Matyu 14
14
Herot Antipas nug Layattak Jon baag otaɗom
1Haen amuppa Herot Antipas nug Jesus onig binag ele doyom. 2Doya amu nuhikkud maɗi nid amelagppa aum. “Danab amuam Layattak Jon mauhowa, eɗua hibaittom amunu, kobol danab hekkunu elele iittanu ɠagattag okkai okkai amu nuhigppa bette,” awa aum.
3-4Amunu diig am Herot, Pilip ele, aa eamag, amu Herot nug Pilip wau Herodias aɗitta awe, Jon nug Herot amegppa aum. “Na nug wau aome, amuppa na ɗo tippalme, kobol amuam ena iitta,” awa aum. Nug anam awa attom amunu, Herot nug Jon hippala, maniguittakppa meum. 5Amu nug Jon qeeb mauhkkunu heum, amge nug danab ah dilag baɗom. Aɗinu? Danab ah ag Jonnu, “Nug am Kayaknu propet,” aon appig.
6Anam dayom, amge Herotnu menuak deɗppa, Herodias aɗeg ɗo danab kuɗum noolagppa ahi goɗe, Herot nug ittag qeum 7amunu, nug nai ɠagattag qetta ana, nug nid ahin keeke aɗi laa aokkunu ab amu medakkununab aum. 8Nid ahin amu anig nug dabmak mettom amunu nug aum. “Na Layattak Jon baag otaɗna, ikki tappiɗppa mena, haen imuppa meɗakkut,” awa aum. 9Nid ahin nug anam a amu King Herot nug oo uug nau ele dayom, amge nug tatam nai ɠagattag qetta aawo, ɗo danab ag nug ele ee lappig amu, ag ele nai amu dooppig amunu nug aum. “Layattak Jon ikki tappiɗppa mena, aon dona metteg!” awa aum. 10Nug anam ana amu nug he, maɗi nid laa nug ukka, maniguittakppa appa Jon baag otaɗom. 11Baag otaɗa, nug ikki tappiɗppa ma, nid ahin mettom. Nid ahin mette amu, nid ahin nug awa ukka, anig mettom. 12Layattak Jonnu ippunittak awak danab ag nai doona uɗin, Jon gaɗa aon gona boumppig. Ippunittak awak danab ag Jon boumona, ag gona Jesus amegppa appig.
Jesus danab 5,000 ee mattom
13Haen Jesus nai amu doya amu, Nug aben amu uua, uub awa, aben danab ii daatteb, appa gokkunu ukkom. Nug anam ugekke amu, danab ah kuɗumnab ag nai doona, ag aab laalappanu ahan, Jesus ugekke, ag baelagppa Nug dim lamidna goppig. 14Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.
15Bappalatte, tueb mekkunu he, nuhig ippunittak awak danab ag Jesus gumidna dona amegppa appig. “Laih imuam aben danab ii daatteb. Aam ele ukka notte amunu, danab ah kuɗumnab imu amelagppa appe, ag aabaab gona, ee daden mena laig!” aon appig. 16Ippunittak awak danab ag anam aeg amu, Jesus Nug aum. “Aɗinu da appi gokkulagnu atteb? Ag ee madappeg laig!” awa aum. 17Nug anam a amu, ag amegppa appig. “Amge ig ippa ee kuɗum laa iitta, bret kunum tanig ele, amu kakai aɗit eleib daatteb,” aon appig. 18Anam aeg amu, Nug aum. “Akkan dona, da meɗeg!” awa aum. 19Ana amu, Nug danab ah amelagppa, “Ag gikkiɗahppa dayeg!” awona, Nug bret tanig ele, kakai aɗit ele amu diia aɗa, Nug hab attan neekkakka, Kayak amegppa, “Ena hen mekkame,” awa aum. Anam hewowa amu, Nug bret pane ne, ippunittak awak danab matte, ippunittak awak danab ag diin panin, danab ah madappig. 20Mattaeg, danab ah oh ag laeg, oolag dittie, ee big dayom amu, ippunittak awak danab ag aon, kaleg 12 inaeg, ambeum. 21Danab ee lappig ele am ebqak 5,000 anam. Ah nid naunau ele am ebqak amu ooppa ii daatteb, danabib ebaqappig.
Jesus Nug baegppa le qaɗeppa tappa ukkom
22Ag ee lana malaeg, Jesus paha Nug nuhikkud ippunittak awak danab amelagppa aum. “Da danab ah kuɗum imu oh qatiglagnu abippi, ag ahan uubppa tena, Galili le ameg mataɗna, laih ukkeg!” awa aum. 23Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug nukka unuqidkkunu qaukoppa nakok ta dayom. Ta dayeye, aam no, amu Nug nukka qauko amuppa dayom. 24Qaukoppa dayeye amu, uub ukka, le amegppa wan uma dayomppa wa, ulah naɗi uub gotteppanu uɗia heum amunu, duban uub qeum.
25Anam he ukke, buttuanab 3 kilok ukka 6 kilok batak, haen gamag amuppa Jesus le qaɗeppa tappa, nuhikkud ippunittak awak danab gumatta ukkom. 26Haen ippunittak awak danab ag Jesus le qaɗeppa tappa uɗieye anidna amu, ag baɗak eheɗ nau doon, “Umu am dottog,” ana, oolag baɗe huanak eppig. 27Huanak eppig, amge Jesus Nug pahanab amelagppa aum. “Ag ɠagattag dayeg! Ag aib baɗappig. Imu daib,” awa aum. 28Jesus anam a amu, Pita nug Jesus oɗeppa awa, inam aum. “Naɗi, genab am na, na aakku daattem dayeb na appe, da uub uuen, na gumitte wakkul,” awa aum. 29Pita anam a amu, Jesus aum. “Na do!” awa aum. Nug anam a, Pita nug uub uua noa, le qaɗeppa tappa ukka, Jesus nakok gumitta gokkunu waum. 30Nug anam wanana amu, ulah huanak heehe antta baɗa, le ooppa nokkunu ha, Jesus onigppa ewa aum. “Naɗi, na da ehaniɗe!” awa eum. 31Pita anam a amu, pahanab Jesus eppeg bahia, Pita aɗa, amegppa aum. “Na ootppa genab nakokib doottem. Aɗinu na dabmak aɗit ele?” 32Jesus Nug anam Pita amegppa a, haen aa uub attan oolya tepiɗ amu, ulah toettom. 33Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig. 34Jesus nuhikkud ele ag uub attan gona, le ameg mataɗona, Genesaret ihippa eeɗna teppig. 35Eeɗna teeg amu, danab appanu ag Jesus anidna, ag Nug dooppig amunu, ag nai meeg, aab taliliak amu ohppa ukke doona, ag oɗe danab oh diin, Jesus toppa uɗippig. 36Uɗina ag oɗe danab Jesusnu lamen elab daugib aɗaglagnu unuqppig. Unuqeg, danab ag anam heppig ele, ag oh beɗulag ena dayom.
നിലവിൽ തിരഞ്ഞെടുത്തിരിക്കുന്നു:
Matyu 14: NB
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.
Matyu 14
14
Herot Antipas nug Layattak Jon baag otaɗom
1Haen amuppa Herot Antipas nug Jesus onig binag ele doyom. 2Doya amu nuhikkud maɗi nid amelagppa aum. “Danab amuam Layattak Jon mauhowa, eɗua hibaittom amunu, kobol danab hekkunu elele iittanu ɠagattag okkai okkai amu nuhigppa bette,” awa aum.
3-4Amunu diig am Herot, Pilip ele, aa eamag, amu Herot nug Pilip wau Herodias aɗitta awe, Jon nug Herot amegppa aum. “Na nug wau aome, amuppa na ɗo tippalme, kobol amuam ena iitta,” awa aum. Nug anam awa attom amunu, Herot nug Jon hippala, maniguittakppa meum. 5Amu nug Jon qeeb mauhkkunu heum, amge nug danab ah dilag baɗom. Aɗinu? Danab ah ag Jonnu, “Nug am Kayaknu propet,” aon appig.
6Anam dayom, amge Herotnu menuak deɗppa, Herodias aɗeg ɗo danab kuɗum noolagppa ahi goɗe, Herot nug ittag qeum 7amunu, nug nai ɠagattag qetta ana, nug nid ahin keeke aɗi laa aokkunu ab amu medakkununab aum. 8Nid ahin amu anig nug dabmak mettom amunu nug aum. “Na Layattak Jon baag otaɗna, ikki tappiɗppa mena, haen imuppa meɗakkut,” awa aum. 9Nid ahin nug anam a amu King Herot nug oo uug nau ele dayom, amge nug tatam nai ɠagattag qetta aawo, ɗo danab ag nug ele ee lappig amu, ag ele nai amu dooppig amunu nug aum. “Layattak Jon ikki tappiɗppa mena, aon dona metteg!” awa aum. 10Nug anam ana amu nug he, maɗi nid laa nug ukka, maniguittakppa appa Jon baag otaɗom. 11Baag otaɗa, nug ikki tappiɗppa ma, nid ahin mettom. Nid ahin mette amu, nid ahin nug awa ukka, anig mettom. 12Layattak Jonnu ippunittak awak danab ag nai doona uɗin, Jon gaɗa aon gona boumppig. Ippunittak awak danab ag Jon boumona, ag gona Jesus amegppa appig.
Jesus danab 5,000 ee mattom
13Haen Jesus nai amu doya amu, Nug aben amu uua, uub awa, aben danab ii daatteb, appa gokkunu ukkom. Nug anam ugekke amu, danab ah kuɗumnab ag nai doona, ag aab laalappanu ahan, Jesus ugekke, ag baelagppa Nug dim lamidna goppig. 14Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.
15Bappalatte, tueb mekkunu he, nuhig ippunittak awak danab ag Jesus gumidna dona amegppa appig. “Laih imuam aben danab ii daatteb. Aam ele ukka notte amunu, danab ah kuɗumnab imu amelagppa appe, ag aabaab gona, ee daden mena laig!” aon appig. 16Ippunittak awak danab ag anam aeg amu, Jesus Nug aum. “Aɗinu da appi gokkulagnu atteb? Ag ee madappeg laig!” awa aum. 17Nug anam a amu, ag amegppa appig. “Amge ig ippa ee kuɗum laa iitta, bret kunum tanig ele, amu kakai aɗit eleib daatteb,” aon appig. 18Anam aeg amu, Nug aum. “Akkan dona, da meɗeg!” awa aum. 19Ana amu, Nug danab ah amelagppa, “Ag gikkiɗahppa dayeg!” awona, Nug bret tanig ele, kakai aɗit ele amu diia aɗa, Nug hab attan neekkakka, Kayak amegppa, “Ena hen mekkame,” awa aum. Anam hewowa amu, Nug bret pane ne, ippunittak awak danab matte, ippunittak awak danab ag diin panin, danab ah madappig. 20Mattaeg, danab ah oh ag laeg, oolag dittie, ee big dayom amu, ippunittak awak danab ag aon, kaleg 12 inaeg, ambeum. 21Danab ee lappig ele am ebqak 5,000 anam. Ah nid naunau ele am ebqak amu ooppa ii daatteb, danabib ebaqappig.
Jesus Nug baegppa le qaɗeppa tappa ukkom
22Ag ee lana malaeg, Jesus paha Nug nuhikkud ippunittak awak danab amelagppa aum. “Da danab ah kuɗum imu oh qatiglagnu abippi, ag ahan uubppa tena, Galili le ameg mataɗna, laih ukkeg!” awa aum. 23Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug nukka unuqidkkunu qaukoppa nakok ta dayom. Ta dayeye, aam no, amu Nug nukka qauko amuppa dayom. 24Qaukoppa dayeye amu, uub ukka, le amegppa wan uma dayomppa wa, ulah naɗi uub gotteppanu uɗia heum amunu, duban uub qeum.
25Anam he ukke, buttuanab 3 kilok ukka 6 kilok batak, haen gamag amuppa Jesus le qaɗeppa tappa, nuhikkud ippunittak awak danab gumatta ukkom. 26Haen ippunittak awak danab ag Jesus le qaɗeppa tappa uɗieye anidna amu, ag baɗak eheɗ nau doon, “Umu am dottog,” ana, oolag baɗe huanak eppig. 27Huanak eppig, amge Jesus Nug pahanab amelagppa aum. “Ag ɠagattag dayeg! Ag aib baɗappig. Imu daib,” awa aum. 28Jesus anam a amu, Pita nug Jesus oɗeppa awa, inam aum. “Naɗi, genab am na, na aakku daattem dayeb na appe, da uub uuen, na gumitte wakkul,” awa aum. 29Pita anam a amu, Jesus aum. “Na do!” awa aum. Nug anam a, Pita nug uub uua noa, le qaɗeppa tappa ukka, Jesus nakok gumitta gokkunu waum. 30Nug anam wanana amu, ulah huanak heehe antta baɗa, le ooppa nokkunu ha, Jesus onigppa ewa aum. “Naɗi, na da ehaniɗe!” awa eum. 31Pita anam a amu, pahanab Jesus eppeg bahia, Pita aɗa, amegppa aum. “Na ootppa genab nakokib doottem. Aɗinu na dabmak aɗit ele?” 32Jesus Nug anam Pita amegppa a, haen aa uub attan oolya tepiɗ amu, ulah toettom. 33Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig. 34Jesus nuhikkud ele ag uub attan gona, le ameg mataɗona, Genesaret ihippa eeɗna teppig. 35Eeɗna teeg amu, danab appanu ag Jesus anidna, ag Nug dooppig amunu, ag nai meeg, aab taliliak amu ohppa ukke doona, ag oɗe danab oh diin, Jesus toppa uɗippig. 36Uɗina ag oɗe danab Jesusnu lamen elab daugib aɗaglagnu unuqppig. Unuqeg, danab ag anam heppig ele, ag oh beɗulag ena dayom.
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പകർത്തുക
താരതമ്യം
പങ്ക് വെക്കു
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© (Active), Wycliffe Bible Translators, Inc. All rights reserved.