Tihlabelelo 3

Umkhuleko wekuseni ngekwetsembela kuNkulunkulu

Sihlabelelo saDavide lasihlabela ngesikhatsi abalekela umsa wakhe Absalomu.

1 Maye, Simakadze,

setinyenti titsa tami!

Sebanyenti labo labangivukelako.

2 Banyenti lese bafakana imilomo ngami, batsi:

“Nkulunkulu angeke amsindzise.” Cabanga.

3 Kodvwa-ke wena, Simakadze,

ulihawu lami,

nebukhosi bami, uyangisimisa,

unginike sibindzi sekuncoba.

4 Ngelivi lami ngikhala kuSimakadze,

uyangiphendvula asentsabeni yakhe lengcwele. Cabanga.

5 Ngicambalele phansi

ngatunywa butfongo,

ngaphindze ngavuka,

ngobe Nkulunkulu uyangicinisa.

6 Bantfu angibesabi,

nome bangaba ngemashumi etinkhulungwane

labangivimbetele ndzawo tonkhe.

7 Vuka Simakadze,

ngisindzise, Nkulunkulu wami,

ngobe tonkhe titsa tami

utihlakaye imihlatsi,

wephula nematinyo alababi.

8 Insindziso ivela kuwe, Simakadze;

sibusiso sakho asibesesiveni sakho! Cabanga.

നിലവിൽ തിരഞ്ഞെടുത്തിരിക്കുന്നു:

Tihlabelelo 3: SWT

ഹൈലൈറ്റ് ചെയ്യുക

പകർത്തുക

താരതമ്യം

പങ്ക് വെക്കു

നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക

Siswati 1996 Bible നെക്കുറിച്ച് കൂടുതലറിയുക