Roméne 10 मधील लोकप्रिय बायबल वचने

सामायिक करा

Ŋgé na uŋgúté rɔɔ́ wo a ojá na aŋgísó rá moto uŋgimé anáá Yésusu a ámó Okí kó ŋgé wo atɔ́wɔ́ na otémá rɔɔ́ uŋgímé anáá Irɔŋgɔ a ma me honóná na raaté wa vigwé, o mó riyámó sótyérí.

Esené táma éjé to atɔ́wɔmó na otémá rá visó uŋgímáná, Irɔŋgɔ a só buŋdyámó ndíŋgirííŋ, kó a só sótyámó táma éjé to ojámó ŋgɔ́tééná ra visó na aŋgísó rá moto uŋgimé.

Naná, ŋgɔ́tééná yo urámó táma éjé moto a vátɔ́rɔ́mó comó éjé vá ojámó, kó cómó mwané, e ámó epéŋgé yá Kirítu.

Esené va kárate ává mwáŋ mwáŋ vá járámó anáá: «Ojo a me atɔ́wɔmó a ta mó vásúmíye.» Naná, cená e ta ámó ɔ́wɔ́ na mwaná wa va Yúdene na ojo ka rií mwaná wa va Yúdene, esene éyé bimé vá tímbámó Okí umwesií ójó a eréenámó mesí máa na bimé ává vá me béráanámó. Va kárate ává mwáŋ mwáŋ vá járámó anáá: «Ojo a mó váŋgenámó Okí a mó riyámó sótyérí.»

Kó twiiŋí kówo moto a hítyámó woja ŋgé a ríi ka rií tómérí? Va kárate ává mwáŋ mwáŋ vá járámó anáá: «Ivyáté vikáné vyá vitaka táma éjé wo enámó ava vá ojámó vesi vá comó vá endá jine!»

Kó twiiŋí kówo moto a ámó ovaŋgena Okí ŋgé a ríi ka me atɔ́wɔ? Kó honó twiiŋí kówo a hítyámó watɔ́wɔ ŋgé a ríi ká ová vá járá ndɔ́ŋɔ́ raá? Kó twiiŋí kówo a hítyámó wová vá járá ndɔ́ŋɔ́ raá ŋgé moto a ríi ka oja?

Esené ubútú rá mbéndɔ́ ra Mósese wó ámó Kirítu, ukú ójó anáá vato bimé ává vá atɔ́wɔmó Kirítú mwané vá rií ndíŋgirííŋ.