Lud kar liq 4 मधील लोकप्रिय बायबल वचने

सामायिक करा

Yer suq yawd ghawn lehq koz che, “Ghig sa ve Awg ha phu ngag awg thag huh chehd chehd che yaog. Awg lawn ghod ver, har ghuhd che chaw teq pa haq ha lehg che bon khuhd kud vid tug yawd ngag haq lez yug lar peor. Yawd ngag haq pea lar che awr lehr, pheh lar che chaw teq pa haq phehd vid tug lehd ma koz, mehz cox chehd che chaw teq pa mehz kawq mawag tug lehd ma koz, mar vid kud vid tug awg pun ngag haq pea lar che yaog. Awg khod-aq liz, su du deh che haq gha khanr che chaw teq pa haq pong vid tug lehd ma koz, Jawd mawd Ghig sa yawd ved chaw teq pa haq har kax vid tug, ca ga vid-ag che awg khuhq awg yand gag vehor, lehd koz mar vid tug yawd ngag haq pea lar che yaog,” lehd koz vid che yaog.

Yer suq yawd haq kawq yaw khuhq vid lehq koz che, “Liq phu khuhn che kheh koz buhq lar che yaog. Nawg ved Jawd mawd Ghig sa haq nawg a kor gha pi lehq, yawd ved kanx haq lehax nawg gha te che yaog,” lehd koz vid che yaog.

Yer suq yawd haq kawq khuhq vid lehq koz che, “Liq phu khuhn che kheh koz buhq lar che yaog. Chaw yad awr lehr, cad tug haq lehax te lehq a saq teq chehd che ma hez hawg,” lehd koz vid che yaog.

Yer suq Daq kehg che Awg ha phu yawd geh kha nehax chehd lehq, Yawd danr lawg lo tu lehq koeq tod che awg yand awg khuhn, Awg ha phu yawd haq sir ve lehq heh pir khuhn awg god khehz awg nar nuh teag lo ned haeg Sar tanr ber che haq gha khanr che yaog.

Yer suq kawq yaw khuhq lehq koz che, “Liq phu khuhn che kheh koz buhq lar che yaog. Nawg ved Jawd mawd Ghig sa haq nawg maq gha ber maq gha lawd hawg,” lehd koz lar che yaog.

Ned haeg Sar tanr awr lehr, yawd awg ceng gha lia caw ber ngawx lar haz lehq, yawd haq teq cuhx nehax ca phaw chehd lar lehq awg yand daq che haq law chehd che yaog.

Te pawz ned haeg Sar tanr awr lehr, yawd haq sir ve lehq muh kig lo kawq taez lehq mig gig khod-aq kha cawg che muhd mig awg gha lia haq teq per nehax maw vid lehq koz che, “Muhd mig che teq pa haq uq penr tug kand pax he lehq i hehd ve awg mig awg phond ngag nawg haq saw pear tug yaog. Awg ceng che ve teq pa ngag haq saw chid aq ax lar peg cheaq te lehq ngag kha pid gad che haq pid gha che yaog. Kheh te cheaq te lehq, nawg ngag haq a kor pia ver, awg ceng che ve teq pa nawg ved med nged lehax saw phehq vehr che yaog,” lehd koz vid che yaog. Yer suq yawd haq kawq yaw khuhq vid lehq koz che, “Liq phu khuhn che kheh koz buhq lar che yaog. Nawg ved Jawd mawd Ghig sa haq nawg a kor gha pi lehq, yawd ved kanx haq lehax nawg gha te che yaog,” lehd koz vid che yaog.

Te pawz ned haeg Sar tanr awr lehr, yawd haq Yer ruq sar lehnr med khuhn cawg che bon yehg nux thag lo sir teh lar lehq koz vid che, “Nawg awg cehg mag Ghig sa ve Yad phu awg lehd koz ver, chuhr huh pawz kha pe ngawx lehd koz vid che yaog. Awg lawn ghod ver, Liq phu khuhn che kheh koz buhq lar che yaog. Nawg haq haq sax tug awg pun, yawd ved muhd nuh maq cuh yad teq pa haq yawd cuh vid lar che yaog. Nawg ved khi kud huhx meh haq maq gha yaw vid tug muhd nuh maq cuh yad teq pa nawg haq law haq yug vehr lawg,” lehd koz vid che yaog. Yer suq kawq yaw khuhq lehq koz che, “Liq phu khuhn che kheh koz buhq lar che yaog. Nawg ved Jawd mawd Ghig sa haq nawg maq gha ber maq gha lawd hawg,” lehd koz lar che yaog.