ d’ɔr taree mee ndəa gə́ to ndɔ kea̰-yeḛ lé nja ləm

Né gə́ kédé gə́ ma m’tɔgi dɔ’g lé maji ra tamaji ta Ala’g ləm, ra ndòo rəa’g ləm, to ne təa’g pəgə-pəgə ləma, rəa oiyo ləm tɔ mbata lə dəwje lai ləm, mbata mbaije ləma, mbata deḛ gə́ d’isi gə́ dəw dɔ mar deeje’g lé ləm tɔ mba kar sí j’isi ne dan maji’g gə dan meekulɔm’g ləm, kar sí j’wa Ala meḛ sí’g gə meendakaḭ ləm tɔ

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ. Denéje kara ma m’ndigi kar dee d’ula kubu gə́ ka̰ kon rɔ dee ɓó gə ka̰ tər kəm loo el ləm, əsé gə tula dɔ dee d’aree yen pə gə larlɔr el ləm, əsé gə mərje el ləma, əsé gə kubuje gə́ ndoolé yḛd-yḛd gə́ lar dee uru kugu ndor-ndor el ləm tɔ. Nɛ néraje gə́ maji ɓa d’a kula rɔ dee’g gə́ kubu lə dee, yee ɓa gə́ né kəm ra lə denéje gə́ d’oo rɔ dee gə́ njékwa Ala meḛ deeje’g lé ya.