Luqo 4 मधील लोकप्रिय बायबल वचने

सामायिक करा

“Egamizning Ruhi meni qamradi. Yoʻqsillarga Xushxabar yetkazmoq uchun Egam meni tanladi. Zindondagilarga erkin boʻlasiz, deb aytmoq uchun, Koʻrlarga, koʻzingiz ochiladi, deb xabar bermoq uchun, Asirlarni ozod qilmoq uchun, Egamning marhamat yilini maʼlum etmoq uchun Egam meni yubordi.”

Iso javob berib dedi: — Yozilganki: “Egang Xudoga sajda qil, faqat Unga xizmat qil.”

Iso unga shunday javob berdi: — Yozilganki: “Inson faqat non bilan yashamaydi.”

Iso Iordan daryosidan Muqaddas Ruhga toʻlib qaytdi. Ruh Uni sahroga boshlab ketdi.

Iso iblisga javoban dedi: — Yana yozilganki: “Egang Xudoni sinama.”

Iblis har tomonlama Isoni vasvasaga solib boʻlgandan soʻng Uning yonidan ketdi, biroq qaytib kelish uchun fursat poylab yurdi.

Soʻng Isoni iblis tepalikka olib chiqib, bir lahzada Unga olamning barcha shohliklarini koʻrsatdi. U Isoga dedi: — Seni ana shu shohliklar ustidan hukmron qilaman, ularning shon–shuhratini Senga beraman. Bularning hammasi menga berilgan, men esa istaganimga beraman. Menga sajda qil, shunda hammasi Seniki boʻladi. Iso javob berib dedi: — Yozilganki: “Egang Xudoga sajda qil, faqat Unga xizmat qil.”

Keyin iblis Isoni Quddusga olib bordi. Uni Maʼbadning eng yuqori joyiga chiqarib, shunday dedi: — Agar Sen Xudoning Oʻgʻli boʻlsang, Oʻzingni bu yerdan pastga tashla. Axir, yozilgan–ku: “Xudo Sen toʻgʻringda farishtalariga amr beradi, Farishtalar Seni qoʻriqlaydi. Oyogʻing toshga qoqilib ketmasin deya, Farishtalar qoʻllarida Seni koʻtarib boradi.” Iso iblisga javoban dedi: — Yana yozilganki: “Egang Xudoni sinama.”