1е Петра 3 मधील लोकप्रिय बायबल वचने

सामायिक करा

Иўырңа илюхпысигун манигуӷақитыху Христос Атанӷулюку. Китум алңунак а̄птыкаңиси сиӷималъыӷмың илюхпысинилңуӷмың қӯнпың лӣгикнатун кӣмсиӷьяқлъыхӣна̄ўақитыки. Иўырңа кӣмсиӷақитыки қусывыхлъылиӷлюси, сӣвакилъылиӷлюси. Сыӷлыҳқынӷилъкуфси умьюгаси сыӷлыӷнина̄нӷитут. Ынка̄м югыт сыӷлықӯқаңиси пинитун кияҳтылъыҳпысиның Христосыкун, кайңуюхлъықут таўатын акузилъыӷмыхның.

қаюҳлъяк Атанӷым ысҳапаўӣ ылъқуӷутңалӷӣт, нагатақӣлъю юӷалъҳит. Иўырңа Атанӷым тыңвимун аюқӣ сыӷлытун пилӷӣт».

Нуяқыхсялъҳым, улъңақылъҳым золотамың, а̄шалъҳым пиниӷнаҳсӣгатӣ илюси. Итупилъ пиниӷнаҳтык илюхпысигун қусывыхлъылиӷлюси, ныкыхмылъылиӷлюсилъю. Таўатылңуқ пиниӷналъық қӯнпыкаҳқа̄гуқ, мыгнунаҳлъяхтуқ Кияӷныӷмун.

Акузитыт Игақыхкат пилъҳистун: «Кина алңунак қуяңалӷӣмың уңувалъылгуюкуми, қуямалӷӣныңлъю аӷнылгуюкуми, сыӷлытун акузиныӷмың та̄қлъи, иқлъыңиқнаниӷлилъю. Сыӷлытун пинаниӷлюни, пинитун пили. Ныкыхмынъақлъюнилъю кияҳлъи

Та̄қмиӷнақанка сямың пилъҳынка хўатын: қамахлъюси ата̄систун сюмыӷнылгутык, ақниқутутык, пиниқутык аңлыгуткулъҳӣстун, наңлъыкутутык, қусывгутутык. Югыт сыӷлытун пикаңиси акитыхпынаки сыӷлытун, налиӷмың сыӷлықӯқаңиси акитыхпынаки сыӷлықӯӷмың. Итупилъ акитыки қуястылъыӷмың, қаюҳлъяк Кияӷныӷым накмикыхкақӣси таўатын писқылъюси лъпысинун алъхыҳтысқылъюку қуястилъыни.

Китумңам ақниҳлъықиси сягиқңукуфси пинитун пилъыӷмун?

Сыӷлытун пинаниӷлюни, пинитун пили. Ныкыхмынъақлъюнилъю кияҳлъи

Иўырңа Кияӷныӷым пиюкылъқыңъукагу икфиқысқылъюси пинитун пилъыӷмун, та̄на итагнаӷатаӷаҳтуқ икфиқылъыҳқаҳпысиның сыӷлытун пилъыӷмун.