Genesis 50 मधील लोकप्रिय बायबल वचने

Roeddech chi am wneud drwg i mi, ond dyma Duw yn troi y drwg yn beth da. Roedd arno eisiau achub bywydau llawer o bobl, a dyna dych chi’n weld heddiw.

Ond dyma Joseff yn ateb, “Peidiwch bod ag ofn. Ai Duw ydw i?

Felly peidiwch bod ag ofn. Gwna i ofalu amdanoch chi a’ch plant.” Felly rhoddodd Joseff dawelwch meddwl iddyn nhw drwy siarad yn garedig gyda nhw.

‘Dwedwch wrth Joseff: Plîs maddau i dy frodyr am y drwg wnaethon nhw, yn dy drin di mor wael.’ Felly dyma ni, gweision y Duw roedd dy dad yn ei addoli. O, plîs wnei di faddau i ni am beth wnaethon ni?” Pan glywodd Joseff hyn dyma fe’n dechrau crio.

Wedyn dyma Joseff yn dweud wrth ei frodyr, “Dw i ar fin marw. Ond bydd Duw yn dod atoch chi ac yn mynd â chi’n ôl o’r wlad yma i’r wlad wnaeth e addo ei rhoi i Abraham, Isaac a Jacob.”

Felly dyma Joseff yn gwneud i bobl Israel addo, “Pan fydd Duw yn dod atoch chi, dw i am i chi fynd â fy esgyrn i o’r lle yma.”

A dyma Joseff yn marw yn 110 oed. Cafodd ei gorff ei falmeiddio a’i osod mewn arch yn yr Aifft.