Filipos 2 मधील लोकप्रिय बायबल वचने

सामायिक करा

Dyan kam maggimet ti ánya man a bagay dipo la tu kagustuwan moy a metanyag, nan magpakababa kam sakay ituring moy a mas higit u agum kasera nikam. Bakán la u sadile moy a kapiyyaan u isipán moy nan pate be u kapiyyaan nu agum.

Nakwa magkahod kam ti pággisipan a konna ni Cristo.

Maskin tunay siya a Diyos ay awan na impilit a manatile a kapantay nu Diyos. Nan nagpakababa siya sakay nabiyag a konna tu essa a alipin nikuna siya ay nagin tolay a kapareho tam. Sakay nikuna a nagin tolay siya ay nagpakababa siya sakay nagin masássunudán siya tu Diyos hanggan kamatayan, maski pa u kákkatay na tu kudus.

Dipo u Diyos u mangatád nikam ti soh sakay kakayanan a magimet u kaluuban na.

Kanya inlangkaw siya nu Diyos tu kataasan sakay inyatád na nikuna u ngahan a higit tu atanan a ngahan. Tánni atanan nu katoy ti langet sakay katoy ti lutaáy, u katoy tu disalad ni lutaáy ay lumuhud tán sumamba nikuna. Sakay ipakapospos nu atanan a tolay a ti Jesu-Cristo u Panginoon, para tu kapuriyan nu Diyos Ama.

Gimitán moy u atanan a bagay a awan ti reklamo sakay pamágtabbegan. Tánni magin malinis kam sakay awan ti kapintasan bilang anak nu Diyos, nadid a kaguman moy palla u tolay hide a liwat sakay mágkadukás ti kákkabiyag. Tánni tu konna hod ay magin demlag kam nide a konna tu biton a maggehab ti langitáy

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.