Ja̰ 12 मधील लोकप्रिय बायबल वचने

सामायिक करा

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Dəw gə tɔsə kəm-e dɔ təbə gə lə-a nama a kila-a kɔrɔ, ngaɓa dəw gə mbadə təbə lə-a gə dɔ nangə gə nee gə dɔbo̰ nama a ngom-e mba kisi ne kəm baa gə ndɔ gə ndɔ.

Tar gə tɔgərɔ ja, m-pa m-ar-si, to gə ɓo kandə ko gə ri-a na bəle, gə oso nangə le uy ang nama, to gə kar-ɛ baa, ngaa to gə ɓo uy nama unda mbənji-mbənji.

ꞌMa gə m-to gə lokarə le, m-ɗe dɔ nangə gə nee mba kar na-na gə ta kagə-m nama isi dan cil ciməri gə ang.

To gə ɓo dəw gə o tar lə-m ɓa ngom ang nama, ꞌma m-gangə tar dɔ-ɛ gə ang, mba m-ɗe mba gangə tar dɔ dəwje gə dɔ nangə gə nee ang baa, ngaa m-ɗe mba kaji dəwje gə dɔ nangə gə nee.

Be ɓa, Məri un ku ubu gə əndə mbo̰ gə ꞌɓar-ɛ na nar gə gə kəm-e ja, gə lar-ɛ ya̰ to kəne. N-um ubu gə əndə mbo̰ le gɔl Jeju n-ar ba̰y-ɛ ta lo kəy tɔlɛ-tɔlɛ; ngaɓa n-bɔr gɔl Jeju gə bḭ dɔ-ɛ tɔ.

Be ɓa dəwje ꞌcɛdə bar kəm kagəje ꞌcila ne kəm Jeju gə ꞌnjil ta-je gə, ꞌta ji naa gə miya̰ pa̰y-pa̰y na: Ojana ! Ndu tɔr to dɔ dəw gə ɗe gə ri Mbayɓe, Mbay gə Ijirayɛl.

Jeju ila-je kəne na: Dɔ kar asə mba kar d-ila riɓar dɔ Ngon lə dəw gə.