Gal 5 मधील लोकप्रिय बायबल वचने

सामायिक करा

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ, foo-basiɛ̃ nɛ ka boomadinla nɛ. Dí-pɛn ba yɔ boe bɛa sii kɛ miã kɔ́n ganaa wa.

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Yiri Fu bɛ́ á nyin dii kɔ wɔ la, yǎa wɔ toɛ a wɔa giã ǹ gɔn dɔ tele.

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Gɔ̀nɔn foo siin bɛ́ n zɛnɛɛ lɔn ǹ tá n doɛ̃: kɔrɔbaa nɛ, *gɔ̀ sii zɛnaa nɛ, din kũ doɛ̃baã nɛ, dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa. Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

A giala, gɔ̀nɔn foo siin man yɔ boe kɔn ka Yiri Fu wɔn nɛ. Yiri Fu dɔ wɔn man yɔ boe kɔn ka gɔ̀nɔn wɔn nɛ. Zɔ́ɔbaa nə ǹ bii ni. Bɛ lɛ na a toa ka á ka dinin foo sii zɛnɛɛ wa.

A giala, dí-pɛ tumumaa lɛ n piɛ̃ ka boo goon toto kɛ nɛ: «Ǹ miã kɔsɔ narɛ ka n bɛ́ n din narɛ lɔn.»

Wɔ nyan din-koalin baa wa. Ga kɔn lɛ li nyan goã wɔ bii wa, yii bɔ kɔn gɔn màn li dɔ nyan goã wa.

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.