Saŋ 15 मधील लोकप्रिय बायबल वचने

सामायिक करा

Ya mɛ́ŋa taaká cɛ atɔ́kɔ́ ayɛ́ bá ŋa bɛ́kɛ́lɛ́na bɛtámá, nua nɔ́ŋa ɛndáfɛ. Ɔɔcɔ awɔ́ u káá látana e nyimónjóló na yaŋɔ́, yaŋɔ́ tɔ́na e nyimónjóló ne wuúci, káá hááka bɛtámá biéŋí, anyía hú na yaŋɔ́ nua nɔ́ŋa na makɛ́nda ma ɔkɛla bɔkɔ.

Ánɔ latána e nyimónjóló na yaŋɔ́ háyɛ ya mɛ́ŋa e nyimónjóló na banɔ́. Ɔndáfɛ ú bɔɔtɛ́ tɛ á bá wú ɔhááka bɛtámá aá ciayɛ́ciayɛ́, mbɔ́kɔ u tɛ ŋáa látána e nyimónjóló ne indíné. Híáná banɔ́ tɔ́na nu tɛ anɔ́ bá nú ɔhááka mbɔ́kɔ nu tɛ ŋá nɔ́ látána e nyimónjóló na yaŋɔ́.

Mbɔ́kɔ nu ŋa nɔ́ látána e nyimónjóló na yaŋɔ́, úúmi ɔtáŋa wó limine e cíínú ɛtɛ́má, bɔkɔ bukime abɔ́ nu ká nɔ́ báta, nu ké nú buúbu bɔ́ŋɔ.

Tɛ́ cáŋa banɔ́ nú ŋa nɔ́ mɛ táfá ; mbá yaŋɔ́ ɛ ŋaá mɛ banɔ́ táfáká, míɔ banɔ́ tɔ́mɔ́kɔ́na a masɔ́ma, anyía núá cɔbáka, úúnú olíhe á hááka bɛtámá e bí kéé líhéke. Aáná Síkíne káá banɔ́ íínjie bɔkɔ bukime abɔ́ nu ká nɔ́ kándɛna náámɛ o o wuúci bata.

Nyɛnamá nyí etémbí nyí olénéke bɔsɔ́ɔ́kɔ́ tɛ á bá a nyɛ́ á hɔ́la nyí owééne a asana yɛ́ bíɔ́wɔ bikendinyi.

U ŋaá sɔ́mba ɔndáfɛ okime a wáŋa náámɛ ú tɛ́ háá bɛtámá, yɔ́ sáŋɔnaka, yɔ́ waándákɛ́na ɛndáfɛ a cɛ́áŋa na bɛtámá anyía cié túné hááka ɔ ɔhɔla.

Ɛ ŋa mɛ́ banɔ́ láana ɛsɛ́ : Énu lénékéne banɔ́ na banɔ́ háyɛ ɛ ŋa mɛ́ banɔ́ léne.

Ánɔ lɛca, ciamɛ Síkíne ŋo yoómo a nyíánɔ́ nyɛháá nyɛ́ bɛtámá, nu tóŋgínyi baacɔ anyía nua nɔ́ŋa báámɛ baákɔ́nɛ́na.

Yésus ŋaá laána bááyɛ́ *baákɔ́nɛ́na ɔsɛ : « Ya mɛ́ŋa taaká cɛ atɔ́kɔ́ ; ciamɛ Síkíne áŋa háyɛ munyiɔ bɛtɔ́kɔ́.

Ɔɔcɔ awɔ́ u tɛ káá látana e nyimónjóló na yaŋɔ́, bé kéé wuúci oomboko háyɛ ɔndáfɛ, yɔ́ kɔ́tákɛ́na. Bá náŋa bá bándáka ɛndáfɛ a cɛkɔ́tákɛ́nánɔ́, bó ciíci luliki.

Ɛ́ ma mɛ́ banɔ́ láakɛna bɛsana eebi anyía mbá úúmi obíléne á bá e cíínú ɛtɛ́má háyɛ wáŋa e úúmi ɔtɛ́má, úúnú obíléne ááŋánáka ɔ ɔhɔla.

Mbɔ́kɔ nu ŋá nɔ́ látákɛ́na úúmi ɔtáŋa, nu ké nú límine a núámɛ nulénéne noómi, háyɛ yaŋɔ́ tɔ́na ɛ́ ŋaá mɛ látákɛ́na ɔtáŋa ú ciamɛ Síkíne, mío limekine eeyé e nulénéne noómi.

Ɛ ŋa mɛ́ banɔ́ láana ɛsɛ́ : Énu lénékéne banɔ́ na banɔ́. »

Mbɔ́kɔ nu ŋa nɔ́ bɛ́lɔ́kɔ́mɛ́na ɔmɛsɛ́ ooci, keyé baacɔ bá ɔmɛsɛ́ ooci ŋa bɔ́ banɔ́ léne anyía nua nɔ́ŋa baacɔ bé úúbú ɔlɔŋɔ. Mbá ɛ ŋaá mɛ banɔ́ táfáká, míɔ banɔ́ sɔ́mɔkɔ aabɔ́ ɛ ɛkatɛ́katɛ́ ; aámbáya nu tɛ anɔ́ bá tɔ́na báábɔ́. A asana eéyé baacɔ bá ɔmɛsɛ́ ooci ŋa bɔ́ banɔ́ líŋine.