Nayoshua 6 मधील लोकप्रिय बायबल वचने

सामायिक करा

Apwiiya Nlhuku nkayeerelha Nayoshua wiira, “Mwooneke, Miyaano kinouvahani machiri o ukottolha iwani yo Uyeriko vamoka ni amwene aya ni manyaasikari aya.

Vanohalha aya woopa yayo maphenga ayo wo nlhove nulhuphalhe, ni inyu mwiiwaka etu nenno nlhove nno, attu onkhaye akhuwelheke chinene ni ishiri cho iwani chinoowulhuwa vathi. Kila ntu akelheke vawani vawo, wo ukhuma vakittu veemenlhe awe.”

Inyuva ni alhe arii ni ikerero onkhaye nrukurerieke yeyo iwani iyo nkwaha mmoka kila nihuku wo mahuku sita.

Opochera ishaani saba, kila mmoka nakushilhe niphenga nawe no inyaka yo ikhondoro ilhopwana, aholhelheke uhoolho wo Nsanduku no Malhehano. Ni nihuku no saba nrukurierieke yeyo iwani iyo mikwaha saba uno opochera ishaani yoopaka maphenga.

Mikhora chulhupalhe cho ukelhelha iwani yo Uyeriko chaari chinatteiye rata wo nhina, wiira yaatiyelhelhe Aisraeli ahikelhe. Khaawo ntu onrie ukhelha wala ukhuma yeyo iwani iyo.

Waphiyeke nkwaha wo saba ikatema opochera ishaani ahinaaya woopa maphenga, Nayoshua aheerelha attu wiira, “Nkhuwelheke, ukhalhawaya Apwiiya Nlhuku ahomalha uvahani ilha iwani ilha.

Yeyo iwani iyo ni kila ittu iriwo mwommo chinorimeelhihiya, ukhalhawaya iheeshiya wakfu wa Apwiiya Nlhuku. Rahabu, nthiyana o ulhavalhava ulhe phi nohalha woopolhiya vamoka ni attu ari nnupani mwawe ukhalhawaya ahaavitha attu ihu o uhotelha.