AR XUWA 2 मधील लोकप्रिय बायबल वचने

सामायिक करा

Gehnu̱ ar ꞌbe̱tꞌo dötantꞌudi bi ꞌyo̱tꞌa ar Hesu núnu̱ Nkana har ha̱i Ngalilea. Bi ñꞌu ár nsunda ne nuyá ma̱xte bi ñꞌemu̱ibi.

Ha nu ar Hesu bi ꞌñenö: —Yoꞌö gi xikagiga, tsi ꞌbe̱hñö. Hinxi zo̱ta ar pa da nheki ma tsꞌe̱di.

Ar Hesu bi ꞌñemba ya ꞌbe̱go: —Ñuꞌsu̱ ar dehe nuya motoyu̱. Ne nuꞌu̱ bi ñutsꞌi xiñho, xa bi ꞌbaxki. Mꞌe̱fa bi ꞌñembabi nꞌehe: —ꞌYa̱thu̱ ne hñöꞌspabihu̱ ár ndö nunar ngonu̱. Nuꞌu̱ bi hñöꞌspabiꞌö.

Ar Hesu bi dödi ne bi ꞌñembabiꞌu̱: —Hwathu̱ nunar nijönu̱, ne ár hñupa ga pengi ga ju̱xa manꞌagi.

Ar Hesu bi hyoka nꞌar nkꞌe̱nxi nthöhi, ne bi ꞌye̱nga nuya ma̱, mahye̱giwi yá de̱ti ne yá boi mi ꞌbu̱ har nijö. Bi fontꞌwa yá bojö ya pa̱tbojö ne bi pu̱spa yá mexa. Ne bi ꞌñemba nuꞌu̱ togo mi pa̱ ya domtxu: —Juju̱wayu̱, yo gi jafu̱ ár ngu ma Dada nꞌar ta̱i.