ᐊᒃᓱᑕᔅ 15 मधील लोकप्रिय बायबल वचने

सामायिक करा

ᐊ ᐃᔅᒋᔄᑦ, “ᓂᔾ ᐅ ᑎᐸᔨᒋᒐᓱᐤ, ᒋᒋᓴᒪᓂᑐᒧᐛᐤ᙮ ᒥᔪ ᓇᔨᑐᐅᔭᒂ ᐊᔨᑐᑎᒪᒄ ᒐᒂᓐ ᓂᔾ ᒐ ᒋᔅᒐᔨᑎᒪᓐ ᒪᔽᒡ, ᑭᔭ ᐃᑐᑎᒪᒂ ᒥᓯᐛ ᒐᒂᓐ ᐊ ᐃᑎᓱᒥᑎᑯᒡ, ᓇᒪ ᒋᑭ ᐃᑎᓴᒪᐊᒪᑎᓇᐛᐤ ᐊᐧᑯᓱᐅᓐ ᑲ ᐃᑎᓴᒪᐊᒧᒂᐤ ᐃᒋᑉᑦ ᐃᔪᒡ᙮ ᓂᔾ ᐅ ᑎᐸᔨᒋᒐᓱᐤ, ᐊᓐ ᒪᓏᒋᐃᑕᒄ᙮”

ᑎᐸᔨᒋᒐᓱᐤ ᐊᐅᒄ ᓂᒥᔅᑯᓯᐅᓐ; ᑭᔭ ᐎᔾ ᓂᒋ ᐱᒪᒋᐃᒄ᙮ ᐎᔾ ᓂᒋᓴᒪᓂᑐᒻ ᑭᔭ ᐎᔾ ᓂᑭ ᒪᒥᒋᒪᐤ᙮ ᓄᑕᐎᔾ ᐅᒋᓴᒪᓂᑐᒪ, ᑭᔭ ᓂᑭ ᐎᑎᒧᐛᐅᒡ ᑯᑎᑭᒡ ᐊᐛᓐᒋ ᐊᔅᐱᔅ ᒋᔅᑕᔨᑕᑯᓯᑦ᙮

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᑲ ᑕᑈᒥᑲᒡ ᒋᓴᒋᐃᐛᐅᓂᒡ ᐅᒡ, ᔅᒋ ᒋᔅᒋᓄᑕᐅᒡ ᐊᓐᒡ ᐃᔪᒡ ᑲ ᐱᒪᒋᐃᑥᐤ; ᒋᓱᐧᑲᑎᓯᐅᓂᔪᐤ ᐅᒡ ᔅᒋ ᒋᔅᒋᓄᑕᐅᒡ ᐊᓐᑕ ᐊᔅᒋᔪᐤ ᑲ ᐃᓯ ᑎᐸᓂᔅᑎᒧᐅᑥᐤ᙮

ᐊᑯ ᒂ ᓴᐳᑐᐛᑕᒡ ᑭᔭ ᒂ ᑎᑯᓯᒡ ᐊᓐᑕ ᒪᕋ ᐊ ᐃᓯᓂᐧᑲᑕᔨᒡ᙮ ᒋ ᑎᑯᓂᔪᐤ ᐊᓐᑕ ᓂᐱᔪᐤ ᒥᒄ ᓇᒪ ᐅᒋ ᒥᓄᐅᒡ, ᐅᓴᒻ ᒋ ᐎᓯᑲᐧᑭᒧᔪᐤ᙮ ᐊᐅᑯᓐ ᐛᒋ ᐃᓯᓂᐧᑲᑕᒡ ᒪᕋ᙮ ᐊᐅᑯᐤ ᐊ ᐃᔅᒋᔄᓄᐅᒡ ᐃᑉᕈ ᐃᔨᒧᓂᒡ ‘ᐎᓯᑭᓐ’᙮ ᐃᔅᕋᐃᓪ ᐃᔪᒡ ᒂ ᐊᓏᔨᒪᒡ ᒧᓱᓴ, “ᒐᒂᓐ ᐅ ᒐ ᒥᓂᔭᒡ ?” ᐊᑯ ᒧᓱᔅ ᒂ ᓂᑐᑎᒧᐛᑦ ᑎᐸᔨᒋᒐᓱᐛ᙮ ᐊᑯ ᒂ ᐛᐸᑎᔨᑯᑦ ᒥᔅᑎᒂ᙮ ᐊᑯ ᒂ ᐅᑎᓇᑦ ᐸᐃᒄ ᓯᑕᐧᑯᓇ ᑭᔭ ᒂ ᐱᑭᔅᑐᐛᐱᓇᑦ᙮ ᑭᔭ ᒂ ᒥᔽᔨᒡ ᓂᐱᔪᐤ ᒐᒋ ᒥᓇᓄᐎᒡ᙮ ᐊᑯᑕ ᐊᓐᑕ ᒪᕋ, ᑎᐸᔨᒋᒐᓱᐤ ᑲ ᒥᔭᑦ ᒥᒐᑦ ᐃᑎᓱᐛᐅᓇ ᒐᒋ ᓇᓴᒥᔨᒋ ᐊᓐᑕ ᐅᐱᒪᑎᓯᐅᓂᔨᒡ᙮ ᑭᔭ ᒋ ᑯᒂᒐᐤ ᐃᔭᐱᒡ ᐃᔪᐛ, ᒐ ᐊᑲ ᓂᑐᑕᑯᒂ