KADIBILANGAN 13 मधील लोकप्रिय बायबल वचने

सामायिक करा

Attu iato napabatta’mi Kaleb tu bangsa iato dio olona Musa sia ma’kada nakua: Melo ke ke’de’ki’ lako, da tamataku’ sia la taala tapomana’i, belanna manassa la tatalo.

Sia kitiro duka dio tu to kalando kapua, iamotu bati’na Enak, tu sangbilangan to kalando kapua iato; na iatu kami susi bangkan to batik dio pentiroki sia dio pentirona tau iato mai.

Apa iatu muane nasisolan ma’kada nakua: Tae’ takullei lako tu bangsa iato, belanna mandu matoto’ ia na kita.

Napalele kadake dukami tu kareba dio lu to Israel diona tu tondok mangka naparessa sia ma’kada nakua: Iatu tondok mangka kiola lendu’ angki paressai, tondok iato unnampello’ to torro lan, sia iatu mintu’ to kitiro dio tu mandu malangka’.

Anna uleleanni lako sia ma’kada nakua: Rampomokan tama tondok, tu minii ussuakan male; manassa tonganna iatu tondok iato nanii sebo pangandu’ sia tani’ enoan, sia iamote tu bua kayunna.

Apa iatu bangsa umpa’tondokki tondok iato matoto’ sia iatu mai kotana ditambakuku sia mandu kapua, sia kitiro duka dio tu mai bati’na Enak.

Iatu Padang lo’na lu nanii ma’tondok to Amalek, iatu padang ma’buntunna nanii ma’tondok to Het, to Yebus sia to Amori, nadio ma’biring tasikna sia dio randan salu Yordan nanii to Kanaan.

Ke’de’mi tu tau male anna pellambi’i tu Musa sola Harun sia mintu’ kasirampunanna to Israel dio Kadesh, lan padang pangallaran Paran, anna parampoi tu kareba lako mintu’ kasirampunan sia napa’petiroan tu bua kayu nabaa dio mai tondok iato.