MATTHEW 4
4
Jisu Porikhya Kora
1Tetiya Jisu tu Atma pora jungol jagate saitan pora porikhya koribole loi jaise. 2Aru Tar eku nakhai kene thaka chalis din aru chalis raati hoise, aru pasote tar bhuk lagise. 3Aru porikhya kora saitan ahhi kene Tar logote koise, “Jodi tumi Isor laga Putro hoi, eitu pathor khan ke roti hobole hukum dibi.” 4Kintu Jisu he uttar dise, “Eitu likhi kene ase,
“‘Khali roti pora manuh jinda nathake,
kintu Isor laga mukh pora ki kotha ulai ahhe, eitu kotha pora he thakibo.”’
5Tetiya saitan pora Jisu ke pobitro sohor te jabole dise, aru girja ghor upor te sob pora uncha jaga te loi jaise, 6aru Tar ke koise, “Jodi tumi Isor laga Putro hoi, Tumi nijor pora niche te giri jabi; kilemane eneka likhi kene ase,
“‘Tumi karne Tar laga sorgo dut ke hukum dibo,’
aru,
“‘tarkhan laga haat te tumi ke uthai lobo,
tetiya tumar laga theng tu pathor te nalagibo.’”
7Jisu he tar ke koise, “Arubhi eneka likha ase, ‘Tumar Prabhu Isor ke porikhya nakoribi.’” 8Arubhi, saitan pora Tar ke besi uncha pahar jaga te jabole dise aru prithibi laga rajyo sob aru eitu laga mahima dekhai dise. 9Aru tar pora Jisu ke koise, “Jodi tumi athukarhi kene moi ke aradhana korile, eitu sob moi tumi ke dibo.” 10Tetiya Jisu he tar ke koise, “Jai jabi, Saitan! Kilemane eneka likha ase,
“‘Tumi laga Prabhu Isor ke he tumi aradhana koribi
aru Tar ke he seva koribi.’”
11Tetiya saitan pora Tar ke sharise, aru sabi, sorgo dut khan ahhi kene Tar ke seva korise.
Jisu He Tar Porisarjo Shuru Kora
12Ei homoi te ketiya Jisu pora John ke dhori loise eneka hunise, Tar Galilee te jai jaise; 13aru Tar Nazareth shari kene samundor usor te thaka Capernaum, Zebulun aru Naphtali nagor te thaka jaga te thaki jaise, 14tetiya Isaiah bhavobadi pora koi thaka kotha hidho hobo nimite hoise:
15“Zebulun laga jaga aru Naphtali laga jaga,
samundor phale jua raasta te, Jordan nodi par kori thaka, Porjati khan laga Galilee—
16andhera te bohi thaka manuh khan pora
dangor Puhor ekta dekhi loise,
aru kon he mrityu laga sanya jaga te thaki ase,
taikhan upor te puhor ulai ahhi jaise.”
17Eitu homoi pora Jisu he prachar kori kene koise, “Mon ghurabi, kilemane sorgo rajyo usor te ase.”
Jisu He Prothom Chella Khan Mata
18Tar Galilee samundor usorte jua homoi, Tar he duijon bhai-kokai ke dekhise, Simon kon ke Peter mate aru tar laga bhai Andrew, samundor te jal mari thakise; kilemane tarkhan maas dhora manuh thakise. 19Aru Jisu he tarkhan ke koise, “Moi laga piche te ahhibi, aru moi tumikhan ke manuh bachai lua khan bonai dibo.” 20Loge loge tarkhan laga jal tate he shari dise aru Tar pichete ahhise. 21Aru tate pora aage te jua homoi te, arubhi dusera duijon bhai-kokai ke dekhise, Zebedee laga putro James aru tar laga bhai John, tarkhan laga pitri Zebedee logot nijor nao te, jal phata silaai thakise, aru Jisu he taikhan ke bhi matise. 22Loge loge nao aru taikhan laga pitri ke shari dise, aru Tar piche ahhise.
Jisu He Besi Manuh Majot Te Kam Kora
23Aru Jisu he Galilee jaga sob phale jaikene, girja ghor te sikhai dise aru sorgo rajyo laga Susamachar prachar kora aru kisim-kisim bemar hoi thaka manuh khan hustho kori dise. 24Tetiya Tar laga bhall nam khobor tu Syria jaga sob phale jaise, aru manuh khan pora bemari khan Tar usorte loi anise, nana-kisim bemar pora dukh hoi thaka khan, konuba gau bikhai thaka, konuba beya ohusi atma pora dhori thaka, konuba mirgi bemar, aru jothor-rugi khan sob tu Tar pora hustho kori dise. 25Aru Galilee jaga pora besi manuh Tar pichete ahhise aru Decapolis jaga pora aru Jerusalem pora aru Judea pora aru Jordan par kori thaka jaga sob pora ahhise.
നിലവിൽ തിരഞ്ഞെടുത്തിരിക്കുന്നു:
MATTHEW 4: NagaMe
ഹൈലൈറ്റ് ചെയ്യുക
പങ്ക് വെക്കു
പകർത്തുക
നിങ്ങളുടെ എല്ലാ ഉപകരണങ്ങളിലും ഹൈലൈറ്റുകൾ സംരക്ഷിക്കാൻ ആഗ്രഹിക്കുന്നുണ്ടോ? സൈൻ അപ്പ് ചെയ്യുക അല്ലെങ്കിൽ സൈൻ ഇൻ ചെയ്യുക
© 2014, The Bible Society of India
All rights reserved.
