ЈОВАН 15 मधील लोकप्रिय बायबल वचने

सामायिक करा

Јас Сум лозата, а вие сте прачките. Кој останува во Мене, и Јас во него, тој дава многу плод; зашто без Мене не можете да направите ништо.

Останете во Мене како Јас во вас. Како што прачката не може да роди плод сама од себе, ако не остане на лозата, така ни вие, ако не останете во Мене.

Ако останете во Мене и ако Моите зборови останат во вас, барајте што и да посакате, и ќе ви биде.

Вие не Ме избравте Мене, но Јас ве избрав вас и ве поставив да одите и да принесувате плод, и вашиот плод да остане; и Мојот Татко да ви даде сѐ што ќе посакате во Мое име.

Никој нема поголема љубов од оваа: да го положи сопствениот живот за своите пријатели.

Тој ја отстранува секоја прачка на Мене, што не дава плод; а ја чисти секоја, што дава плод, за да даде повеќе плод.

Ова е Мојата заповед: да се љубите еден со друг, како што Јас ве љубев вас.

Мојот Татко се прославува со тоа, што ќе давате многу плод и ќе бидете Мои ученици.

Јас Сум вистинската лоза и Мојот Татко е лозарот.

Ако некој не остане во Мене, тој ќе биде исфрлен надвор како прачката, која е исушена, - ги собираат, ги фрлаат во оган и ги горат.

Ова ви го реков за да биде Мојата радост во вас, и вашата радост да биде полна.

Ќе останете во Мојата љубов, ако ги запазите Моите заповеди, како што и Јас ги запазив заповедите на Мојот Татко и останувам во Неговата љубов.

Ова ви заповедам: да се љубите еден со друг!“

Ако бевте од овој свет, светот би ги љубел своите; но бидејќи не сте од светов - туку Јас ве избрав од светот - затоа светот ве мрази.