San Lucas 6
6
Jesús icanantanipe naniwa trigo nawafetacarrua#6:1 Moisés idananda lricu lricaite pia nawafetatacarru sábado lricu nja irraelitanai. Currim nataita nadejĩca tsuu ljiadaa. lricu nja irraelitanai
(Mt 12:1-8; Mc 2:23-28)
1Apapia jalredauca nawafetacarrua lricu nja irraelitanai, Jesús jiyapawa trigoapji ricu. Njajĩ lricanantanipe naniwa njajĩ trigo#6:1 Trigo: Paniati curridalritsa wanje icapacana, mitsa lrirsuca lriinaca cayujĩ malritsishu, njite wittimi nja lriinaca iinaca, njite nacakjana nacapi ricu naiñjacarruna. 2Njite padapena nanakjuite nja fariseonai icapacape ljiajĩ nanaitjalri nja Jesús icanantanipe, nacu lrirsu:
—¿Cuada inaitja ljiajĩ curridalritsa pataita panaitjaca ljiada jalredaucaca ljiajĩ?
3Jesús shepana, lriacu narsu:
—¿Capja curricatua ilee Dios yacu nadananda lricu cuajĩ piaca David inaitjaca naapiya njajĩ lrikitsiñape caiwi capua narsu maawitacai? 4Lriewawa Dios iipana lricu njite lrimacuadata ljiajĩ Moisés idanandapia ljipacadanacu nja pan lriñjacarru naapiya nja lrikitsiñape lriinaipe, icamicadanapiatsa njajĩ sacerdotenai itaitalri iñjacana ima nacaitejicana Dios irsu.
5Njite lricaite pja narsu:
—Njua, Atsia Dios inakjuite-dalri, nutaita nucaiteca njajĩ inaiki cucaca pataita panaitjaca ajĩ pawafetacarrua lricu.
Jesús imatsieta apada atsia
(Mt 12:9-14; Mc 3:1-6)
6Apapia nawafetacarrua lricu, Jesús shewawa pada sinagoga lricu lricanantacarru. Nini pia aape atsia mamatsiacadalri icaapi atsialriema. 7Njite nja icanantacape Moisés idananda njite nja fariseonai nawapa nacapa Jesús imatsietacantjani ljiadaa, nataita carruntja nacaiteca lrimatsicana nacu.
8Mitsa Jesús, yaajĩntsa cuanca nawaopiaca, nini lriacu lrirsu ljiajĩ atsia mamatsiacadalri pia icapi pema:
—“Pjinicu piemao ajĩ napeculricu.”
Njite ljia atsia ljinicu lriemawa. 9Njite Jesús yacu narsu njajĩ paana icaitepecape matsi lrinacu:
—Nutatja inai pada yacuti: ¿Cucao ljiajĩ pataitalri panaitjaca ajĩ pawafetacarrua lricu: Panaitjaca matsia u panaitjaca maatsi? ¿Payumjetaca pada mayamicalri yuuya u paainuca inaiki?
10Njĩtedalri Jesús icapa naikjaolre pjiumi njajĩ yeemacape lriwaida nacu, njite lriacu lrirsu ljiajĩ atsia:
—Pipialjeta picapi mamatsiacakema.
—Lrinaitja cayu, njite icamitsa matsiaca lricapi. 11Mitsa nja paana icanantacape Moisés idananda njite nja fariseonai nacapacadanacu ljiajĩ lrinaitjalri jurre keerruacana, icamina nacaitiacawa cuancantja nanaitjaca Jesús ikjuete.
Jesús iniwana doceperri lricanantacalreo
(Mt 10:1-4; Mc 3:13-19)
12Apapiapia jalredauca, Jesús jirrawa apana jiipana nacu lritatja carru Dios iinai, nini depjite lritatjaca. 13Jaalrecadanacuena lriicao, lriwana njajĩ inaiki yaacape ljiapudam, njite lriniwana nanakjuite doce atsianai, njite lricada lrirsuperricarruna. 14Icatsa neepitanaca njajĩ: Simón, ljiajĩ Jesús icadalripia ipitanao Pedro; lriweeritsa Andrés; Santiago, Juan, Felipe, Bartolomé, 15Mateo, Tomás, Santiago, Alfeo yeenipe; Simón, ljiajĩ njanjirri pia tsakja Zelote#6:15 Zelote: Papucu inaiki nanakjuite nja irraelitanai yuumacapepia cuanca njenetacacawa talricanati romano yuuya inuacakjeti ricu. , 16Juda, Santiago#6:16 Santiago: Pafe ricu njajicani Jacobo. yeenipe, njite Juda Iscariote tsakja, ljiajĩ yaalri Jesús ikjuete nainai njajĩ jipundatacapeni.
Jesús icananta aima inaiki njite lrimatsietana irrenati yuuya
(Mt 4:23-25)
17Jesús yurrucu naapiya njajĩ lrirsu perri jiipana nakjuite pacuaca cawa naculje. Nawacaca niini jurre inaiki yaacape ljiapudam, njajĩ inucape jipai Judea lrikjuite, Jerusalén, nanu tsakja njajĩ yuufacape Tiro ricu njite Sidón ricupe tsakja njajĩ yacalre uni macapawan inumapipe yemawa. 18Nanu pia njemicarru Jesús icanantaca njite lrimatsietacarruna nayamikje yuuya tsakja. Matsia tsakja njajĩ inaiki icaoljeti matsiperri jirrapitetajĩ. 19Cayushupa pjiumi njajĩ inaiki nauma nanutaca Jesús idaki, lriuya capua lrimutua ljiajĩ itaitakjeti icadalri matsiacana, njite lrimatsieta pjiumina.
Ljiajĩ canacaidalri pja Dios yumalri panaitjaca
(Mt 5:1-12)
20Njite Jesús icapa naderse njajĩ yaacape ljiapudam, lriacu narsu: —"Catimaperrica shaa kjenaperritsa, ima iyaadaupeca ljiajĩ Dios italricanatacawa lricu.
21"Catimaperrica shaa caiwiperri irsu maawitacai panaya, ima kepinacautsa shaa.
"Catimaperrica shaa iiyacape panaya, ima currinatsautsa jirrapitacarruca.
22"Catimaperrica shaa inaiki imenatacadanacu shaa, njenita cadanacu shaa nauyawa, cacucadanacuna irsu yacuti matsidalrishu njite namacadawalreta cadanacu iipitana matsiperri capishuntja shaa, nuikjaote, njua, Atsia Dios inakjuitedalri. 23Nanaitjacada irsu matsi njajĩ inaiki, icatimatacawa pekirritsa imautsa Dios yaawatsa irsu icuadawa eenulriculje, ima njajĩ nanakjuite perri uupi cayupia tsakja nanaitjaca naapiya njajĩ inuparrutacape.
24"Mitsa, ¡Shaa canaaniperri, jirrapjitacautsa, ima icatimatakjeninawa!
25"¡Shaa manacaiperritsa irsucape iñjaoda panaya, jirrapitacautsa, curricapuenatsa irsu iñjaope!
"¡Shaa icaacape paanaya, jirrapitacautsa, ima iiyacautsa inunacalrishu!
26"Shaa, inaiki icaitepejĩ inacu matsia panaya, jirrapitacautsa, ima njajĩ nanakjuite perri uupi cayupia tsakja nanaitjaca naapiya njajĩ inuparrutacapem cashaperri".
Ipeyuca njajĩ jipundadatacape shaa
(Mt 5:38-48; 7:12)
27Njite Jesús icananta pjaana, lriacu narsu:
"Shaa jimicape nursu, ipeyu njajĩ jipundape, inaitja matsia narsu njajĩ jipundatacape shaa, 28imutueta yacuti matsiadalri narsu njajĩ matsi perritsa cacuca irsu, itatja Dios inai nanacu njajĩ icuitacape shaa yacuti mashidalrishu. 29Pada iñaacadaa picacuda nacu, picadaa tsakja lriñaa carru pema; pada jitacadaa pinacunda pitsayan nacu, picadaa tsakja lrisu pi camisan. 30Pada itatjacadaa pinai cucacatsan, pia lrisun, njite ljiajĩ jitacada piuya piyarru, matatjatsa lriinai lridieta carru pirsu. 31Inaitja matsia narsu njajĩ inaiki cayujĩ yuuma capishu nanaitjaca irsu.
32"Nja minicadatsa ipeyu njajĩ ipeyucapetsa shaa, ¿Cucao lrimatsiaca ljiajĩ inaitjalri? Ima cayu tsakja nanaitjaca njajĩ camatsicanaa-perri. 33Inaitja cadaa matsia narsu minitsa njajĩ inaitjacape irsu matsia, ¿Cucao lrimatsiaca ljiajĩ inaitjalri? Ima cayu tsakja naitjaca njajĩ camatsicanaa-perri. 34Yaa cadaa iyarru nakjuite narsutsa njajĩ itaitacapetsa idietaca irsu lricuadao tsenakja, ¿Cucao lrimatsiaca ljiajĩ inaitjalri? Ima cayu tsakja nanaitjaca njajĩ camatsicanaa-perri. 35Mitsa shaa, irsutsa ipeyuca njajĩ jipundape, inaitja matsia narsu. Yaatua narsu njajĩ yumacapetua inai cucacatsa iyaarru nakjuite njite mawapatsa nadieta irsu lricuadao. Inaitjacadaa cayu, Dios yaawatsa irsu icuadawa jurre pja, inaitja cadaa cayu iñjãta nashu ajãdalripe lrienipeca shaa ljiajĩ Dios yenunrse dalri pja pjiumi yuuya, ljiajĩ inaitjacada matsia narsu njajĩ inaiki matsipetsa njite njajĩ curriperritsa cuada narsu Dios. 36Kjenaa icapaca narsu, cayujĩ kjenaa capishu jinirri Dios icapaca irsu".
Macaitetsa pada imatsicana nacu imatsiketa carrutsani
(Mt 7:1-5)
37Jesús icaite tsakja, Lriacu: —"Macaitetsa pada imatsicana nacu imatsikjeta carrutsani, njite curriutsa cuca icaite imatsicana nacu namatsiketa carru shaa. Macaitetsa pada nacu ljirrapitacautsa lrimatsicana ima, njite curriutsa cuca icaite cayu catsakja shaa. Jiyapeta yuuyao ljiajĩ matsirri nanaitjalri irsu, njite currim tsacautsa cuadaca narsu ljiajĩ matsirri pinaitjalri. 38Capunca shaa apjetsida irsu, njite cayu tsacautsa Dios njite inaiki tsakja jimaoca shaa. Napakjantautsa itsacun capujĩda matsia njamau cadanacu pjia, ima cuancada pinaitjaca cayutsakjautsa Dios jimaoca pjia njite nja inaiki tsakja".
39Njite Jesús icaite narsu ljiajĩ pajĩshupa: —"¿Capja apada matjidalrim itaita ideeca apada matjidalrim tsakja? ¿Capjantja currica njewao yamadape irrirri ricu? 40Ljiajĩ icanantacacadatua currim ljia pjaca yaajĩ lriuya ljiajĩ icanantacadani: Mitsa lritaitacadaa ljiajĩ icanantakjeti lriajĩutsa cayutsajĩ lricayushu ljiajĩ icanantacadan.
41"¿Cuadao picapa ljiajĩ jaikjiwi tsuewitsa pikitsinda itji ricuda, curricadana picapa ljiajĩ jaicu macani piyada ricu? 42Curricada pitaita picapaca ljiajĩ jaicu macani pitji ricuda, ¿cuadadao mapaimantsa picaiteca pikitsinda irsu: “Nukitsindaa, picada njuta ljia jaikjiwi tsuiwi pitji yuuya?” ¡Pjia mikjapandalritsa! Pinita pjitaca ljia jaicu macane pitji yuuya, matsia carru picapaca pitaita carru pjitaca ljiajĩ jaikjiwi tsuiwi tsa pikitsinda itji yuuya".
Jesús icananta pajĩshupa aapana jaicu nacu lrinaca yaapiya.
(Mt 7:17-20; 12:34-35; Stg 3:11-12)
43Jesús icananta pjaana, lriacu narsu: —"Currim matsianica ljiajĩ jaicu maatsinitsa cainacaca, njite currim tsakja maatsinica ljiajĩ jaicu matsianitsa cainacaca. 44Nainacanacu pataita paajĩca cuanperrica njaji jaicu nauyawaca: Currim paniwa wayawada mayawina yuuya, currim tsakja paniwa camjerru adapi kemanaperri yuuya. 45Ljiajĩ atsia matsiadalri icaolre ricu lrimutueta yacuti matsiaperritsa ima matsiaperricatsa njajĩ lricaolre ricupe, njite ljiajĩ matsidalritsa icaolre ricu lrimutueta yacuti maatsiperritsa ima matsiperricatsa njajĩ lrirsulri lricaolre ricu, ima cucashu cadaa pakjami pacaolre icatsa njajĩ pamutuetalri panumalricu".
Jesús icananta pada pajĩshupa neemetacawa nacu nja yamadapama panti
(Mt 7:24-27)
46Jesús icananta pjaana, lriacu narsu: —"¿Cuada icaite “iminalrica njua,” curricadanatsa inaitja cayujĩ nucaite capishu? 47Nucaitekje irsu cuamperrishuca njajĩ inucape nuikjaolre, njemi nursu njite nanaitja tsakja cayujĩ nucaite capishu: 48Cayucani lricayushu ljiajĩ atsia jicacada lriipana ipjewa teewaca njite lripakjanta taimi jiipadashu. Cawapua cadanacu ljia uuni njite lritarracaca yamarrao kjaida panti naculje, mitsa currim lritaita lricananitacan ima matsiaca nemetacan. 49Mitsa ljiajĩ jimicada nursu njite currim lrinaitja cayujĩ nucaite capishu, cayucani lricayushu ljiajĩ atsia inaitjacada ipanawa caidacua lricutsa, cawapua cadanacu ljia uuni njite lritarraca yamarrao kjaida panti naculje, icamitsa lriipjeetani njite lrimatsica pjiumini".
നിലവിൽ തിരഞ്ഞെടുത്തിരിക്കുന്നു:
San Lucas 6: kpc
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2025 CLAN
© 2025 Seed Company
San Lucas 6
6
Jesús icanantanipe naniwa trigo nawafetacarrua#6:1 Moisés idananda lricu lricaite pia nawafetatacarru sábado lricu nja irraelitanai. Currim nataita nadejĩca tsuu ljiadaa. lricu nja irraelitanai
(Mt 12:1-8; Mc 2:23-28)
1Apapia jalredauca nawafetacarrua lricu nja irraelitanai, Jesús jiyapawa trigoapji ricu. Njajĩ lricanantanipe naniwa njajĩ trigo#6:1 Trigo: Paniati curridalritsa wanje icapacana, mitsa lrirsuca lriinaca cayujĩ malritsishu, njite wittimi nja lriinaca iinaca, njite nacakjana nacapi ricu naiñjacarruna. 2Njite padapena nanakjuite nja fariseonai icapacape ljiajĩ nanaitjalri nja Jesús icanantanipe, nacu lrirsu:
—¿Cuada inaitja ljiajĩ curridalritsa pataita panaitjaca ljiada jalredaucaca ljiajĩ?
3Jesús shepana, lriacu narsu:
—¿Capja curricatua ilee Dios yacu nadananda lricu cuajĩ piaca David inaitjaca naapiya njajĩ lrikitsiñape caiwi capua narsu maawitacai? 4Lriewawa Dios iipana lricu njite lrimacuadata ljiajĩ Moisés idanandapia ljipacadanacu nja pan lriñjacarru naapiya nja lrikitsiñape lriinaipe, icamicadanapiatsa njajĩ sacerdotenai itaitalri iñjacana ima nacaitejicana Dios irsu.
5Njite lricaite pja narsu:
—Njua, Atsia Dios inakjuite-dalri, nutaita nucaiteca njajĩ inaiki cucaca pataita panaitjaca ajĩ pawafetacarrua lricu.
Jesús imatsieta apada atsia
(Mt 12:9-14; Mc 3:1-6)
6Apapia nawafetacarrua lricu, Jesús shewawa pada sinagoga lricu lricanantacarru. Nini pia aape atsia mamatsiacadalri icaapi atsialriema. 7Njite nja icanantacape Moisés idananda njite nja fariseonai nawapa nacapa Jesús imatsietacantjani ljiadaa, nataita carruntja nacaiteca lrimatsicana nacu.
8Mitsa Jesús, yaajĩntsa cuanca nawaopiaca, nini lriacu lrirsu ljiajĩ atsia mamatsiacadalri pia icapi pema:
—“Pjinicu piemao ajĩ napeculricu.”
Njite ljia atsia ljinicu lriemawa. 9Njite Jesús yacu narsu njajĩ paana icaitepecape matsi lrinacu:
—Nutatja inai pada yacuti: ¿Cucao ljiajĩ pataitalri panaitjaca ajĩ pawafetacarrua lricu: Panaitjaca matsia u panaitjaca maatsi? ¿Payumjetaca pada mayamicalri yuuya u paainuca inaiki?
10Njĩtedalri Jesús icapa naikjaolre pjiumi njajĩ yeemacape lriwaida nacu, njite lriacu lrirsu ljiajĩ atsia:
—Pipialjeta picapi mamatsiacakema.
—Lrinaitja cayu, njite icamitsa matsiaca lricapi. 11Mitsa nja paana icanantacape Moisés idananda njite nja fariseonai nacapacadanacu ljiajĩ lrinaitjalri jurre keerruacana, icamina nacaitiacawa cuancantja nanaitjaca Jesús ikjuete.
Jesús iniwana doceperri lricanantacalreo
(Mt 10:1-4; Mc 3:13-19)
12Apapiapia jalredauca, Jesús jirrawa apana jiipana nacu lritatja carru Dios iinai, nini depjite lritatjaca. 13Jaalrecadanacuena lriicao, lriwana njajĩ inaiki yaacape ljiapudam, njite lriniwana nanakjuite doce atsianai, njite lricada lrirsuperricarruna. 14Icatsa neepitanaca njajĩ: Simón, ljiajĩ Jesús icadalripia ipitanao Pedro; lriweeritsa Andrés; Santiago, Juan, Felipe, Bartolomé, 15Mateo, Tomás, Santiago, Alfeo yeenipe; Simón, ljiajĩ njanjirri pia tsakja Zelote#6:15 Zelote: Papucu inaiki nanakjuite nja irraelitanai yuumacapepia cuanca njenetacacawa talricanati romano yuuya inuacakjeti ricu. , 16Juda, Santiago#6:16 Santiago: Pafe ricu njajicani Jacobo. yeenipe, njite Juda Iscariote tsakja, ljiajĩ yaalri Jesús ikjuete nainai njajĩ jipundatacapeni.
Jesús icananta aima inaiki njite lrimatsietana irrenati yuuya
(Mt 4:23-25)
17Jesús yurrucu naapiya njajĩ lrirsu perri jiipana nakjuite pacuaca cawa naculje. Nawacaca niini jurre inaiki yaacape ljiapudam, njajĩ inucape jipai Judea lrikjuite, Jerusalén, nanu tsakja njajĩ yuufacape Tiro ricu njite Sidón ricupe tsakja njajĩ yacalre uni macapawan inumapipe yemawa. 18Nanu pia njemicarru Jesús icanantaca njite lrimatsietacarruna nayamikje yuuya tsakja. Matsia tsakja njajĩ inaiki icaoljeti matsiperri jirrapitetajĩ. 19Cayushupa pjiumi njajĩ inaiki nauma nanutaca Jesús idaki, lriuya capua lrimutua ljiajĩ itaitakjeti icadalri matsiacana, njite lrimatsieta pjiumina.
Ljiajĩ canacaidalri pja Dios yumalri panaitjaca
(Mt 5:1-12)
20Njite Jesús icapa naderse njajĩ yaacape ljiapudam, lriacu narsu: —"Catimaperrica shaa kjenaperritsa, ima iyaadaupeca ljiajĩ Dios italricanatacawa lricu.
21"Catimaperrica shaa caiwiperri irsu maawitacai panaya, ima kepinacautsa shaa.
"Catimaperrica shaa iiyacape panaya, ima currinatsautsa jirrapitacarruca.
22"Catimaperrica shaa inaiki imenatacadanacu shaa, njenita cadanacu shaa nauyawa, cacucadanacuna irsu yacuti matsidalrishu njite namacadawalreta cadanacu iipitana matsiperri capishuntja shaa, nuikjaote, njua, Atsia Dios inakjuitedalri. 23Nanaitjacada irsu matsi njajĩ inaiki, icatimatacawa pekirritsa imautsa Dios yaawatsa irsu icuadawa eenulriculje, ima njajĩ nanakjuite perri uupi cayupia tsakja nanaitjaca naapiya njajĩ inuparrutacape.
24"Mitsa, ¡Shaa canaaniperri, jirrapjitacautsa, ima icatimatakjeninawa!
25"¡Shaa manacaiperritsa irsucape iñjaoda panaya, jirrapitacautsa, curricapuenatsa irsu iñjaope!
"¡Shaa icaacape paanaya, jirrapitacautsa, ima iiyacautsa inunacalrishu!
26"Shaa, inaiki icaitepejĩ inacu matsia panaya, jirrapitacautsa, ima njajĩ nanakjuite perri uupi cayupia tsakja nanaitjaca naapiya njajĩ inuparrutacapem cashaperri".
Ipeyuca njajĩ jipundadatacape shaa
(Mt 5:38-48; 7:12)
27Njite Jesús icananta pjaana, lriacu narsu:
"Shaa jimicape nursu, ipeyu njajĩ jipundape, inaitja matsia narsu njajĩ jipundatacape shaa, 28imutueta yacuti matsiadalri narsu njajĩ matsi perritsa cacuca irsu, itatja Dios inai nanacu njajĩ icuitacape shaa yacuti mashidalrishu. 29Pada iñaacadaa picacuda nacu, picadaa tsakja lriñaa carru pema; pada jitacadaa pinacunda pitsayan nacu, picadaa tsakja lrisu pi camisan. 30Pada itatjacadaa pinai cucacatsan, pia lrisun, njite ljiajĩ jitacada piuya piyarru, matatjatsa lriinai lridieta carru pirsu. 31Inaitja matsia narsu njajĩ inaiki cayujĩ yuuma capishu nanaitjaca irsu.
32"Nja minicadatsa ipeyu njajĩ ipeyucapetsa shaa, ¿Cucao lrimatsiaca ljiajĩ inaitjalri? Ima cayu tsakja nanaitjaca njajĩ camatsicanaa-perri. 33Inaitja cadaa matsia narsu minitsa njajĩ inaitjacape irsu matsia, ¿Cucao lrimatsiaca ljiajĩ inaitjalri? Ima cayu tsakja naitjaca njajĩ camatsicanaa-perri. 34Yaa cadaa iyarru nakjuite narsutsa njajĩ itaitacapetsa idietaca irsu lricuadao tsenakja, ¿Cucao lrimatsiaca ljiajĩ inaitjalri? Ima cayu tsakja nanaitjaca njajĩ camatsicanaa-perri. 35Mitsa shaa, irsutsa ipeyuca njajĩ jipundape, inaitja matsia narsu. Yaatua narsu njajĩ yumacapetua inai cucacatsa iyaarru nakjuite njite mawapatsa nadieta irsu lricuadao. Inaitjacadaa cayu, Dios yaawatsa irsu icuadawa jurre pja, inaitja cadaa cayu iñjãta nashu ajãdalripe lrienipeca shaa ljiajĩ Dios yenunrse dalri pja pjiumi yuuya, ljiajĩ inaitjacada matsia narsu njajĩ inaiki matsipetsa njite njajĩ curriperritsa cuada narsu Dios. 36Kjenaa icapaca narsu, cayujĩ kjenaa capishu jinirri Dios icapaca irsu".
Macaitetsa pada imatsicana nacu imatsiketa carrutsani
(Mt 7:1-5)
37Jesús icaite tsakja, Lriacu: —"Macaitetsa pada imatsicana nacu imatsikjeta carrutsani, njite curriutsa cuca icaite imatsicana nacu namatsiketa carru shaa. Macaitetsa pada nacu ljirrapitacautsa lrimatsicana ima, njite curriutsa cuca icaite cayu catsakja shaa. Jiyapeta yuuyao ljiajĩ matsirri nanaitjalri irsu, njite currim tsacautsa cuadaca narsu ljiajĩ matsirri pinaitjalri. 38Capunca shaa apjetsida irsu, njite cayu tsacautsa Dios njite inaiki tsakja jimaoca shaa. Napakjantautsa itsacun capujĩda matsia njamau cadanacu pjia, ima cuancada pinaitjaca cayutsakjautsa Dios jimaoca pjia njite nja inaiki tsakja".
39Njite Jesús icaite narsu ljiajĩ pajĩshupa: —"¿Capja apada matjidalrim itaita ideeca apada matjidalrim tsakja? ¿Capjantja currica njewao yamadape irrirri ricu? 40Ljiajĩ icanantacacadatua currim ljia pjaca yaajĩ lriuya ljiajĩ icanantacadani: Mitsa lritaitacadaa ljiajĩ icanantakjeti lriajĩutsa cayutsajĩ lricayushu ljiajĩ icanantacadan.
41"¿Cuadao picapa ljiajĩ jaikjiwi tsuewitsa pikitsinda itji ricuda, curricadana picapa ljiajĩ jaicu macani piyada ricu? 42Curricada pitaita picapaca ljiajĩ jaicu macani pitji ricuda, ¿cuadadao mapaimantsa picaiteca pikitsinda irsu: “Nukitsindaa, picada njuta ljia jaikjiwi tsuiwi pitji yuuya?” ¡Pjia mikjapandalritsa! Pinita pjitaca ljia jaicu macane pitji yuuya, matsia carru picapaca pitaita carru pjitaca ljiajĩ jaikjiwi tsuiwi tsa pikitsinda itji yuuya".
Jesús icananta pajĩshupa aapana jaicu nacu lrinaca yaapiya.
(Mt 7:17-20; 12:34-35; Stg 3:11-12)
43Jesús icananta pjaana, lriacu narsu: —"Currim matsianica ljiajĩ jaicu maatsinitsa cainacaca, njite currim tsakja maatsinica ljiajĩ jaicu matsianitsa cainacaca. 44Nainacanacu pataita paajĩca cuanperrica njaji jaicu nauyawaca: Currim paniwa wayawada mayawina yuuya, currim tsakja paniwa camjerru adapi kemanaperri yuuya. 45Ljiajĩ atsia matsiadalri icaolre ricu lrimutueta yacuti matsiaperritsa ima matsiaperricatsa njajĩ lricaolre ricupe, njite ljiajĩ matsidalritsa icaolre ricu lrimutueta yacuti maatsiperritsa ima matsiperricatsa njajĩ lrirsulri lricaolre ricu, ima cucashu cadaa pakjami pacaolre icatsa njajĩ pamutuetalri panumalricu".
Jesús icananta pada pajĩshupa neemetacawa nacu nja yamadapama panti
(Mt 7:24-27)
46Jesús icananta pjaana, lriacu narsu: —"¿Cuada icaite “iminalrica njua,” curricadanatsa inaitja cayujĩ nucaite capishu? 47Nucaitekje irsu cuamperrishuca njajĩ inucape nuikjaolre, njemi nursu njite nanaitja tsakja cayujĩ nucaite capishu: 48Cayucani lricayushu ljiajĩ atsia jicacada lriipana ipjewa teewaca njite lripakjanta taimi jiipadashu. Cawapua cadanacu ljia uuni njite lritarracaca yamarrao kjaida panti naculje, mitsa currim lritaita lricananitacan ima matsiaca nemetacan. 49Mitsa ljiajĩ jimicada nursu njite currim lrinaitja cayujĩ nucaite capishu, cayucani lricayushu ljiajĩ atsia inaitjacada ipanawa caidacua lricutsa, cawapua cadanacu ljia uuni njite lritarraca yamarrao kjaida panti naculje, icamitsa lriipjeetani njite lrimatsica pjiumini".
നിലവിൽ തിരഞ്ഞെടുത്തിരിക്കുന്നു:
:
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2025 CLAN
© 2025 Seed Company