Pahayag 6 मधील लोकप्रिय बायबल वचने

सामायिक करा

Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.

Sakay káileng ko ay naketaák ti kabayo a mapudew sakay u mágkabayo ay te tatawed a pana. Inatádden siya ti kurona sakay limmakad tán mákpaglaban sakay tulos-tulos a magtagumpay.

Nikuna a ibutan nu Tupa u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he.

Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?” Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.

Sakay naketaák dámman ti essa a kabayo a madideg. U mágkabayo ay inatádden ti kapangyariyan a magpasapul ti gera ti lutaáy tánni mamágbunuwan u tolay hide. Sakay inatádden siya ti dakál a ispada.

Dipo dummemát dán u aldew nu págparusa de tu tolay hide sakay awan ti makaligtas tu iyamut de!”

Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige. Sakay minágkatákneg u biton hide ti lutaáy a konna tu kákkatákneg nu butáng hide nu kayo a igus ni sabáddán nu mabegsák a pahás.

Nikuna a ibutan nu Tupa u katállo a selyo ay nasaneg ko a kinagi nu katállo a linalang a biyag, “Karon he!” Sakay naketaák ti kabayo a mangitet, u mágkabayo hod ay te táttawed a timbangan. Sakay te nasanigák a kumán a boses a gábwat tu páppágyanan nu áppat a linalang a biyag. Kinagi na, “Essa la a takal a trigo oni tállo a takal a sebada i mabaliyay nu saldew a hornal. Pero dyan sidaán u olibu sakay u ubas para te magimet a langis sakay alak!”

Nawan u langet a konna tu kasulatan a bigla a nalukot. Sakay u buked ay tu puduk ay neagton gábwat tu date de a págyanan. Nadid, u hare hide ti munduwáy sakay u gubernador hide, u heneral hide, u mágkayaman, u tehhod hide a kapangyariyan sakay u atanan a tolay, malaya oni alipin ay tumagu tu kuwe-kuweba sakay tu pag-itan nu bito-bito hide tu buked.