Phŭn Blŭng 12 मधील लोकप्रिय बायबल वचने

सामायिक करा

Jr̂ŏng nŭn kâo ti ngă br̂ơi ih jr̂ŏng sô̆n-sat pr̂ŏng, kâo ti pha br̂ơi ih klơi nŭk-nua, wŏt kâo ti pô̆ đĭ ƀŏ ih čiăng r̂ăng i-bli, čiăng r̂ăng hmâo klơi nŭk-nua yua mơ̆ng ih mơ̆n. Lơi br̂ơi ih klơi nŭk-nua, kâo ti pha br̂ơi pô nŭn klơi nŭk-nua mơ̆n. Lơi pơmat ih, kâo ti hơtŏm pô nŭn mơ̆n. Bih khŭl-khap mơ̆ng lŏn kơnah ti hmâo klơi nŭk-nua yua mơ̆ng ih.»

Yêhôwa pơhiăp hr̂ŏm Abram: «Br̂ơi ih biă mơ̆ng lŏn-ia ih dŏ, biă mơ̆ng yŏng dơi ih, biă mơ̆ng khŭl-khap sang-nŏ ma ih, nao pơ lŏn-ia kâo ti pơƀôh br̂ơi ih.

Nŭn Abram biă nao hla ti Yêhôwa pơđơi, dăp Lot nao hr̂ŏm ñu mơ̆n. Pah Abram biă mơ̆ng plơi Kharan ñu hmâo ayŭ 75 thŭn boih.

Jr̂ŏng nŭn Yêhôwa pơƀôh br̂ơi Abram ƀôh ñu, nŭn Yêhôwa laĭ: «Kâo ti br̂ơi lŏn-ia ne pơ djuoi ih.» Nĭng nŭn yơh Abram mơ̆ng ngă pr̂a ngă yang Yêhôwa pơ ƀon nŭn, yua Yêhôwa pơƀôh br̂ơi ñu ƀôh.