Эвел 41 मधील लोकप्रिय बायबल वचने

सामायिक करा

Юсуфдира: – Узу ваъ, хъа Заанури фяряуьндин нивкӀарин гъавриъ ахъуз ва дугъаз ужʼвалин жаваб тувуз кюмек апӀиди, – гъапи.

Фяряуьнди гъуллугъчйирихьан гьерхру: – Дихъуринхъа ухьуз сарун Заанурин Рюгьну чан кӀваъ агъавал апӀурайи гьамцир кас?

Хъа фяряуьнди Юсуфдиз кӀуру: – Эгер Заанури увуз му вари ачухъ дапӀнаш, сарун увутӀан фагьум-фикир хъайир адар. Узу уву йиз хулан аьхюрди дерккразаву. Вари йиз халкь яв буйругъариз мютӀюгъ хьибди. Анжагъ саб аьхювалин тахтниин узу увутӀан зина хьидиза.

Кьюрпи бализ «Ефраим («бегьерлу хьуз гъитрур»), – кӀуру, – гьаз гъапиш, Заанури узу аьзабар гъизигу жилиин узу бегьерлу гъапӀну».

Юсуфди чан сарпи бализ «Манас («кӀваълан гьауз гъитрур»), – кӀуру, – гьаз гъапиш Заанури узухьди вари йиз аьзабар ва йиз адашдин хал кӀваълан гьархуз гъитну».