Nyungwe NT Gen Ex Mozambique 2019 (DBL 2019)

ciNyungwe Bibliya

<div class="version vid2347 iso6393nyu" data-vid="2347" data-iso6393="nyu">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Jezu patsogolo pa Pirato</div><div class="p"> 1Ndipo gulu lentse lidalamuka liciyenda na Jezu kuna Pirato. 2Ndipo iwo adayamba kumunamizira aciti: &#8220;Munthuyu tidamugumana acimbapumpsa wanthu kuti asandulukire dziko lathu. Iye alikuwaletsa kupima mtsonkho kuna Seza ndipo Iye caiye alikulewa kuti ni Krixtu, Mambo&#8221;.</div><div class="p"> 3Ndipo Pirato adabvundza Jezu kuti: &#8220;Kodi iwepo ndiwe mambo wa aJuda?&#8221;</div><div class="p">Tsono Jezu adamutawira aciti: &#8220;Iwepo ndiwe wabzirewa&#8221;.</div><div class="p"> 4Pamwepo Pirato adauza akulu wa azibaba wa ntsembe na mthithi wa wanthu kuti: &#8220;Ndiri kuwona lini thangwe ra kum'pasa mulandu munthuyu&#8221;.</div><div class="p"> 5Tsono iwo akhangingimira acimbati: &#8220;Iye alikupumpsa mbumba yentse ya muJudeya na pfundziso lace. Adayambira kuGalireya mpaka kufika kuno&#8221;.</div><div class="p"> 6Pomwe Pirato adabva bzimwebzo, adabvundza kuti penu Jezu akhali wa kuGalireya. 7Pomwe adadziwa kuti akhali wa kudziko lomwe likhatongedwa na Herodi, adamutumiza kuna Herodi omwe akhalimbo kuJerusalema panthawe imweyo.</div><div class="p"> 8Pomwe Herodi adawona Jezu, adakondwa kwene-kwene, thangwe pakhadapita nthawe itali akhabva mbiri yace akhafuna kumuwona. Ndipo akhadikhira kuti amuwona alikucita bzidabwiso. 9Iye adamupasa mibvundzo mizinji, tsono Jezu alibe kumutawira. 10Ndipo akulu wa azibaba wa ntsembe na adziwi wa Mtemo akhali pamwepo, acimbamupasa mulandu mwa mphambvu. 11Pamwepo Herodi na acikunda wace adamunyoza ndipo akhambamuseka. Adamubvazika cakubvala ca umambo acimubwezera kuna Pirato. 12Herodi na Pirato omwe akhabverana lini, pantsiku imweyo adayamba kuxamwalizana.</div><div class="p"> 13Ndipo Pirato adatsonkhanisa akulu wa azibaba wa ntsembe, atongi na mbumba, 14aciwauza kuti: &#8220;Imwepo mwandibweresera munthuyu ninga wakupumpsa mbumba. Tsono ine ndamupasa mibvundzo patsogolo panu ndipo ndiribe kuwona pakuyambira kuti ndimupase mulandu omwe mulikumupasa. 15Napombo Herodi, ndipopo iye adamubwezera kuna ife. Ninga momwe mulikuwoneramu, Iye alibe kucita na cinthuco comwe cingacitise kuti aphedwe. 16Na tenepo, ine nin'dzamupasa nyathwa ndikamala ndicimuleka aciyenda&#8221;. 17Ndipo Piratoyo bzikhafunika kuti awatsudzulire wam'kawoko m'bodzi panthawe ya cikondwereso.</div><div class="p"> 18Ndipo wanthu wentsene wale adakuwa kabodzi na kabodzi adati: &#8220;Mumalizeni umweyo! Titsudzulireni Barabasi!&#8221; 19Tsono Barabasiyo akhali m'kawoko na thangwe ra kunyosa phiringu mumzinda na kupha wanthu.</div><div class="p"> 20Pirato pakufuna kuti atsudzule Jezu, adayenda pomwe kuna iwo. 21Tsono iwo adapitiriza kukuwa aciti: &#8220;Mukhomerereni! Mukhomerereni!&#8221;</div><div class="p"> 22Ndipo kacitatu iye adawabvundza kuti: &#8220;Thangwe ranyi? Ni cakuipa canyi comwe wacita munthuyu? Ndiribe kuwona thangwe lomwe lingacitise kuti aphedwe. Ndinimupasa nyathwa, ndicimuleka aciyenda&#8221;.</div><div class="p"> 23Tsono iwo akhakumbira mwakungingimira, na kukuwa kwa mphambvu, kuti Iye akhomereredwe. Ndipo kukuwa kwawo kukhapitiriza. 24Pamwepo Pirato adabvuma kucita bzomwe iwo akhakumbirabzo. 25Adatsudzula munthu omwe akhadaikhidwa m'kawoko na thangwe ra kunyosa phiringu na kupha wanthu, ule omwe iwo akhadakumbira, ndipo adapereka Jezu ninga bzomwe iwo akhafuna.</div><div class="s1">Bza kukhomeredwa kwa Jezu</div><div class="p"> 26Pomwe akhayenda naye, adaphata Simau wa kuSireni, omwe akhafika kucokera kumunda, ndipo adamutakulisa m'tanda kuti atewere nawo Jezu. 27Ndipo mthithi ukulu wa wanthu ukhamutewera, kuphatanidza na akazi omwe akhamenya pacifuwa acimbadandaula na kulira thangwe ra Iye. 28Jezu adaceuka aciwauza kuti: &#8220;Wana wacikazi wa kuJerusalema, lekani kulira Ine. Bzirireni mwekha imwepo na wana wanu! 29Nakuti ntsiku zidzafika zakuti imwepo mun'dzalewa kuti: &#8216;Wakusimbidwa ni omwe anibala lini, na nthumbo zomwe zikanati kubala ndipo na masuku yomwe yakanati kumamisa!&#8217;</div><div class="p"> 30&#8220; &#8216;Pantsiku imweyo,</div><div class="b"></div><div class="q1">&#8220; &#8216;an'dzauza mapiri kuti:</div><div class="q2">&#8220;Tigwereni!&#8221;</div><div class="q1">Ndipo tumapiri kuti: &#8220;Timpsinkheni!&#8221; &#8217;.</div><div class="b"></div><div class="m"> 31Nakuti, penu alikucita bzimwebzi kuna muti uwisi, kodi kuna muti wakuuma ndiye tani tsono?&#8221;</div><div class="p"> 32Ndipo amuna anango awiri, omwe akhali akambowa, adatengewambo pabodzi na Jezu, kuti akaphedwe. 33Pomwe adafika pambuto yomwe ikhacemeredwa Nkhadzi, adakhomerera Jezu pabodzi na akambowa pamwepo, m'bodzi kuboko ladidi winango ladzere. 34Ndipo Jezu adalewa kuti: &#8220;Baba, alekerereni nakuti iwo an'dziwa lini bzomwe alikucita&#8221;. Pamwepo iwo adagawana bzakubvala bzace mwakucita mayere.</div><div class="p"> 35Mbumba ikhawona, ndipo atongi akhamunyoza acimbalewa kuti: &#8220;Adapulumusa anango, bzipulumuse iwe wekha penu ndiwe Krixtu wa Mulungu, Wakusankhulidwa&#8221;.</div><div class="p"> 36Acikunda adafenderambo pana Iye, acimunyozambo. Adamupasa vinagre, 37acimbalewa kuti: &#8220;Penu iwepo ndiwe mambo wa aJuda, bzipulumuse wekha&#8221;.</div><div class="p"> 38Ndipo padzulu pamtanda wace pakhana tsamba lomwe likhadanembedwa kuti: Uyu ni Mambo wa aJuda.</div><div class="p"> 39Ndipo m'bodzi wa akambowa omwe akhadakhomereredwambo akhatukwana Jezu kuti: &#8220;Kodi iwepo ndiwe lini Krixtu? Bzipulumuse wekha na ifembo!&#8221;.</div><div class="p"> 40Tsono kambowa winangoyo adamutsimula, adati: &#8220;Kodi iwepo ulibe mantha na Mulungu, napo Iye acipasidwa nyathwa ibodzi-bodzi na ife? 41Ife-pano tapasidwa nyathwa yakuthemera na bzomwe tacita. Tsono munthuyu alibe kucita cinthu cakuipa&#8221;.</div><div class="p"> 42Pamwepo iye adati: &#8220;Jezu, mundikumbukirembo mukapita muUmbambo bwanu&#8221;. 43Jezu adamutawira kuti: &#8220;Ine nin'kutsimikizira kuti: Lero iwepo un'kakhala na ine kuParaizo&#8221;.</div><div class="s1">Impfa ya Jezu</div><div class="p"> 44Tsono ikhali pafupi-fupi kukwana kati-na-kati ya masikati, ndipo m'dima udampsinkha dziko lentse la pantsi mpaka nthawe zitatu za kumaulo. 45Dzuwa lidaleka kugaka, ndipo nguwo yakugwatisira M'nyumba ya Mulungu idang'ambika pakati-na-kati. 46Pamwepo Jezu adakuwa kwene-kwene aciti: &#8220;Baba, ndiri kupereka mzimu wangu m'manja mwanu&#8221;. Atamala kulewa bzimwebzo, adafa.</div><div class="p"> 47Pomwe mkulu wa gulu la acikunda wa ciRoma adawona bzomwe bzidacitika, adatumbiza Mulungu adati: &#8220;Cadidi-letu munthuyu akhali wakulungama&#8221;. 48Ndipo mbumba yentse yomwe ikhadatsonkhana kuti iwone bzomwe bzikhacitika, pomwe idawona bzimwebzo idayamba kubzimenya pacifuwa ndipo icimbafundukira. 49Tsono wentse omwe akhamudziwa, kuphatanidza na akazi omwe akhadamutewera kuyambira kuGalireya adaima kutali, acimbawona bzikhacitikabzo.</div><div class="s1">Kupendesedwa kwa Jezu</div><div class="p"> 50Pakhana mwamuna m'bodzi omwe akhacemeredwa Zuze, omwe akhali m'bodzi wa gulu likulu la Ajuda, mwamuna wabwino ndipo wakulungama, 51omwe akhalibe kubvuma katongedwe kawo napo kubverana na bzakucita bza anango. Ndipo iye akhali wa kuArimateya, mzinda wa aJuda, ndipo akhadikhira Umambo bwa Mulungu. 52Adayenda kukakumbira citanda ca Jezu kuna Pirato. 53Pamwepo, iye adacibulusa citandaco acicifunyizira panguwo icena ndipo adakacipendesa pathenje lomwe likhanati kuikhidwa kale munthu. 54Ndipo ikhali ntsiku yakukondzekera ndipo kukhali kuyamba kwa Sabudu.</div><div class="p"> 55Akazi omwe akhadaperekeza Jezu kucokera kuGalireya, adatewera Zuze, ndipo adawona thenje na momwe citanda ca Jezu cidaikhidwa mumwemo. 56Patsogolo pace, adabwerera kumui acikakondzekera mafuta ya kununchira yakudzoza. Ndipo adapuma paSabudu, mwakuteweza langizo.</div>
 </div>
 </div>
</div>

Ndipo gulu lentse lidalamuka liciyenda na Jezu kuna Pirato. Ndipo iwo adayamba kumunamizira aciti: “Munthuyu tidamugumana acimbapumpsa wanthu kuti asandulukire dziko lathu. Iye alikuwaletsa kupima mtsonkho kuna Seza ndipo Iye caiye alikulewa kuti ni Krixtu, Mambo”.
Ndipo Pirato adabvundza Jezu kuti: “Kodi iwepo ndiwe mambo wa aJuda?”
Tsono Jezu adamutawira aciti: “Iwepo ndiwe wabzirewa”.
Pamwepo Pirato adauza akulu wa azibaba wa ntsembe na mthithi wa wanthu kuti: “Ndiri kuwona lini thangwe ra kum'pasa mulandu munthuyu”.
Tsono iwo akhangingimira acimbati: “Iye alikupumpsa mbumba yentse ya muJudeya na pfundziso lace. Adayambira kuGalireya mpaka kufika kuno”.
Pomwe Pirato adabva bzimwebzo, adabvundza kuti penu Jezu akhali wa kuGalireya. Pomwe adadziwa kuti akhali wa kudziko lomwe likhatongedwa na Herodi, adamutumiza kuna Herodi omwe akhalimbo kuJerusalema panthawe imweyo.
Pomwe Herodi adawona Jezu, adakondwa kwene-kwene, thangwe pakhadapita nthawe itali akhabva mbiri yace akhafuna kumuwona. Ndipo akhadikhira kuti amuwona alikucita bzidabwiso. Iye adamupasa mibvundzo mizinji, tsono Jezu alibe kumutawira. Ndipo akulu wa azibaba wa ntsembe na adziwi wa Mtemo akhali pamwepo, acimbamupasa mulandu mwa mphambvu. Pamwepo Herodi na acikunda wace adamunyoza ndipo akhambamuseka. Adamubvazika cakubvala ca umambo acimubwezera kuna Pirato. Herodi na Pirato omwe akhabverana lini, pantsiku imweyo adayamba kuxamwalizana.
Ndipo Pirato adatsonkhanisa akulu wa azibaba wa ntsembe, atongi na mbumba, aciwauza kuti: “Imwepo mwandibweresera munthuyu ninga wakupumpsa mbumba. Tsono ine ndamupasa mibvundzo patsogolo panu ndipo ndiribe kuwona pakuyambira kuti ndimupase mulandu omwe mulikumupasa. Napombo Herodi, ndipopo iye adamubwezera kuna ife. Ninga momwe mulikuwoneramu, Iye alibe kucita na cinthuco comwe cingacitise kuti aphedwe. Na tenepo, ine nin'dzamupasa nyathwa ndikamala ndicimuleka aciyenda”. Ndipo Piratoyo bzikhafunika kuti awatsudzulire wam'kawoko m'bodzi panthawe ya cikondwereso.
Ndipo wanthu wentsene wale adakuwa kabodzi na kabodzi adati: “Mumalizeni umweyo! Titsudzulireni Barabasi!” Tsono Barabasiyo akhali m'kawoko na thangwe ra kunyosa phiringu mumzinda na kupha wanthu.
Pirato pakufuna kuti atsudzule Jezu, adayenda pomwe kuna iwo. Tsono iwo adapitiriza kukuwa aciti: “Mukhomerereni! Mukhomerereni!”
Ndipo kacitatu iye adawabvundza kuti: “Thangwe ranyi? Ni cakuipa canyi comwe wacita munthuyu? Ndiribe kuwona thangwe lomwe lingacitise kuti aphedwe. Ndinimupasa nyathwa, ndicimuleka aciyenda”.
Tsono iwo akhakumbira mwakungingimira, na kukuwa kwa mphambvu, kuti Iye akhomereredwe. Ndipo kukuwa kwawo kukhapitiriza. Pamwepo Pirato adabvuma kucita bzomwe iwo akhakumbirabzo. Adatsudzula munthu omwe akhadaikhidwa m'kawoko na thangwe ra kunyosa phiringu na kupha wanthu, ule omwe iwo akhadakumbira, ndipo adapereka Jezu ninga bzomwe iwo akhafuna.

Pomwe akhayenda naye, adaphata Simau wa kuSireni, omwe akhafika kucokera kumunda, ndipo adamutakulisa m'tanda kuti atewere nawo Jezu. Ndipo mthithi ukulu wa wanthu ukhamutewera, kuphatanidza na akazi omwe akhamenya pacifuwa acimbadandaula na kulira thangwe ra Iye. Jezu adaceuka aciwauza kuti: “Wana wacikazi wa kuJerusalema, lekani kulira Ine. Bzirireni mwekha imwepo na wana wanu! Nakuti ntsiku zidzafika zakuti imwepo mun'dzalewa kuti: ‘Wakusimbidwa ni omwe anibala lini, na nthumbo zomwe zikanati kubala ndipo na masuku yomwe yakanati kumamisa!’
“ ‘Pantsiku imweyo,

“ ‘an'dzauza mapiri kuti:
“Tigwereni!”
Ndipo tumapiri kuti: “Timpsinkheni!” ’.

Nakuti, penu alikucita bzimwebzi kuna muti uwisi, kodi kuna muti wakuuma ndiye tani tsono?”
Ndipo amuna anango awiri, omwe akhali akambowa, adatengewambo pabodzi na Jezu, kuti akaphedwe. Pomwe adafika pambuto yomwe ikhacemeredwa Nkhadzi, adakhomerera Jezu pabodzi na akambowa pamwepo, m'bodzi kuboko ladidi winango ladzere. Ndipo Jezu adalewa kuti: “Baba, alekerereni nakuti iwo an'dziwa lini bzomwe alikucita”. Pamwepo iwo adagawana bzakubvala bzace mwakucita mayere.
Mbumba ikhawona, ndipo atongi akhamunyoza acimbalewa kuti: “Adapulumusa anango, bzipulumuse iwe wekha penu ndiwe Krixtu wa Mulungu, Wakusankhulidwa”.
Acikunda adafenderambo pana Iye, acimunyozambo. Adamupasa vinagre, acimbalewa kuti: “Penu iwepo ndiwe mambo wa aJuda, bzipulumuse wekha”.
Ndipo padzulu pamtanda wace pakhana tsamba lomwe likhadanembedwa kuti: UYU NI MAMBO WA aJUDA.
Ndipo m'bodzi wa akambowa omwe akhadakhomereredwambo akhatukwana Jezu kuti: “Kodi iwepo ndiwe lini Krixtu? Bzipulumuse wekha na ifembo!”.
Tsono kambowa winangoyo adamutsimula, adati: “Kodi iwepo ulibe mantha na Mulungu, napo Iye acipasidwa nyathwa ibodzi-bodzi na ife? Ife-pano tapasidwa nyathwa yakuthemera na bzomwe tacita. Tsono munthuyu alibe kucita cinthu cakuipa”.
Pamwepo iye adati: “Jezu, mundikumbukirembo mukapita muUmbambo bwanu”. Jezu adamutawira kuti: “Ine nin'kutsimikizira kuti: Lero iwepo un'kakhala na ine kuParaizo”.

Tsono ikhali pafupi-fupi kukwana kati-na-kati ya masikati, ndipo m'dima udampsinkha dziko lentse la pantsi mpaka nthawe zitatu za kumaulo. Dzuwa lidaleka kugaka, ndipo nguwo yakugwatisira M'nyumba ya Mulungu idang'ambika pakati-na-kati. Pamwepo Jezu adakuwa kwene-kwene aciti: “Baba, ndiri kupereka mzimu wangu m'manja mwanu”. Atamala kulewa bzimwebzo, adafa.
Pomwe mkulu wa gulu la acikunda wa ciRoma adawona bzomwe bzidacitika, adatumbiza Mulungu adati: “Cadidi-letu munthuyu akhali wakulungama”. Ndipo mbumba yentse yomwe ikhadatsonkhana kuti iwone bzomwe bzikhacitika, pomwe idawona bzimwebzo idayamba kubzimenya pacifuwa ndipo icimbafundukira. Tsono wentse omwe akhamudziwa, kuphatanidza na akazi omwe akhadamutewera kuyambira kuGalireya adaima kutali, acimbawona bzikhacitikabzo.

Pakhana mwamuna m'bodzi omwe akhacemeredwa Zuze, omwe akhali m'bodzi wa gulu likulu la Ajuda, mwamuna wabwino ndipo wakulungama, omwe akhalibe kubvuma katongedwe kawo napo kubverana na bzakucita bza anango. Ndipo iye akhali wa kuArimateya, mzinda wa aJuda, ndipo akhadikhira Umambo bwa Mulungu. Adayenda kukakumbira citanda ca Jezu kuna Pirato. Pamwepo, iye adacibulusa citandaco acicifunyizira panguwo icena ndipo adakacipendesa pathenje lomwe likhanati kuikhidwa kale munthu. Ndipo ikhali ntsiku yakukondzekera ndipo kukhali kuyamba kwa Sabudu.
Akazi omwe akhadaperekeza Jezu kucokera kuGalireya, adatewera Zuze, ndipo adawona thenje na momwe citanda ca Jezu cidaikhidwa mumwemo. Patsogolo pace, adabwerera kumui acikakondzekera mafuta ya kununchira yakudzoza. Ndipo adapuma paSabudu, mwakuteweza langizo.

ऐका Luka 23