Colosas 3 मधील लोकप्रिय बायबल वचने

सामायिक करा

Mamágpasensiyaan kam sakay mamágpatawaden ni te saket kam ti isip tu balang essa. Magpatawaden kam konna tu págpatawad nikam nu Panginoon.

Ituun moy isip moye tu bagay hide ti langet, bakán a tu bagay hide ti lutaáy

Ánya man u gimitán moy, ay gimitán moy ti buu a puso a kumán a bakán a tolay i pagserbiyan moyay nan u Panginoon.

Bilang pinile nu Diyos, banal sakay mahal na, dapat makákkágbiyán kam, maganda u ugale, mapagpakumbaba, mabait sakay handa a magtiis.

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat. Sakay ánya man u gimitán moy magin tu pággupos oni tu gimet, ay gimitán moy a atanan tu ngahan nu Panginoon Jesus, sakay magpasalamat kam tu Diyos Ama tu pamamag-itan na.

Sakay higit tu atanan, magmahalan kam dipo iye u mangatád ti tunay a págkakaessa.

Nadid, dipo nebilang kamon a nabiyag a huway a kaguman ni Cristo, ituun moy u isip moy tu bagay hide a katoy ti langet tu páppágyanan ni Cristo a mággetnod tu kawanan nu Diyos.

Sakay paghariyán moy tu puso moy u kapayapaan a gábwat ni Cristo, dipo iye u dahilan kaya nadulaw kam nu Diyos para magin bahagi nu essa a bággi. Magpasalamat kam a pirme.

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

dipo kumán kamon a natay tu date moy a kákkabiyag, sakay u tatahoden moy a biyag ay katoy tu Diyos, kaguman ni Cristo.

Pero nadid, ibutan moy dán iye a atanan, pággiyamut, subra a kákkaiyamut sakay u saket ni isip. Iwasan moy dán u pángsida tu agum a tolay sakay u mágkalaswa a pággupos.

Diyan kam magbuli-bule tu balang essa, dipo inibutan moy dán be u date moy a pagkatolay pate u date hide a gimet, sakay impalit moy dán u bigu moy a pagkatolay. Tulos-tulos iye a mabagu sakay magin kahupa nu Diyos a nanglalang nikam, tánni mas lalo moy siya a matenggi.

Lállake hide, mahalán moy u kákkabanga moy, sakay diyan moy hide pasakitan.

Anak hide, sunudán moy sakay igalang u dáddakál moy hide tu atanan a bagay, dipo ina u makasaya tu Panginoon.

Bábbey hide, pasakup kam tu kákkabanga moy, dipo ina u nerarapat a gimitán bilang mannampalataya tu Panginoon.